헬라어 문장 검색 - ΕπιξτέΩορκσ́06́09́

(에픽테토스, Works, book 4, Πρὸσ τὸν εἰσ ἀναισχυντίαν μεταβληθέντα.)

Ὅταν ἄλλον ἴδῃσ ἄρχοντα, ἀντίθεσ, ὅτι σὺ ἔχεισ τὸ μὴ δεῖσθαι ἀρχῆσ· ὅταν ἄλλον πλουτοῦντα, ἰδοῦ, τί ἀντὶ τούτου ἔχεισ. εἰ μὲν γὰρ μηδὲν ἔχεισ ἀντ’ αὐτοῦ, ἄθλιοσ εἶ·

εἰ δ’ ἔχεισ τὸ μὴ χρείαν ἔχειν πλούτου, γίγνωσκε, ὅτι πλεῖον ἔχεισ καὶ πολλῷ πλείονοσ ἄξιον. ἄλλοσ γυναῖκα εὔμορφον, σὺ τὸ μὴ ἐπιθυμεῖν εὐμόρφου γυναικόσ. μικρά σοι δοκεῖ ταῦτα; καὶ πόσου ἂν τιμήσαιντο οὗτοι αὐτοὶ οἱ πλουτοῦντεσ καὶ ἄρχοντεσ καὶ μετ’ εὐμόρφων διαιτώμενοι δύνασθαι πλούτου καταφρονεῖν καὶ ἀρχῶν καὶ αὐτῶν τούτων τῶν γυναικῶν, ὧν ἐρῶσιν καὶ ὧν τυγχάνουσιν;

ἀγνοεῖσ οἱο͂́ν τί ἐστι δίψοσ πυρέσσοντοσ;

οὐδὲν ὅμοιον ἔχει τῷ τοῦ ὑγιαίνοντοσ. ἐκεῖνοσ πιὼν ἀποπέπαυται· ὁ δὲ πρὸσ ὀλίγον ἡσθεὶσ ναυτιᾷ, χολὴν αὐτὸ ποιεῖ ἀντὶ ὕδατοσ, ἐμεῖ, στροφοῦται, διψῇ σφοδρότερον. τοιοῦτόν ἐστι μετ’ ἐπιθυμίασ πλουτεῖν, μετ’ ἐπιθυμίασ ἄρχειν, μετ’ ἐπιθυμίασ καλῇ συγκαθεύδειν·

ζηλοτυπία πρόσεστιν, φόβοσ τοῦ στερηθῆναι, αἰσχροὶ λόγοι, αἰσχρὰ ἐνθυμήματα, ἔργα ἀσχήμονα. Καὶ τί, φησίν, ἀπολλύω; ‐ Ἄνθρωπε, ὑπῆρχεσ αἰδήμων καὶ νῦν οὐκέτι εἶ·

οὐδὲν ἀπολώλεκασ; ἀντὶ Χρυσίππου καὶ Ζήνωνοσ Ἀριστείδην ἀναγιγνώσκεισ καὶ Εὐηνόν· οὐδὲν ἀπολώλεκασ; ἀντὶ Σωκράτουσ καὶ Διογένουσ τεθαύμακασ τὸν πλείστασ διαφθεῖραι καὶ ἀναπεῖσαι δυνάμενον. καλὸσ εἶναι θέλεισ καὶ πλάσσεισ σεαυτὸν μὴ ὢν καὶ ἐσθῆτα ἐπιδεικνύειν θέλεισ στιλπνήν, ἵνα τὰσ γυναῖκασ ἐπιστρέφῃσ, κἄν που μυραφίου ἐπιτύχῃσ, μακάριοσ εἶναι δοκεῖσ.

πρότερον δ’ οὐδὲ ἐνεθυμοῦ τι τούτων, ἀλλὰ ποῦ εὐσχήμων λόγοσ, ἀνὴρ ἀξιόλογοσ, ἐνθύμημα γενναῖον.

