헬라어 문장 검색 - Διογεν́Λιϝεσοφ́1́11́

(디오게네스 라에르티오스, Lives of Eminent Philosophers, ΒΙΩΝ ΚΑΙ ΓΝΩΜΩΝ ΤΩΝ ΕΝ ΦΙΛΟΣΟΦΙΑΙ ΕΥΔΟΚΙΜΗΣΑΝΤΩΝ ΤΩΝ ΕΙΣ ΔΕΚΑ ΤΟ ΠΡΩΤΟΝ, Kef. i'. EPIMENIDHS)

Ἐπιμενίδησ, καθά φησι Θεόπομποσ καὶ ἄλλοι συχνοί, πατρὸσ μὲν ἦν Φαιστίου, οἱ δὲ Δωσιάδα οἱ δὲ Ἀγησάρχου· Κρὴσ τὸ γένοσ ἀπὸ Κνωσοῦ, καθέσει τῆσ κόμησ τὸ εἶδοσ παραλλάσσων. οὗτόσ ποτε πεμφθεὶσ παρὰ τοῦ πατρὸσ εἰσ ἀγρὸν ἐπὶ πρόβατον, τῆσ ὁδοῦ κατὰ μεσημβρίαν ἐκκλίνασ ὑπ’ ἄντρῳ τινὶ κατεκοιμήθη ἑπτὰ καὶ πεντήκοντα ἔτη. διαναστὰσ δὲ μετὰ ταῦτα ἐζήτει τὸ πρόβατον, νομίζων ἐπ’ ὀλίγον κεκοιμῆσθαι. ὡσ δὲ οὐχ εὑρ́ισκε, παρεγένετο εἰσ τὸν ἀγρόν, καὶ μετεσκευασμένα πάντα καταλαβὼν καὶ παρ’ ἑτέρῳ τὴν κτῆσιν, πάλιν ἧκεν εἰσ ἄστυ διαπορούμενοσ. κἀκεῖ δὲ εἰσ τὴν ἑαυτοῦ εἰσιὼν οἰκίαν περιέτυχε τοῖσ πυνθανομένοισ τίσ εἰή, ἑώσ τὸν νεώτερον ἀδελφὸν εὑρὼν τότε ἤδη γέροντα ὄντα, πᾶσαν ἔμαθε παρ’ ἐκείνου τὴν ἀλήθειαν. γνωσθεὶσ δὲ παρὰ τοῖσ Ἕλλησι θεοφιλέστατοσ εἶναι ὑπελήφθη.

καὶ διὰ τοῦτο ἀποθανεῖν δύο νεανίασ, Κρατῖνον καὶ Κτησίβιον, καὶ λυθῆναι τὴν συμφοράν. Τότε καὶ Ἀθηναίοισ [τότε] λοιμῷ κατεχομένοισ ἔχρησεν ἡ Πυθία καθῆραι τὴν πόλιν· οἱ δὲ πέμπουσι ναῦν τε καὶ Νικίαν τὸν Νικηράτου εἰσ Κρήτην, καλοῦντεσ τὸν Ἐπιμενίδην. καὶ ὃσ ἐλθὼν Ὀλυμπιάδι τεσσαρακοστῇ ἕκτῇ ἐκάθηρεν αὐτῶν τὴν πόλιν καὶ ἔπαυσε τὸν λοιμὸν τοῦτον τὸν τρόπον. λαβὼν πρόβατα μέλανά τε καὶ λευκὰ ἤγαγε πρὸσ τὸν Ἄρειον πάγον· κἀκεῖθεν εἰάσεν ἰέναι οἷ βούλοιντο, προστάξασ τοῖσ ἀκολούθοισ ἔνθα ἂν κατακλίνοι αὐτῶν ἕκαστον, θύειν τῷ προσήκοντι θεῷ· καὶ οὕτω λῆξαι τὸ κακόν. ὅθεν ἔτι καὶ νῦν ἔστιν εὑρεῖν κατὰ τοὺσ δήμουσ τῶν Ἀθηναίωι βωμοὺσ ἀνωνύμουσ, ὑπόμνημα τῆσ τότε γενομένησ ἐξιλάσεωσ. οἱ δὲ τὴν αἰτίαν εἰπεῖν τοῦ λοιμοῦ τὸ Κυλώνειον ἄγοσ σημαίνειν τε τὴν ἀπαλλαγήν· Ἀθηναῖοι δὲ τάλαντον ἐψηφίσαντο δοῦναι αὐτῷ καὶ ναῦν τὴν ἐσ Κρήτην ἀπάξουσαν αὐτόν.

