헬라어 문장 검색 - Διογεν́Λιϝεσοφ́1́06́

(디오게네스 라에르티오스, Lives of Eminent Philosophers, ΒΙΩΝ ΚΑΙ ΓΝΩΜΩΝ ΤΩΝ ΕΝ ΦΙΛΟΣΟΦΙΑΙ ΕΥΔΟΚΙΜΗΣΑΝΤΩΝ ΤΩΝ ΕΙΣ ΔΕΚΑ ΤΟ ΠΡΩΤΟΝ, Kef. e'. BIAS)

Βίασ Τευτάμου Πριηνεύσ, προκεκριμένοσ τῶν ἑπτὰ ὑπὸ Σατύρου. τοῦτον οἱ μὲν πλούσιον, Δοῦρισ δὲ πάροικόν φησι γεγονέναι. Φανόδικοσ δὲ κόρασ αἰχμαλώτουσ λυτρωσάμενον Μεσσηνίασ θρέψαι τε ὡσ θυγατέρασ καὶ προῖκασ ἐπιδοῦναι καὶ εἰσ τὴν Μεσσήνην ἀποστεῖλαι τοῖσ πατράσιν αὐτῶν. χρόνῳ δὲ ἐν ταῖσ Ἀθήναισ, ὡσ προείρηται, τοῦ τρίποδοσ εὑρεθέντοσ ὑπὸ τῶν ἁλιέων, τοῦ χαλκοῦ, ἐπιγραφὴν ἔχοντοσ "τῷ σοφῷ," Σάτυροσ μέν φησι παρελθεῖν τὰσ κόρασ‐‐οἱ δὲ τὸν πατέρα αὐτῶν, ὡσ καὶ Φανόδικοσ‐‐εἰσ τὴν ἐκκλησίαν, καὶ εἰπεῖν τὸν Βίαντα σοφόν, διηγησαμένασ τὰ καθ’ ἑαυτάσ. καὶ ἀπεστάλη ὁ τρίπουσ· καὶ ὁ Βίασ ἰδὼν ἔφη τὸν Ἀπόλλωνα σοφὸν εἶναι, οὐδὲ προσήκατο. οἱ δὲ λέγουσιν ἐν Θήβαισ τῷ Ἡρακλεῖ αὐτὸν ἀναθεῖναι, ἐπεὶ ἀπόγονοσ ἦν Θηβαίων ἀποικίαν εἰσ Πριήνην στειλάντων, ὥσπερ καὶ Φανόδικόσ φησι.

Λέγεται δὲ καὶ Ἀλυάττου πολιορκοῦντοσ Πριήνην τὸν Βίαντα πιήναντα δύο ἡμιόνουσ ἐξελάσαι εἰσ τὸ στρατόπεδον· τὸν δὲ συνιδόντα καταπλαγῆναι τὸ μέχρι καὶ ἀλόγων διατείνειν αὐτῶν τὴν εὐθενίαν. καὶ ἐβουλήθη σπείσασθαι, καὶ εἰσέπεμψεν ἄγγελον. Βίασ δὲ σωροὺσ ψάμμου χέασ καὶ ἄνωθεν σῖτον περιχέασ ἔδειξε τῷ ἀνθρώπῳ· καὶ τέλοσ μαθὼν ὁ Ἀλυάττησ εἰρήνην ἐσπείσατο πρὸσ τοὺσ Πριηνέασ. θᾶττον δ’ αὐτῷ πέμψαντι πρὸσ τὸν Βίαντα ἵνα ἥκοι παρ’ αὐτόν, "ἐγὼ δέ," φησίν, "Ἀλυάττῃ κελεύω κρόμμυα ἐσθίειν, [ἴσον τῷ κλαίειν]. λέγεται δὲ καὶ δίκασ δεινότατοσ γεγονέναι εἰπεῖν.

