Diogenes Laertius, Lives of Eminent Philosophers, ΒΙΩΝ ΚΑΙ ΓΝΩΜΩΝ ΤΩΝ ΕΝ ΦΙΛΟΣΟΦΙΑΙ ΕΥΔΟΚΙΜΗΣΑΝΤΩΝ ΤΩΝ ΕΙΣ ΔΕΚΑ ΤΟ ΠΡΩΤΟΝ, PROOIMION 14:

καταλήγει δὲ ἡ μὲν εἰσ Κλειτόμαχον καὶ Χρύσιππον καὶ Θεόφραστον [ἡ Ιὠνική]· ἡ δὲ Ἰταλικὴ εἰσ Ἐπίκουρον. Θαλοῦ μὲν γὰρ Ἀναξίμανδροσ, οὗ Ἀναξιμένησ, οὗ Ἀναξαγόρασ, οὗ Ἀρχέλαοσ, οὗ Σωκράτησ ὁ τὴν ἠθικὴν εἰσαγαγών· οὗ οἵ τε ἄλλοι Σωκρατικοὶ καὶ Πλάτων ὁ τὴν ἀρχαίαν Ἀκαδημείαν συστησάμενοσ· οὗ Σπεύσιπποσ καὶ Ξενοκράτησ, οὗ Πολέμων, οὗ Κράντωρ καὶ Κράτησ, οὗ Ἀρκεσίλαοσ ὁ τὴν μέσην Ἀκαδημείαν εἰσηγησάμενοσ· οὗ Λακύδησ ὁ τὴν νέαν Ἀκαδημείαν φιλοσοφήσασ· οὗ Καρνεάδησ, οὗ Κλειτόμαχοσ. καὶ ὧδε μὲν εἰσ Κλειτόμαχον.