헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 11, chapter 9)

τῆσ πόλεωσ καὶ τὸ κοινὸν ἀπὸ τῶν συμφερόντων οὐχὶ τὸ ὑμῖν αὐτοῖσ ἰδίᾳ λυσιτελοῦν ὀφείλοντασ σκοπεῖν, ἐάν τι τῶν ἀληθῶν μετὰ παρρησίασ, ἀλλὰ μὴ καθ’ ἡδονὰσ τὰσ ὑμετέρασ λέγω, μή μοι διὰ τοῦτ’ ἀπεχθάνεσθαι ἐνθυμουμένουσ, ὅτι οὐκ ἐπὶ λοιδορίᾳ καὶ προπηλακισμῷ τῆσ ἀρχῆσ ὑμῶν ποιήσομαι τοὺσ λόγουσ, ἀλλ’ ἵνα δείξασ, ἐν οἱῴ κλύδωνι τὰ πράγματα σαλεύει τῆσ πόλεωσ, τὴν σωτηρίαν καὶ ἐπανόρθωσιν αὐτῶν ἥτισ ἔσται φράσω. ἅπασι μὲν γὰρ ἴσωσ, ὅσοισ τῇ πατρίδι .

. . δωσιν, ἀναγκαῖόσ ἐστιν ὁ περὶ τῶν κοινῇ συμφερόντων λόγοσ, μάλιστα δ’ ἐμοί. πρῶτον μὲν γάρ, ὅτι γνώμησ ἄρχειν ἠξίωμαι διὰ τιμήν· αἰσχύνη δὲ καὶ μωρία πολλὴ πρῶτον ἀναστάντα μὴ οὐχ ἃ δεῖ πρῶτον ἐπανορθώσασθαι λέγειν. ὄντι θείῳ πρὸσ πατρὸσ Ἀππίου τοῦ προεστηκότοσ τῆσ δεκαδαρχίασ ἥδεσθαί τε πάντων μάλιστα, ὅταν εὖ τὰ κοινὰ ὑπ’ αὐτῶν ἐπιτροπεύηται, καὶ ἀνιᾶσθαι παντὸσ ὁτουδήτινοσ μᾶλλον, ὅταν μὴ καλῶσ.

πρὸσ δὲ τούτοισ ὅτι ταύτην πολιτείασ διαδέδεγμαι προαίρεσιν ἐκ προγόνων τὰ κοινὰ συμφέροντα πρὸ τῶν οἰκείων λυσιτελῶν αἱρεῖσθαι καὶ μηδένα κίνδυνον ἴδιον ὑπολογίζεσθαι, ἣν οὐκ ἂν προδοίην ἑκὼν εἶναι καὶ οὐκ ἂν καταισχύναιμι τὰσ ἐκείνων τῶν ἀνδρῶν ἀρετάσ.

περὶ μὲν οὖν τῆσ καθεστώσησ πολιτείασ, ὅτι πονηρῶσ ἡμῖν ἔχει, καὶ δυσχεραίνουσιν ὀλίγου δεῖν πάντεσ αὐτῇ, μέγιστον ὑμῖν γενέσθω τεκμήριον ὃ μόνον οὐδ’ ἀγνοεῖν ἔξεστιν ὑμῖν, ὅτι φεύγουσιν ἐκ τῆσ πόλεωσ ὁσημέραι καταλιπόντεσ τὰσ πατρῴασ ἑστίασ οἱ χαριέστατοι τῶν δημοτικῶν, οἱ μὲν εἰσ τὰσ πλησιοχώρουσ πόλεισ ἅμα γυναιξὶ καὶ τέκνοισ μετατιθέμενοι τὰσ οἰκήσεισ, οἱ δ’ εἰσ τοὺσ πλεῖστον ἀπέχοντασ τῆσ πόλεωσ ἀγρούσ·

καὶ οὐδὲ τῶν πατρικίων πολλοὶ τὰσ κατ’ ἄστυ ποιοῦνται διατριβὰσ ὡσ πρότερον, ἀλλὰ καὶ τούτων οἱ πλείουσ τὸν βίον ἔχουσιν ἐν τοῖσ ἀγροῖσ.

καὶ τί δεῖ περὶ τῶν ἄλλων λέγειν, ὅτε καὶ τῶν βουλευτῶν ὀλίγοι μέν τινεσ οἱ κατὰ συγγένειαν ἢ φιλίαν προσήκοντεσ ὑμῖν ὑπομένουσιν ἐντὸσ τείχουσ, οἱ δ’ ἄλλοι τὴν ἐρημίαν ποθεινοτέραν ἡγοῦνται τῆσ πατρίδοσ;

μηδενὸσ ἀπολείπεσθαι τῶν κοινῶν.

ἆρ’ οὐν τἀγαθὰ φεύγοντασ ὑπολαμβάνετε ἀνθρώπουσ καταλιπεῖν τὰσ ἑαυτῶν πατρίδασ ἢ τὰ κακά; ἐγὼ μὲν γὰρ οἰόμαι τὰ κακά.

καίτοι τίνοσ ἔλαττον οἰέσθ’ εἶναι κακὸν πόλει καὶ ταῦτα τῇ Ῥωμαίων, ᾗ πολλῶν οἰκείων δεῖ σωμάτων, εἰ μέλλει βεβαίωσ καθέξειν τὴν τῶν προσοίκων ἀρχήν, τὸ καταλείπεσθαι μὲν ὑπὸ τῶν δημοτικῶν, ἐρημοῦσθαι δ’ ὑπὸ τῶν πατρικίων, οὔτε πολέμου κατασχόντοσ αὐτὴν οὔτε νόσου λοιμικῆσ οὔτ’ ἄλλησ θεηλάτου συμφορᾶσ οὐδεμιᾶσ;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 11, chapter 9

(디오니시오스, Antiquitates Romanae, Books X-XX, book 11, chapter 9)

상위

목록

SEARCH

MENU NAVIGATION