호흡부호 보기
강세부호 보기
장단부호 보기
작은 Iota 보기
모든 부호 보기
πλούτου καὶ σοφίησ πρύτανιν πατρὶσ ἥδε Κόρινθοσ κόλποισ ἀγχίαλοσ γῆ Περίανδρον ἔχει. ἔστι καὶ ἡμῶν· μή ποτε λυπήσῃ σε τὸ μή σε τυχεῖν τινοσ· ἀλλὰ τέρπεο πᾶσιν ὁμῶσ οἷσι δίδωσι θεόσ. καὶ γὰρ ἀθυμήσασ ὁ σοφὸσ Περίανδροσ ἀπέσβη, οὕνεκεν οὐκ ἔτυχεν πρήξιοσ ἧσ ἔθελεν. Τούτου ἐστὶ καὶ τὸ Μηδὲν χρημάτων ἕνεκα πράττειν· δεῖν γὰρ τὰ κερδαντὰ κερδαίνειν. ἐποίησε δὲ καὶ ὑποθήκασ εἰσ ἔπη δισχίλια. εἶπέ τε τοὺσ μέλλοντασ ἀσφαλῶσ τυραννήσειν τῇ εὐνοίᾳ δορυφορεῖσθαι, καὶ μὴ τοῖσ ὅπλοισ. καί ποτε ἐρωτηθεὶσ διὰ τί τυραννεῖ, ἔφη, "ὅτι καὶ τὸ ἑκουσίωσ ἀποστῆναι καὶ τὸ ἀφαιρεθῆναι κίνδυνον φέρει. " ἔλεγε δὲ καὶ τάδε· καλὸν ἡσυχία· ἐπισφαλὲσ προπέτεια· κέρδοσ αἰσχρόν· %2 δημοκρατία κρεῖττον τυραννίδοσ· αἱ μὲν ἡδοναὶ φθαρταί, αἱ δὲ τιμαὶ ἀθάνατοι·

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기