헬라어 문장 검색 - Ηιπποξ́Οευϝρεσ́10́02́0́

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 2.)

Τὴν μὲν οὖν χεῖρα, περὶ οὗ ὁ λόγοσ, ἔδωκέ τισ ἐπιδῆσαι, πρηνέα ποιήσασ‧ ὁ δ’ ἠνάγκαζεν οὕτωσ ἔχειν, ὥσ περ οἱ τοξεύοντεσ, ἐπὴν τὸν ὦμον ἐμβάλλωσι, καὶ οὕτωσ ἔχουσαν ἐπέδει, νομίζων ἑωυτῷ εἶναι τοῦτο αὐτέῃ τὸ κατὰ φύσιν‧ καὶ μαρτύριον ἐπήγετο τά τε ὀστέα ἅπαντα τὰ ἐν τῷ πήχει, ὅτι ἰθυωρίην κατάλληλα εἶχε, τήν τε ὁμοχροίην, ὅτι αὐτὴ καθ’ ἑωυτὴν τὴν ἰθυωρίην ἔχει οὕτω καὶ ἐκ τοῦ ἔξωθεν μέρεοσ καὶ ἐκ τοῦ ἔσωθεν‧ οὕτω δὲ ἔφη καὶ τὰσ σάρκασ καὶ τὰ νεῦρα πεφυκέναι, καὶ τὴν τοξικὴν ἐπήγετο μαρτύριον. Ταῦτα λέγων καὶ ταῦτα ποιέων, σοφὸσ ἐδόκεεν εἶναι‧ τῶν δὲ ἄλλων τεχνέων ἐπελελήθει, καὶ ὁκόσα ἰσχύϊ ἐργάζονται, καὶ ὁκόσα τεχνήμασιν, οὐκ εἰδὼσ ὅτι ἄλλο ἐν ἄλλῳ τὸ κατὰ φύσιν σχῆμά ἐστιν, καὶ ἐν τῷ αὐτέῳ ἔργῳ ἕτερα τῆσ δεξιῆσ χειρὸσ σχήματα κατὰ φύσιν ἐστὶ, καὶ ἕτερα τῆσ ἀριστερῆσ, ἢν οὕτω τύχῃ. Ἄλλο μὲν γὰρ σχῆμα ἐν ἀκοντισμῷ κατὰ φύσιν, ἄλλο δὲ ἐν σφενδονήσει, ἄλλο δὲ ἐν λιθοβολίῃσιν, ἄλλο ἐν πυγμῇ, ἄλλο ἐν τῷ ἐλινύειν. Ὁκόσασ δ’ ἄν τισ τέχνασ εὑρ́οι, ἐννοέοι οὐ τὸ αὐτὸ σχῆμα τῶν χειρέων κατὰ φύσιν εἶναι ἐν ἑκάστῃ τῶν τεχνέων‧ ἀλλὰ πρὸσ τὸ ἄρμενον ὃ ἂν ἔχῃ ἕκαστοσ, καὶ πρὸσ τὸ ἔργον ὃ ἂν ἐπιτελέσασθαι θέλῃ, σχηματίζονται αἱ χεῖρεσ. Τοξικὴν δὲ ἀσκέοντι εἰκὸσ τοῦτο τὸ σχῆμα κράτιστον εἶναι τῆσ ἑτέρησ χειρόσ‧ τοῦ γὰρ βραχίονοσ τὸ γιγγλυμοειδὲσ, ἐν τῇ τοῦ πήχεοσ βαθμίδι ἐν τουτέῳ τῷ σχήματι ἐρεῖδον, ἰθυωρίην ποιέει τοῖσιν ὀστέοισι τοῦ πήχεοσ καὶ τοῦ βραχίονοσ, ὡσ εἰ ἓν εἰή τὸ πᾶν‧ καὶ ἡ ἀνάκλασισ τοῦ ἄρθρου κέκλασται ἐν τουτέῳ τῷ σχήματι. Εἰκὸσ μὲν οὖν οὕτωσ ἀκαμπτότατόν τε καὶ τετανώτατον εἶναι τὸ χωρίον, καὶ μὴ ἡσσᾶσθαι, μηδὲ ξυνδιδόναι, ἑλκομένησ τῆσ νευρῆσ ὑπὸ τῆσ δεξιῆσ χειρόσ‧ καὶ οὕτωσ ἐπὶ πλεῖστον μὲν τὴν νευρὴν ἑλκύσει, ἀφήσει δὲ ἀπὸ στερεωτάτου καὶ ἀθροωτάτου‧ ἀπὸ τῶν τοιουτέων γὰρ ἀφεσίων τῶν τοξευμάτων, ταχεῖαι καὶ αἱ ἰσχύεσ καὶ τὰ μήκεα γίνονται. Ἐπιδέσει δὲ καὶ τοξικῇ οὐδὲν κοινόν. Τοῦτο μὲν γὰρ, εἰ ἐπιδήσασ ἔχειν τὴν χεῖρα οὕτωσ ἐκέλευε, πόνουσ ἂν ἄλλουσ πολλοὺσ προσετίθει μείζονασ τοῦ τρώματοσ‧ τοῦτο δ’, εἰ ξυγκάμψαι ἐκέλευεν, οὔτε τὰ ὀστέα, οὔτε τὰ νεῦρα, οὔτε αἱ σάρκεσ ἔτι ἐν τῷ αὐτέῳ ἐγίνοντο, ἀλλὰ ἄλλῃ μετεκοσμεῖτο, κρατέοντα τὴν ἐπίδεσιν‧ καὶ τί ὄφελόσ ἐστι τοξικοῦ σχήματοσ; Καὶ ταῦτα ἴσωσ οὐκ ἂν ἐξημάρτανε σοφιζόμενοσ, εἰ εἰά τὸν τετρωμένον αὐτὸν τὴν χεῖρα παρασχέσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΓΜΩΝ., 2.

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 2.)

상위

목록

SEARCH

MENU NAVIGATION