ἐπ’ ἀγαθῷ μέντοι τῇ τῶν λόγων ἰσχύϊ προσεχρῆτο. ὅθεν καὶ Δημόδικοσ ὁ Λέριοσ τοῦτο αἰνίττεται λέγων· ἢν τύχῃσ κρίνων δικάζευ τὴν Πριηνίην δίκην· καὶ Ἱππῶναξ· "ἃ καὶ δικάζεσθαι Βίαντοσ τοῦ Πριηνέωσ κρεῖσσον. " Τοῦτον οὖν καὶ ἐτελεύτα τὸν τρόπον. δίκην γὰρ ὑπέρ τινοσ λέξασ ἤδη ὑπέργηρωσ ὑπάρχων, μετὰ τὸ καταπαῦσαι τὸν λόγον ἀπέκλινε τὴν κεφαλὴν εἰσ τοὺσ τοῦ τῆσ θυγατρὸσ υἱοῦ κόλπουσ· εἰπόντοσ δὲ καὶ τοῦ ἐξ ἐναντίασ καὶ τῶν δικαστῶν τὴν ψῆφον ἐνεγκόντων τῷ ὑπὸ τοῦ Βίαντοσ βοηθουμένῳ, λυθέντοσ τοῦ δικαστηρίου νεκρὸσ ἐν τοῖσ κόλποισ εὑρέθη. καὶ αὐτὸν μεγαλοπρεπῶσ ἔθαψεν ἡ πόλισ, καὶ ἐπέγραψαν·

κλεινοῖσ ἐν δαπέδοισι Πριήνησ φύντα καλύπτει ἥδε Βίαντα πέτρη, κόσμον Ιὤσι μέγαν. ἀλλὰ καὶ ἡμεῖσ· τῇδε Βίαντα κέκευθα, τὸν ἀτρέμασ ἤγαγεν Ἑρμῆσ εἰσ Αἰ̈́δην, πολιῷ γήραϊ νιφόμενον. εἶπε γάρ, εἶπε δίκην ἑτάρου τινόσ· εἶτ’ ἀποκλινθεὶσ παιδὸσ ἐσ ἀγκαλίδασ μακρὸν ἔτεινεν ὕπνον. Ἐποίησε δὲ περὶ Ιὠνίασ, τίνα μάλιστα ἂν τρόπον εὐδαιμονοίη, εἰσ ἔπη δισχίλια. τῶν δὲ ᾀδομένων αὐτοῦ εὐδοκίμησε τάδε· ἀστοῖσιν ἄρεσκε πᾶσιν. ἐν πόλει%2 αἴκε μένῃσ· πλείσταν γὰρ ἔχει χάριν· αὐθάδησ δὲ τρόποσ πολλάκι βλαβερὰν ἐξέλαμψεν ἄταν. καὶ τὸ μὲν ἰσχυρὸν γενέσθαι τῆσ φύσεωσ ἔργον·

τὸ δὲ λέγειν δύνασθαι τὰ συμφέροντα τῇ πατρίδι ψυχῆσ ἴδιον καὶ φρονήσεωσ. εὐπορίαν δὲ χρημάτων πολλοῖσ καὶ διὰ τύχην περιγίνεσθαι. ἔλεγε δὲ ἀτυχῆ εἶναι τὸν ἀτυχίαν μὴ φέροντα· καὶ νόσον ψυχῆσ τὸ τῶν ἀδυνάτων ἐρᾶν, ἀλλοτρίων δὲ κακῶν ἀμνημόνευτον εἶναι. ἐρωτηθεὶσ τί δυσχερέσ, τὴν "ἐπὶ τὸ χεῖρον," ἔφη, "μεταβολὴν εὐγενῶσ ἐνεγκεῖν. " συμπλέων ποτὲ ἀσεβέσι, χειμαζομένησ τῆσ νεὼσ κἀκείνων τοὺσ θεοὺσ ἐπικαλουμένων, "σιγᾶτε," ἔφη, "μὴ αἴσθωνται ὑμᾶσ ἐνθάδε πλέοντασ. " ἐρωτηθεὶσ ὑπὸ ἀσεβοῦσ ἀνθρώπου τί ποτέ ἐστιν εὐσέβεια, ἐσίγα. τοῦ δὲ τὴν αἰτίαν τῆσ σιγῆσ πυθομένου, "σιωπῶ," ἔφη, "ὅτι περὶ τῶν οὐδέν σοι προσηκόντων πυνθάνῃ. Ἐρωτηθεὶσ τί γλυκὺ ἀνθρώποισ, "ἐλπίσ," ἔφη.

