호흡부호 보기
강세부호 보기
장단부호 보기
작은 Iota 보기
모든 부호 보기
Τούτου ἐστὶν τὸ Γνῶθι σαυτόν, ὅπερ Ἀντισθένησ ἐν ταῖσ Διαδοχαῖσ Φημονόησ εἶναί φησιν, ἐξιδιοποιήσασθαι δὲ αὐτὸ Χίλωνα. Περὶ δὴ τῶν ἑπτά‐‐ἄξιον γὰρ ἐνταῦθα καθολικῶσ κἀκείνων ἐπιμνησθῆναι‐‐λόγοι φέρονται τοιοῦτοι. Δάμων ὁ Κυρηναῖοσ, γεγραφὼσ Περὶ τῶν φιλοσόφων, πᾶσιν ἐγκαλεῖ, μάλιστα δὲ τοῖσ ἑπτά. Ἀναξιμένησ δέ φησι πάντασ ἐπιθέσθαι ποιητικῇ· ὁ δὲ Δικαίαρχοσ οὔτε σοφοὺσ οὔτε φιλοσόφουσ φησὶν αὐτοὺσ γεγονέναι, συνετοὺσ δέ τινασ καὶ νομοθετικούσ. Ἀρχέτιμοσ δὲ ὁ Συρακούσιοσ ὁμιλίαν αὐτῶν ἀναγέγραφε παρὰ Κυψέλῳ, ᾗ καὶ αὐτόσ φησι παρατυχεῖν· Ἔφοροσ δὲ παρὰ Κροίσῳ πλὴν Θαλοῦ. φασὶ δέ τινεσ καὶ ἐν Πανιωνίῳ καὶ ἐν Κορίνθῳ καὶ ἐν Δελφοῖσ συνελθεῖν αὐτούσ.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기