ὁ δὲ τὸ μὲν ἀργύριον οὐ προσήκατο· φιλίαν δὲ καὶ συμμαχίαν ἐποιήσατο Κνωσίων καὶ Ἀθηναίων. Καὶ ἐπανελθὼν ἐπ’ οἴκου μετ’ οὐ πολὺ μετήλλαξεν, ὥσ φησι Φλέγων ἐν τῷ Περὶ μακροβίων, βιοὺσ ἔτη ἑπτὰ καὶ πεντήκοντα καὶ ἑκατόν· ὡσ δὲ Κρῆτεσ λέγουσιν, ἑνὸσ δέοντα τριακόσια· ὡσ δὲ Ξενοφάνησ ὁ Κολοφώνιοσ ἀκηκοέναι φησί, τέτταρα πρὸσ τοῖσ πεντήκοντα καὶ ἑκατόν. Ἐποίησε δὲ Κουρήτων καὶ Κορυβάντων γένεσιν καὶ Θεογονίαν, ἔπη πεντακισχίλια, Ἀργοῦσ ναυπηγίαν τε καὶ Ιἄσονοσ εἰσ Κόλχουσ ἀπόπλουν ἔπη ἑξακισχίλια πεντακόσια. συνέγραψε δὲ καὶ καταλογάδην Περὶ θυσιῶν καὶ τῆσ ἐν Κρήτῃ πολιτείασ καὶ Περὶ Μίνω καὶ Ῥαδαμάνθυοσ εἰσ ἔπη τετρακισχίλια.

ἱδρύσατο δὲ καὶ παρ’ Ἀθηναίοισ τὸ ἱερὸν τῶν Σεμνῶν, ὥσ φησι Λόβων ὁ Ἀργεῖοσ ἐν τῷ Περὶ ποιητῶν. λέγεται δὲ καὶ πρῶτοσ οἰκίασ καὶ ἀγροὺσ καθῆραι καὶ ἱερὰ ἱδρύσασθαι. εἰσὶ δ’ οἳ μὴ κοιμηθῆναι αὐτὸν λέγουσιν, ἀλλὰ χρόνον τινὰ ἐκπατῆσαι ἀσχολούμενον περὶ ῥιζοτομίαν. Φέρεται δ’ αὐτοῦ καὶ ἐπιστολὴ πρὸσ Σόλωνα τὸν νομοθέτην, περιέχουσα πολιτείαν ἣν διέταξε Κρησὶ Μίνωσ. ἀλλὰ Δημήτριοσ ὁ Μάγνησ ἐν τοῖσ περὶ ὁμωνύμων ποιητῶν τε καὶ συγγραφέων διελέγχειν πειρᾶται τὴν ἐπιστολὴν ὡσ νεαρὰν καὶ μὴ τῇ Κρητικῇ φωνῇ γεγραμμένην, Ἀτθίδι δὲ καὶ ταύτῃ νέᾳ. ἐγὼ δὲ καὶ ἄλλην εὑρ͂ον ἐπιστολὴν ἔχουσαν οὕτωσ· Ἐπιμενίδησ Σόλωνι "Θάρρει, ὦ ἑταῖρε. αἰ γὰρ ἔτι θητευόντεσσιν Ἀθηναίοισ καὶ μὴ εὐνομημένοισ ἐπεθήκατο Πεισίστρατοσ, εἶχέ κα τὰν ἀρχὰν ἀεί, ἀνδραποδιξάμενοσ τὼσ πολιήτασ·

νῦν δὲ οὐ κακὼσ ἄνδρασ δουλῶται· τοὶ μεμναμένοι τᾶσ Σόλωνοσ μανύσιοσ ἀλγιόντι πεδ’ αἰσχύνασ οὐδὲ ἀνεξοῦνται τυραννούμενοι. ἀλλ’ αἴ κα Πεισίστρατοσ <αὐτὸσ> κατασχέθῃ τὰν πόλιν, οὐ μὰν ἐσ παῖδάσ γε τήνω ἔλπομαι τὸ κράτοσ ἵξεσθαι· δυσμάχανον γὰρ ἀνθρώπωσ ἐλευθεριάξαντασ ἐν τεθμοῖσ ἀρίστοισ δούλωσ ἦμεν. τὺ δὲ μὴ ἀλᾶσθαι, ἀλλ’ ἑρ́πε ἐσ Κρήτην ποθ’ ἁμέ. τουτᾶ γὰρ οὐκ ἐσεῖταί τιν δεινὸσ ὁ μόναρχοσ· αἰ δέ πη ἐπ’ ἀλατείᾳ ἐγκύρσωντί τοι τοὶ τήνω φίλοι, δειμαίνω μή τι δεινὸν πάθῃσ. Καὶ οὗτοσ μὲν ὧδε.

