Dionysius of Halicarnassus, Epistula ad Pompeium Geminum, chapter 2 6:

πολλὴ μὲν γὰρ ἐν τοῖσ ἐπιθέτοισ, ἄκαιροσ δ’ ἐν ταῖσ μετωνυμίαισ, σκληρὰ δὲ καὶ οὐ σῴζουσα τὴν ἀναλογίαν ἐν ταῖσ μεταφοραῖσ γίγνεται, ἀλληγορίασ τε περιβάλλεται μακρὰσ καὶ πολλὰσ οὔτε μέτρον ἐχούσασ οὔτε καιρόν, σχήμασί τε ποιητικοῖσ ἐσχάτην προσβάλλουσιν ἀηδίαν, καὶ μάλιστα τοῖσ Γοργιείοισ ἀκαίρωσ καὶ μειρακιωδῶσ ἐναβρύνεται· καὶ πολὺσ ὁ τελέτησ ἐστὶν ἐν τοῖσ τοιούτοισ παρ’ αὐτῷ, ὡσ καὶ Δημήτριοσ ὁ Φαληρεὺσ εἴρηκέ που καὶ ἄλλοι συχνοί· οὐ γὰρ ἐμὸσ ὁ μῦθοσ.