헬라어 문장 검색 - Διογεν́Λιϝεσοφ́1́09́

(디오게네스 라에르티오스, Lives of Eminent Philosophers, ΒΙΩΝ ΚΑΙ ΓΝΩΜΩΝ ΤΩΝ ΕΝ ΦΙΛΟΣΟΦΙΑΙ ΕΥΔΟΚΙΜΗΣΑΝΤΩΝ ΤΩΝ ΕΙΣ ΔΕΚΑ ΤΟ ΠΡΩΤΟΝ, Kef. h'. ANAXARSIS O SKUQHS)

Ἀνάχαρσισ ὁ Σκύθησ Γνούρου μὲν ἦν υἱόσ, ἀδελφὸσ δὲ Καδουΐδα τοῦ Σκυθῶν βασιλέωσ, μητρὸσ δὲ Ἑλληνίδοσ· διὸ καὶ δίγλωττοσ ἦν. οὗτοσ ἐποίησε τῶν τε παρὰ τοῖσ Σκύθαισ νομίμων καὶ τῶν παρὰ τοῖσ Ἕλλησιν, εἰσ εὐτέλειαν βίου καὶ τὰ κατὰ τὸν πόλεμον ἔπη ὀκτακόσια. παρέσχε δὲ καὶ ἀφορμὴν παροιμίασ διὰ τὸ παρρησιαστὴσ εἶναι, τὴν ἀπὸ Σκυθῶν ῥῆσιν. Λέγει δὲ αὐτὸν Σωσικράτησ ἐλθεῖν εἰσ Ἀθήνασ κατὰ τὴν τεσσαρακοστὴν ἑβδόμην Ὀλυμπιάδα ἐπὶ ἄρχοντοσ Εὐκράτουσ. Ἕρμιπποσ δὲ πρὸσ τὴν Σόλωνοσ οἰκίαν ἀφικόμενον τῶν θεραπόντων τινὶ κελεῦσαι μηνῦσαι ὅτι παρείη, πρὸσ αὐτὸν Ἀνάχαρσισ, καὶ βούλοιτο αὐτὸν θεάσασθαι, ξένοσ τε, εἰ οἱο͂́ν τε, γενέσθαι. καὶ ὁ θεράπων εἰσ‐ αγγείλασ ἐκελεύσθη ὑπὸ τοῦ Σόλωνοσ εἰπεῖν αὐτῷ, ὅτιπερ ἐν ταῖσ ἰδίαισ πατρίσι ξένουσ ποιοῦνται.

ἔνθεν ὁ Ἀνάχαρσισ ἑλὼν ἔφη νῦν αὐτὸν ἐν τῇ πατρίδι εἶναι καὶ προσήκειν αὐτῷ ξένουσ ποιεῖθαι. ὁ δὲ καταπλαγεὶσ τὴν ἑτοιμότητα εἰσέφρησεν αὐτὸν καὶ μέγιστον φίλον ἐποιήσατο. Μετὰ χρόνον δὲ παραγενόμενοσ εἰσ τὴν Σκυθίαν καὶ δοκῶν τὰ νόμιμα παραλύειν τῆσ πατρίδοσ πολὺσ ὢν ἐν τῷ ἑλληνίζειν, τοξευθεὶσ ἐν κυνηγεσίῳ πρὸσ τἀδελφοῦ τελευτᾷ, εἰπὼν διὰ μὲν τὸν λόγον ἐκ τῆσ Ἑλλάδοσ σωθῆναι, διὰ δὲ τὸν φθόνον ἐν τῇ οἰκείᾳ ἀπολέσθαι. ἔνιοι δὲ τελετὰσ Ἑλληνικὰσ ἐπιτελοῦντα διαχρησθῆναι. Καὶ ἔστιν ἡμῶν εἰσ αὐτόν· ἐσ Σκυθίην Ἀνάχαρσισ ὅτ’ ἤλυθε, πολλὰ πλανηθεὶσ πάντασ ἔπειθε βιοῦν ἤθεσιν Ἑλλαδικοῖσ.

μαθὼν τέτταρασ δακτύλουσ εἶναι τὸ πάχοσ τῆσ νεώσ, τοσοῦτον ἔφη τοῦ θανάτου τοὺσ πλέοντασ ἀπέχειν. τὸν δ’ ἔτι μῦθον ἄκραντον ἐνὶ στομάτεσσιν ἔχοντα πτηνὸσ ἐσ ἀθανάτουσ ἡρ́πασεν ὦκα δόναξ. Οὗτοσ τὴν ἄμπελον εἶπε τρεῖσ φέρειν βότρυσ· τὸν πρῶτον ἡδονῆσ· τὸν δεύτερον μέθησ· τὸν τρίτον ἀνδίασ. θαυμάζειν δὲ ἔφη πῶσ παρὰ τοῖσ Ἕλλησιν ἀγωνίζονται μὲν οἱ τεχνῖται, κρίνουσι δὲ οἱ μὴ τεχνῖται. ἐρωτηθεὶσ πῶσ οὐκ ἂν γένοιτό τισ φιλοπότησ, "εἰ πρὸ ὀφθαλμῶν," εἶπεν, "ἔχοι τὰσ τῶν μεθυόντων ἀσχημοσύνασ. " θαυμάζειν τε ἔλεγε πῶσ οἱ Ἕλληνεσ νομοθετοῦντεσ κατὰ τῶν ὑβριζόντων, τοὺσ ἀθλητὰσ τιμῶσιν ἐπὶ τῷ τύπτειν ἀλλήλουσ. Τὸ ἔλαιον μανίασ φάρμακον ἔλεγε διὰ τὸ ἀλειφομένουσ τοὺσ ἀθλητὰσ ἐπιμαίνεσθαι ἀλλήλοισ.

