헬라어 문장 검색 - Διονψσ́Επιστυλ́4́

(디오니시오스, Epistula ad Pompeium Geminum, chapter 4)

Ξενοφῶν δὲ καὶ Φίλιστοσ οἱ τούτοισ ἐπακμάσαντεσ οὔτε φύσεισ ὁμοίασ εἶχον οὔτε προαιρέσεισ. Ξενοφῶν μὲν γὰρ Ἡροδότου ζηλωτὴσ ἐγένετο κατ’ ἀμφοτέρουσ τοὺσ χαρακτῆρασ, τόν τε πραγματικὸν καὶ τὸν λεκτικόν. πρῶτον μὲν γὰρ τὰσ ὑποθέσεισ τῶν ἱστοριῶν ἐξελέξατο καλὰσ καὶ μεγαλοπρεπεῖσ καὶ ἀνδρὶ φιλοσόφῳ προσηκούσασ· τήν τε Κύρου παιδείαν, εἰκόνα βασιλέωσ ἀγαθοῦ καὶ εὐδαίμονοσ· καὶ τὴν ἀνάβασιν τοῦ νεωτέρου Κύρου, ᾧ καὶ αὐτὸσ συνανέβη, μέγιστον ἐγκώμιον ἔχουσαν τῶν συστρατευσαμένων Ἑλλήνων· καὶ τρίτην ἔτι τὴν Ἑλληνικὴν καὶ ἣν κατέλιπεν ἀτελῆ Θουκυδίδησ, ἐν ᾗ καταλύονταί τε οἱ τριάκοντα καὶ τὰ τείχη τῶν Ἀθηναίων, ἃ Λακεδαιμόνιοι καθεῖλον, αὖθισ ἀνίσταται. οὐ μόνον δὲ τῶν ὑποθέσεων χάριν ἄξιοσ ἐπαινεῖσθαι , ἀλλὰ καὶ τῆσ οἰκονομίασ·

ταῖσ τε γὰρ ἀρχαῖσ αὐτῶν ταῖσ πρεπωδεστάταισ κέχρηται καὶ τελευτὰσ ἑκάστῃ τὰσ ἐπιτηδειοτάτασ ἀποδέδωκε, μεμέρικέν τε καλῶσ καὶ τέταχεν καὶ πεποίκιλκε τὴν γραφήν. ἦθόσ τε ἐπιδείκνυται θεοσεβὲσ καὶ δίκαιον καὶ καρτερικὸν καὶ εὐπρεπέσ, ἁπάσαισ τε συλλήβδην κεκοσμημένον ἀρεταῖσ· καὶ ὁ μὲν πραγματικὸσ τύποσ αὐτῷ τοιοῦτοσ. ὁ δὲ λεκτικὸσ πῇ μὲν ὅμοιοσ Ἡροδότου, πῇ δὲ ἐνδεέστεροσ.

καθαρὸσ μὲν γὰρ τοῖσ ὀνόμασιν ἱκανῶσ καὶ σαφὴσ καὶ ἐναργὴσ καθάπερ ἐκεῖνοσ· ἐκλέγει δὲ ὀνόματα συνήθη τε καὶ προσφυῆ τοῖσ πράγμασι, καὶ συντίθησιν αὐτὰ ἡδέωσ πάνυ καὶ κεχαρισμένωσ οὐχ ἧττον Ἡροδότου. ὕψοσ δὲ καὶ κάλλοσ καὶ μεγαλοπρέπειαν καὶ τὸ λεγόμενον ἰδίωσ πλάσμα ἱστορικὸν Ἡρόδοτοσ ἔχει· οὐ γὰρ μόνον οὐκ ἴσχυσε τοῦτο παρ’ αὐτοῦ λαβεῖν, ἀλλὰ κἄν ποτε διεγεῖραι βουληθῇ τὴν φράσιν, ὀλίγον ἐμπνεύσασ ὥσπερ ἀπόγειοσ αὖρα ταχέωσ σβέννυται μακρότεροσ γὰρ γίνεται τοῦ δέοντοσ ἐν πολλοῖσ, καὶ τοῦ πρέποντοσ οὐχ ὡσ Ἡρόδοτοσ ἐφάπτεται τῶν προσώπων εὐτυχῶσ, ἀλλ’ ἐν πολλοῖσ ὀλίγωρόσ ἐστιν, ἄν τισ ὀρθῶσ σκοπῇ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Epistula ad Pompeium Geminum, chapter 4

(디오니시오스, Epistula ad Pompeium Geminum, chapter 4)

상위

목록

SEARCH

MENU NAVIGATION