τοιγαροῦν ἐκάθευδεσ ὡσ ἀνήρ, προῄεισ ὡσ ἀνήρ, ἐσθῆτα ἐφόρεισ ἀνδρικήν, λόγουσ ἐλάλεισ πρέποντασ ἀνδρὶ ἀγαθῷ· εἶτά μοι λέγεισ " 3οὐδὲν ἀπώλεσα"; οὕτωσ οὐδὲν ἄλλο ἢ κέρμα ἀπολλύουσιν ἄνθρωποι;

αἰδὼσ οὐκ ἀπόλλυται, εὐσχημοσύνη οὐκ ἀπόλλυται; ἢ οὐκ ἔστι ζημιωθῆναι ταῦτα ἀπολέσαντα; σοὶ μὲν οὖ ν δοκεῖ τάχα τούτων οὐδὲν οὐκέτι εἶναι ζημία· ἦν δέ ποτε χρόνοσ, ὅτε μόνην αὐτὴν ὑπελογίζου καὶ ζημίαν καὶ βλάβην, ὅτε ἠγωνίασ, μή τισ ἐκσείσῃ σε τούτων τῶν λόγων καὶ ἔργων.

ἐκσέσεισαι ὑπ’ ἄλλου μὲν οὐδενόσ, ὑπὸ σαυτοῦ δέ.

μαχέσθητι σαυτῷ, ἀφελοῦ σαυτὸν εἰσ εὐσχημοσύνην, εἰσ αἰδῶ, εἰσ ἐλευθερίαν. εἴ σοί τίσ που ἔλεγεν περὶ ἐμοῦ ταῦτα, ὅτι μέ τισ μοιχεύειν ἀναγκάζει, ὅτι ἐσθῆτα φορεῖν τοιαύτην, ὅτι μυρίζεσθαι, οὐκ ἂν ἀπελθὼν αὐτόχειρ ἐγένου τούτου τοῦ ἀνθρώπου τοῦ οὕτωσ μοι παραχρωμένου;

νῦν οὖν οὐ θέλεισ σαυτῷ βοηθῆσαι;

καὶ πόσῳ ῥᾴων αὕτη ἡ βοήθεια; οὐκ ἀποκτεῖναί τινα δεῖ, οὐ δῆσαι, οὐχ ὑβρίσαι, οὐκ εἰσ ἀγορὰν προελθεῖν, ἀλλ’ αὐτὸν αὑτῷ λαλῆσαι, τῷ μάλιστα πεισθησομένῳ, πρὸσ ὃν οὐδείσ ἐστί σου πιθανώτεροσ. καὶ πρῶτον μὲν κατάγνωθι τῶν γιγνομένων, εἶτα καταγνοὺσ μὴ ἀπογνῷσ σεαυτοῦ μηδὲ πάθῃσ τὸ τῶν ἀγεννῶν ἀνθρώπων, οἳ ἅπαξ ἐνδόντεσ εἰσάπαν ἐπέδωκαν ἑαυτοὺσ καὶ ὡσ ὑπὸ ῥεύματοσ παρεσύρησαν, ἀλλὰ μάθε τὸ τῶν παιδοτριβῶν.

πέπτωκε τὸ παιδίον·

"ἀναστάσ", φησίν, "πάλιν πάλαιε, μέχρισ ἂν ἰσχυροπο ιηθῇσ. " τοιοῦτόν τι καὶ σὺ πάθε· ἴσθι γάρ, ὅτι οὐδέν ἐστιν εὐαγωγότερον ἀνθρωπίνησ ψυχῆσ.

θελῆσαι δεῖ καὶ γέγονεν, διώρθωται· ὡσ πάλιν ἀπονυστάσαι καὶ ἀπόλωλεν. ἔσωθεν γάρ ἐστι καὶ ἀπώλεια καὶ βοήθεια. ‐ Εἶτα τί μοι ἀγαθόν;

‐ Καὶ τί ζητεῖσ τούτου μεῖζον; ἐξ ἀναισχύντου αἰδήμων ἔσῃ, ἐξ ἀκόσμου κόσμιοσ, ἐξ ἀπίστου πιστόσ, ἐξ ἀκολάστου σώφρων. εἴ τινα ἄλλα τούτων μείζονα ζητεῖσ, ποίει ἃ ποιεῖσ·

οὐδὲ θεῶν σέ τισ ἔτι σῶσαι δύναται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Epictetus, Works, book 4, Πρὸσ τὸν εἰσ ἀναισχυντίαν μεταβληθέντα.

(에픽테토스, Works, book 4, Πρὸσ τὸν εἰσ ἀναισχυντίαν μεταβληθέντα.)

상위

목록

SEARCH

MENU NAVIGATION