ὀνειδιζόμενοσ ὑπὸ Ἀττικοῦ ὅτι Σκύθησ ἐστίν, ἔφη, "ἀλλ’ ἐμοῦ μὲν ὄνειδοσ ἡ πατρίσ, σὺ δὲ τῆσ πατρίδοσ. πῶσ, ἔλεγεν, ἀπαγορεύοντεσ τὸ ψεύδεσθαι ἐν ταῖσ καπηλείαισ φανερῶσ ψεύδονται; καὶ θαυμάζειν φησὶ τῶσ Ἕλληνεσ ἀρχόμενοι μὲν ἐν μικροῖσ πίνουσι, πλησθέντεσ δὲ ἐν μεγάλοισ. ἐπιγράφεται δὲ αὐτοῦ ταῖσ εἰκόσι· "γλώσσησ, γαστρόσ, αἰδοίων κρατεῖν. " ἐρωτηθεὶσ εἰ εἰσὶν ἐν Σκύθαισ αὐλοί, εἶπεν, "ἀλλ’ οὐδὲ ἄμπελοι. " ἐρωτηθεὶσ τίνα τῶν πλοίων εἰσὶν ἀσφαλέστερα, ἔφη, "τὰ νενεωλκημένα. " καὶ τοῦτο ἔφη θαυμασιώτατον ἑωρακέναι παρὰ τοῖσ Ἕλλησιν, ὅτι τὸν μὲν καπνὸν ἐν τοῖσ ὄρεσι καταλείπουσι, τὰ δὲ ξύλα εἰσ τὴν πόλιν κομίζουσιν. ἐρωτηθεὶσ πότεροι πλείουσ εἰσίν, οἱ ζῶντεσ ἢ οἱ νεκροί, ἔφη, "τοὺσ οὖν πλέοντασ ποῦ τίθησ; ἐρωτηθεὶσ τί ἐστιν ἐν ἀνθρώποισ ἀγαθόν τε καὶ φαῦλον, ἔφη, "γλῶσσα.

" κρεῖττον ἔλεγεν ἕνα φίλον ἔχειν πολλοῦ ἄξιον ἢ πολλοὺσ μηδενὸσ ἀξίουσ. τὴν ἀγορὰν ὡρισμένον ἔφη τόπον εἰσ τὸ ἀλλήλουσ ἀπατᾶν καὶ πλεονεκτεῖν. ὑπὸ μειρακίου παρὰ πότον ὑβρισθεὶσ ἔφη, "μειράκιον, ἐὰν νέοσ ὢν τὸν οἶνον οὐ φέρῃσ, γέρων γενόμενοσ ὕδωρ οἴσεισ. " Εὑρ͂ε δ’ εἰσ τὸν βίον ἄγκυράν τε καὶ κεραμικὸν τροχόν, ὥσ τινεσ. Καὶ ἐπέστειλεν ὧδε· Ἀνάχαρσισ Κροίσῳ "Ἐγώ, βασιλεῦ Λυδῶν, ἀφῖγμαι εἰσ τὴν τῶν Ἑλλήνων, διδαθησόμενοσ ἤθη τὰ τούτων καὶ ἐπιτηδεύματα. χρυσοῦ δ’ οὐδὲ δέομαι, ἀλλ’ ἀπόχρη με ἐπανήκειν ἐσ Σκύθασ ἄνδρα ἀμείνονα. ἥκω γοῦν ἐσ Σάρδεισ, πρὸ μεγάλου ποιούμενοσ ἐν γνώμῃ τοι γενέσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diogenes Laertius, Lives of Eminent Philosophers, ΒΙΩΝ ΚΑΙ ΓΝΩΜΩΝ ΤΩΝ ΕΝ ΦΙΛΟΣΟΦΙΑΙ ΕΥΔΟΚΙΜΗΣΑΝΤΩΝ ΤΩΝ ΕΙΣ ΔΕΚΑ ΤΟ ΠΡΩΤΟΝ, Kef. h'. ANAXARSIS O SKUQHS

(디오게네스 라에르티오스, Lives of Eminent Philosophers, ΒΙΩΝ ΚΑΙ ΓΝΩΜΩΝ ΤΩΝ ΕΝ ΦΙΛΟΣΟΦΙΑΙ ΕΥΔΟΚΙΜΗΣΑΝΤΩΝ ΤΩΝ ΕΙΣ ΔΕΚΑ ΤΟ ΠΡΩΤΟΝ, Kef. h'. ANAXARSIS O SKUQHS)

상위

목록

SEARCH

MENU NAVIGATION