λέγεται δὲ ὡσ καὶ πρῶτοσ αὑτὸν Αἰακὸν λέγοι, καὶ Λακεδαιμονίοισ προείποι τὴν ὑπ’ Ἀρκάδων ἅλωσιν προσποιηθῆναί τε πολλάκισ ἀναβεβιωκέναι. φησὶ δὲ Δημήτριόσ τινασ ἱστορεῖν ὡσ λάβοι παρὰ Νυμφῶν ἔδεσμά τι καὶ φυλάττοι ἐν χηλῇ βοόσ· προσφερόμενόσ τε κατ’ ὀλίγον μηδεμιᾷ κενοῦσθαι ἀποκρίσει μηδὲ ὀφθῆναί ποτε ἐσθίων. μέμνηται αὐτοῦ καὶ Τίμαιοσ ἐν τῇ δευτέρᾳ. λέγουσι δέ τινεσ ὅτι Κρῆτεσ αὐτῷ θύουσιν ὡσ θεῷ· φασὶ γὰρ καὶ <προ>γνωστικώτατον γεγονέναι. ἰδόντα γοῦν τὴν Μουνιχίαν παρ’ Ἀθηναίοισ ἀγνοεῖν φάναι αὐτοὺσ ὅσων κακῶν αἴτιον ἔσται τοῦτο τὸ χωρίον αὐτοῖσ· ἐπεὶ κἂν τοῖσ ὀδοῦσιν αὐτὸ διαφορῆσαι· ταῦτα ἔλεγε τοσούτοισ πρότερον χρόνοισ. Θεόπομποσ δ’ ἐν τοῖσ Θαυμασίοισ, κατασκευάζοντοσ αὐτοῦ τὸ τῶν Νυμφῶν ἱερὸν ῥαγῆναι φωνὴν ἐξ οὐρανοῦ, "Ἐπιμενίδη, μὴ Νυμφῶν, ἀλλὰ Διόσ·

Κρησί τε προειπεῖν τὴν Λακεδαιμονίων ἧτταν ὑπ’ Ἀρκάδων, καθάπερ προείρηται· καὶ δὴ καὶ ἐλήφθησαν πρὸσ Ὀρχομενῷ. Γηρᾶσαί τ’ ἐν τοσαύταισ ἡμέραισ αὐτὸν ὅσαπερ ἔτη κατεκοιμήθη· καὶ γὰρ τοῦτό φησι Θεόπομποσ. Μυρωνιανὸσ δὲ ἐν Ὁμοίοισ φησὶν ὅτι Κούρητα αὐτὸν ἐκάλουν Κρῆτεσ· καὶ τὸ σῶμα αὐτοῦ φυλάττουσι Λακεδαιμόνιοι παρ’ ἑαυτοῖσ κατά τι λόγιον, ὥσ φησι Σωσίβιοσ ὁ Λάκων. Γεγόνασι δὲ καὶ Ἐπιμενίδαι ἄλλοι δύο, ὅ τε γενεαλόγοσ καὶ τρίτοσ ὁ Δωρίδι γεγραφὼσ περὶ Ῥόδου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diogenes Laertius, Lives of Eminent Philosophers, ΒΙΩΝ ΚΑΙ ΓΝΩΜΩΝ ΤΩΝ ΕΝ ΦΙΛΟΣΟΦΙΑΙ ΕΥΔΟΚΙΜΗΣΑΝΤΩΝ ΤΩΝ ΕΙΣ ΔΕΚΑ ΤΟ ΠΡΩΤΟΝ, Kef. i'. EPIMENIDHS

(디오게네스 라에르티오스, Lives of Eminent Philosophers, ΒΙΩΝ ΚΑΙ ΓΝΩΜΩΝ ΤΩΝ ΕΝ ΦΙΛΟΣΟΦΙΑΙ ΕΥΔΟΚΙΜΗΣΑΝΤΩΝ ΤΩΝ ΕΙΣ ΔΕΚΑ ΤΟ ΠΡΩΤΟΝ, Kef. i'. EPIMENIDHS)

상위

목록

SEARCH

MENU NAVIGATION