οὐ μόνον δὲ τῶν ὑποθέσεων χάριν ἄξιοσ ἐπαινεῖσθαι , ἀλλὰ καὶ τῆσ οἰκονομίασ· ταῖσ τε γὰρ ἀρχαῖσ αὐτῶν ταῖσ πρεπωδεστάταισ κέχρηται καὶ τελευτὰσ ἑκάστῃ τὰσ ἐπιτηδειοτάτασ ἀποδέδωκε, μεμέρικέν τε καλῶσ καὶ τέταχεν καὶ πεποίκιλκε τὴν γραφήν. ἦθόσ τε ἐπιδείκνυται θεοσεβὲσ καὶ δίκαιον καὶ καρτερικὸν καὶ εὐπρεπέσ, ἁπάσαισ τε συλλήβδην κεκοσμημένον ἀρεταῖσ· καὶ ὁ μὲν πραγματικὸσ τύποσ αὐτῷ τοιοῦτοσ.
