헬라어 문장 검색 - Αρριαν́Αναβασί5́29́

(아리아노스, Anabasis, book 5, chapter 29)

Οἱ δὲ ἐβόων τε οἱᾶ ἂν ὄχλοσ ξυμμιγὴσ χαίρων βοήσειε καὶ ἐδάκρυον οἱ πολλοὶ αὐτῶν· οἱ δὲ καὶ τῇ σκηνῇ τῇ βασιλικῇ πελάζοντεσ ηὔχοντο Ἀλεξάνδρῳ πολλὰ καὶ ἀγαθά, ὅτι πρὸσ σφῶν μόνων νικηθῆναι ἠνέσχετο. ἔνθα δὴ διελὼν κατὰ τάξεισ τὴν στρατιὰν δώδεκα βωμοὺσ κατασκευάζειν προστάττει, ὕψοσ μὲν κατὰ τοὺσ μεγίστουσ πύργουσ, εὖροσ δὲ μείζονασ ἔτι ἢ κατὰ πύργουσ, χαριστήρια τοῖσ θεοῖσ τοῖσ ἐσ τοσόνδε ἀγαγοῦσιν αὐτὸν νικῶντα καὶ μνημεῖα τῶν αὑτοῦ πόνων. ὡσ δὲ κατεσκευασμένοι αὐτῷ οἱ βωμοὶ ἦσαν, θύει δὴ ἐπ̓ αὐτῶν ὡσ νόμοσ καὶ ἀγῶνα ποιεῖ γυμνικόν τε καὶ ἱππικόν.

καὶ τὴν μὲν χώραν τὴν μέχρι τοῦ Ὑφάσιοσ ποταμοῦ Πώρῳ ἄρχειν προσέθηκεν, αὐτὸσ δὲ ἐπὶ τὸν Ὑδραώτην ἀνέστρεφε. διαβὰσ δὲ τὸν Ὑδραώτην, ἐπὶ τὸν Ἀκεσίνην αὖ ἐπανῄει ὀπίσω. καὶ ἐνταῦθα καταλαμβάνει τὴν πόλιν ἐξῳκοδομημένην, ἥντινα Ἡφαιστίων αὐτῷ ἐκτειχίσαι ἐτάχθη·

καὶ ἐσ ταύτην ξυνοικίσασ τῶν τε προσχώρων ὅσοι ἐθελονταὶ κατῳκίζοντο καὶ τῶν μισθοφόρων ὅ τι περ ἀπόμαχον, αὐτὸσ τὰ ἐπὶ τῷ κατάπλῳ παρεσκευάζετο τῷ ἐσ τὴν μεγάλην θάλασσαν. Ἐν τούτῳ δὲ ἀφίκοντο πρὸσ αὐτὸν Ἀρσάκησ τε ὁ τῆσ ὁμόρου Ἀβισάρῃ χώρασ ὕπαρχοσ καὶ ὁ ἀδελφὸσ Ἀβισάρου καὶ οἱ ἄλλοι οἰκεῖοι, δῶρά τε κομίζοντεσ ἃ μέγιστα παῤ Ἰνδοῖσ καὶ τοὺσ παῤ Ἀβισάρου ἐλέφαντασ, ἀριθμὸν ἐσ τριάκοντα·

Ἀβισάρην γὰρ νόσῳ ἀδύνατον γενέσθαι ἐλθεῖν. ξυνέβαινον δὲ τούτοισ καὶ οἱ παρὰ Ἀλεξάνδρου ἐκπεμφθέντεσ πρέσβεισ πρὸσ Ἀβισάρην. καὶ ταῦτα οὐ χαλεπῶσ πιστεύσασ οὕτωσ ἔχειν Ἀβισάρῃ τε τῆσ αὑτοῦ χώρασ σατραπεύειν ἔδωκεν καὶ Ἀρσάκην τῇ Ἀβισάρου ἐπικρατείᾳ προσέθηκεν·

καὶ φόρουσ οὕστινασ ἀποίσουσι τάξασ θύει αὖ καὶ ἐπὶ τῷ Ἀκεσίνῃ ποταμῷ. καὶ τὸν Ἀκεσίνην αὖ διαβὰσ ἐπὶ τὸν Ὑδάσπην ἧκεν, ἵνα καὶ τῶν πόλεων τῆσ τε Νικαίασ καὶ τῶν Βουκεφάλων ὅσα πρὸσ τῶν ὄμβρων πεπονηκότα ἦν ξὺν τῇ στρατιᾷ ἐπεσκεύασε καὶ τὰ ἄλλα τὰ κατὰ τὴν χώραν ἐκόσμει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Arrian, Anabasis, book 5, chapter 29

(아리아노스, Anabasis, book 5, chapter 29)

상위

목록

SEARCH

MENU NAVIGATION