Hippocrates, Oeuvres Completes D'Hippocrate., ΠΕΡΙ ΑΓΜΩΝ., 2.

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 2.)

Τὴν μὲν οὖν χεῖρα, περὶ οὗ ὁ λόγοσ, ἔδωκέ τισ ἐπιδῆσαι, πρηνέα ποιήσασ‧ ὁ δ’ ἠνάγκαζεν οὕτωσ ἔχειν, ὥσ περ οἱ τοξεύοντεσ, ἐπὴν τὸν ὦμον ἐμβάλλωσι, καὶ οὕτωσ ἔχουσαν ἐπέδει, νομίζων ἑωυτῷ εἶναι τοῦτο αὐτέῃ τὸ κατὰ φύσιν‧ καὶ μαρτύριον ἐπήγετο τά τε ὀστέα ἅπαντα τὰ ἐν τῷ πήχει, ὅτι ἰθυωρίην κατάλληλα εἶχε, τήν τε ὁμοχροίην, ὅτι αὐτὴ καθ’ ἑωυτὴν τὴν ἰθυωρίην ἔχει οὕτω καὶ ἐκ τοῦ ἔξωθεν μέρεοσ καὶ ἐκ τοῦ ἔσωθεν‧ οὕτω δὲ ἔφη καὶ τὰσ σάρκασ καὶ τὰ νεῦρα πεφυκέναι, καὶ τὴν τοξικὴν ἐπήγετο μαρτύριον. Ταῦτα λέγων καὶ ταῦτα ποιέων, σοφὸσ ἐδόκεεν εἶναι‧ τῶν δὲ ἄλλων τεχνέων ἐπελελήθει, καὶ ὁκόσα ἰσχύϊ ἐργάζονται, καὶ ὁκόσα τεχνήμασιν, οὐκ εἰδὼσ ὅτι ἄλλο ἐν ἄλλῳ τὸ κατὰ φύσιν σχῆμά ἐστιν, καὶ ἐν τῷ αὐτέῳ ἔργῳ ἕτερα τῆσ δεξιῆσ χειρὸσ σχήματα κατὰ φύσιν ἐστὶ, καὶ ἕτερα τῆσ ἀριστερῆσ, ἢν οὕτω τύχῃ. Ἄλλο μὲν γὰρ σχῆμα ἐν ἀκοντισμῷ κατὰ φύσιν, ἄλλο δὲ ἐν σφενδονήσει, ἄλλο δὲ ἐν λιθοβολίῃσιν, ἄλλο ἐν πυγμῇ, ἄλλο ἐν τῷ ἐλινύειν. Ὁκόσασ δ’ ἄν τισ τέχνασ εὑρ́οι, ἐννοέοι οὐ τὸ αὐτὸ σχῆμα τῶν χειρέων κατὰ φύσιν εἶναι ἐν ἑκάστῃ τῶν τεχνέων‧ ἀλλὰ πρὸσ τὸ ἄρμενον ὃ ἂν ἔχῃ ἕκαστοσ, καὶ πρὸσ τὸ ἔργον ὃ ἂν ἐπιτελέσασθαι θέλῃ, σχηματίζονται αἱ χεῖρεσ. Τοξικὴν δὲ ἀσκέοντι εἰκὸσ τοῦτο τὸ σχῆμα κράτιστον εἶναι τῆσ ἑτέρησ χειρόσ‧ τοῦ γὰρ βραχίονοσ τὸ γιγγλυμοειδὲσ, ἐν τῇ τοῦ πήχεοσ βαθμίδι ἐν τουτέῳ τῷ σχήματι ἐρεῖδον, ἰθυωρίην ποιέει τοῖσιν ὀστέοισι τοῦ πήχεοσ καὶ τοῦ βραχίονοσ, ὡσ εἰ ἓν εἰή τὸ πᾶν‧ καὶ ἡ ἀνάκλασισ τοῦ ἄρθρου κέκλασται ἐν τουτέῳ τῷ σχήματι. Εἰκὸσ μὲν οὖν οὕτωσ ἀκαμπτότατόν τε καὶ τετανώτατον εἶναι τὸ χωρίον, καὶ μὴ ἡσσᾶσθαι, μηδὲ ξυνδιδόναι, ἑλκομένησ τῆσ νευρῆσ ὑπὸ τῆσ δεξιῆσ χειρόσ‧ καὶ οὕτωσ ἐπὶ πλεῖστον μὲν τὴν νευρὴν ἑλκύσει, ἀφήσει δὲ ἀπὸ στερεωτάτου καὶ ἀθροωτάτου‧ ἀπὸ τῶν τοιουτέων γὰρ ἀφεσίων τῶν τοξευμάτων, ταχεῖαι καὶ αἱ ἰσχύεσ καὶ τὰ μήκεα γίνονται. Ἐπιδέσει δὲ καὶ τοξικῇ οὐδὲν κοινόν. Τοῦτο μὲν γὰρ, εἰ ἐπιδήσασ ἔχειν τὴν χεῖρα οὕτωσ ἐκέλευε, πόνουσ ἂν ἄλλουσ πολλοὺσ προσετίθει μείζονασ τοῦ τρώματοσ‧ τοῦτο δ’, εἰ ξυγκάμψαι ἐκέλευεν, οὔτε τὰ ὀστέα, οὔτε τὰ νεῦρα, οὔτε αἱ σάρκεσ ἔτι ἐν τῷ αὐτέῳ ἐγίνοντο, ἀλλὰ ἄλλῃ μετεκοσμεῖτο, κρατέοντα τὴν ἐπίδεσιν‧ καὶ τί ὄφελόσ ἐστι τοξικοῦ σχήματοσ; Καὶ ταῦτα ἴσωσ οὐκ ἂν ἐξημάρτανε σοφιζόμενοσ, εἰ εἰά τὸν τετρωμένον αὐτὸν τὴν χεῖρα παρασχέσθαι.

일치하는 문장이 없습니다.

SEARCH

MENU NAVIGATION