헬라어 문장 검색 - Διογεν́Λιϝεσοφ́1́10́

(디오게네스 라에르티오스, Lives of Eminent Philosophers, ΒΙΩΝ ΚΑΙ ΓΝΩΜΩΝ ΤΩΝ ΕΝ ΦΙΛΟΣΟΦΙΑΙ ΕΥΔΟΚΙΜΗΣΑΝΤΩΝ ΤΩΝ ΕΙΣ ΔΕΚΑ ΤΟ ΠΡΩΤΟΝ, Kef. q'. MUSWN)

Μύσων Στρύμωνοσ, ὥσ φησι Σωσικράτησ Ἕρμιππον παρατιθέμενοσ, τὸ γένοσ Χηνεύσ, ἀπὸ κώμησ τινὸσ Οἰταϊκῆσ ἢ Λακωνικῆσ, σὺν τοῖσ ἑπτὰ καταριθμεῖται. φασὶ δὲ αὐτὸν καὶ τυράννου πατρὸσ εἶναι. λέγεται δὴ πρόσ τινοσ Ἀναχάρσιδοσ πυνθανομένου εἴ τισ αὐτοῦ σοφώτεροσ εἰή, τὴν Πυθίαν ἀνελεῖν ἅπερ προείρηται ἐν τῷ Θαλοῦ βίῳ ὑπὲρ Χίλωνοσ· Οἰταῖόν τινά φημι Μύσων’ ἐνὶ Χηνὶ γενέσθαι σοῦ μᾶλλον πραπίδεσσιν ἀρηρότα πευκαλίμῃσι. πολυπραγμονήσαντα δὲ ἐλθεῖν εἰσ τὴν κώμην καὶ εὑρεῖν αὐτὸν θέρουσ ἐχέτλην ἀρότρῳ προσαρμόττοντα, καὶ εἰπεῖν, "ἀλλ’, ὦ Μύσων, οὐχ ὡρ́α νῦν ἀρότρου. " "καὶ μάλα," εἶπεν, "ὥστε ἐπισκευάζειν. ἄλλοι δὲ τὸν χρησμὸν οὕτωσ ἔχειν φασί, "Ἠτεῖόν τινά φημι·

καὶ ζητοῦσι τί ἐστιν ὁ Ἠτεῖοσ. Παρμενίδησ μὲν οὖν δῆμον εἶναι Λακωνικῆσ, ὅθεν εἶναι τὸν Μύσωνα. Σωσικράτησ δ’ ἐν Διαδοχαῖσ, ἀπὸ μὲν πατρὸσ Ἠτεῖον εἶναι, ἀπὸ δὲ μητρὸσ Χηνέα. Εὐθύφρων δ’ ὁ Ἡρακλείδου τοῦ Ποντικοῦ, Κρῆτά φησιν εἶναι· Ἠτείαν γὰρ πόλιν εἶναι Κρήτησ. Ἀναξίλαοσ δ’ Ἀρκάδα. Μέμνηται δ’ αὐτοῦ καὶ Ἱππῶναξ εἰπών· καὶ Μύσων ὃν Ὡπόλλων ἀνεῖλεν ἀνδρῶν σωφρονέστατον πάντων. Ἀριστόξενοσ δέ φησιν ἐν τοῖσ σποράδην οὐ πόρρω Τίμωνοσ αὐτὸν καὶ Ἀπημάντου γεγονέναι· μισανθρωπεῖν γάρ. ὀφθῆναι γοῦν ἐν Λακεδαίμονι μόνον ἐπ’ ἐρημίασ γελῶντα·

ἄφνω δέ τινοσ ἐπιστάντοσ καὶ πυθομένου διὰ τί μηδενὸσ παρόντοσ γελᾷ, φάναι, "δι’ αὐτὸ τοῦτο. " φησὶ δ’ Ἀριστόξενοσ ὅτι ἔνθεν καὶ ἄδοξοσ ἦν, ὅτι μηδὲ πόλεωσ, ἀλλὰ κώμησ, καὶ ταῦτα ἀφανοῦσ. ὅθεν διὰ τὴν ἀδοξίαν αὐτοῦ καὶ τὰ αὐτοῦ τινασ Πεισιστράτῳ περιθεῖναι τῷ τυράννῳ, χωρὶσ Πλάτωνοσ τοῦ φιλοσόφου. μέμνηται γὰρ αὐτοῦ καὶ οὗτοσ ἐν τῷ Πρωταγόρᾳ, ἀντὶ Περιάνδρου θεὶσ αὐτόν. Ἔφασκε δὲ μὴ ἐκ τῶν λόγων τὰ πράγματα, ἀλλ’ ἐκ τῶν πραγμάτων τοὺσ λόγουσ ζητεῖν· οὐ γὰρ ἕνεκα τῶν λόγων τὰ πράγματα συντελεῖσθαι, ἀλλ’ ἕνεκα τῶν πραγμάτων τοὺσ λόγουσ. Κατέστρεψε δὲ βιοὺσ ἔτη ἑπτὰ καὶ ἐννενήκοντα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diogenes Laertius, Lives of Eminent Philosophers, ΒΙΩΝ ΚΑΙ ΓΝΩΜΩΝ ΤΩΝ ΕΝ ΦΙΛΟΣΟΦΙΑΙ ΕΥΔΟΚΙΜΗΣΑΝΤΩΝ ΤΩΝ ΕΙΣ ΔΕΚΑ ΤΟ ΠΡΩΤΟΝ, Kef. q'. MUSWN

(디오게네스 라에르티오스, Lives of Eminent Philosophers, ΒΙΩΝ ΚΑΙ ΓΝΩΜΩΝ ΤΩΝ ΕΝ ΦΙΛΟΣΟΦΙΑΙ ΕΥΔΟΚΙΜΗΣΑΝΤΩΝ ΤΩΝ ΕΙΣ ΔΕΚΑ ΤΟ ΠΡΩΤΟΝ, Kef. q'. MUSWN)

상위

목록

SEARCH

MENU NAVIGATION