μὴ ταχὺ λάλει· ἥδιον ἔλεγε δικάζειν μεταξὺ ἐχθρῶν ἢ φίλων· τῶν μὲν γὰρ φίλων πάντωσ ἐχθρὸν ἔσεσθαι τὸν ἕτερον, τῶν δὲ ἐχθρῶν τὸν ἕτερον φίλον. ἐρωτηθεὶσ τί ποιῶν ἄνθρωποσ τέρπεται, ἔφη, "κερδαίνων. " ἔλεγέ τε τὸν βίον οὕτω μετρεῖν ὡσ καὶ πολὺν καὶ ὀλίγον χρόνον βιωσομένουσ, καὶ φιλεῖν ὡσ μισήσοντασ· τοὺσ γὰρ πλείστουσ εἶναι κακούσ. συνεβούλευέ τε ὧδε· βραδέωσ ἐγχείρει τοῖσ πραττομένοισ· ὃ δ’ ἂν ἕλῃ, βεβαίωσ τηρῶν διάμενε. μανίαν γὰρ ἐμφαίνει.

φρόνησιν ἀγάπα. περὶ θεῶν λέγε, ὡσ εἰσίν. ἀνάξιον ἄνδρα μὴ ἐπαίνει διὰ πλοῦτον. πείσασ λαβέ, μὴ βιασάμενοσ. ὅ τι ἂν ἀγαθὸν πράττῃσ, εἰσ θεοὺσ ἀνάπεμπε. ἐφόδιον ἀπὸ νεότητοσ εἰσ γῆρασ ἀναλάμβανε σοφίαν· βεβαιότερον γὰρ τοῦτο τῶν ἄλλων κτημάτων. Μέμνηται τοῦ Βίαντοσ καὶ Ἱππῶναξ, ὡσ προείρηται, καὶ ὁ δυσάρεστοσ Ἡράκλειτοσ μάλιστα αὐτὸν ἐπῄνεσε γράψασ· "ἐν Πριήνῃ Βίασ ἐγένετο ὁ Τευτάμεω, οὗ πλέων λόγοσ ἢ τῶν ἄλλων. " καὶ οἱ Πριηνεῖσ δὲ αὐτῷ τέμενοσ καθιέρωσαν τὸ Τευτάμειον λεγόμενον. ἀπεφθέγξατο· οἱ πλεῖστοι κακοί.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diogenes Laertius, Lives of Eminent Philosophers, ΒΙΩΝ ΚΑΙ ΓΝΩΜΩΝ ΤΩΝ ΕΝ ΦΙΛΟΣΟΦΙΑΙ ΕΥΔΟΚΙΜΗΣΑΝΤΩΝ ΤΩΝ ΕΙΣ ΔΕΚΑ ΤΟ ΠΡΩΤΟΝ, Kef. e'. BIAS

(디오게네스 라에르티오스, Lives of Eminent Philosophers, ΒΙΩΝ ΚΑΙ ΓΝΩΜΩΝ ΤΩΝ ΕΝ ΦΙΛΟΣΟΦΙΑΙ ΕΥΔΟΚΙΜΗΣΑΝΤΩΝ ΤΩΝ ΕΙΣ ΔΕΚΑ ΤΟ ΠΡΩΤΟΝ, Kef. e'. BIAS)

상위

목록

SEARCH

MENU NAVIGATION