호흡부호 보기
강세부호 보기
장단부호 보기
작은 Iota 보기
모든 부호 보기
ὧν Θετταλοὺσ μὲν ἀπὸ Βάκτρων εὐθὺσ οὐ προθύμουσ ἔτι ἐσ τοὺσ πόνουσ αἰσθόμενοσ οἴκαδε, καλῶσ ποιῶν, ἀπέπεμψασ· τῶν δὲ ἄλλων Ἑλλήνων οἱ μὲν ἐν ταῖσ πόλεσι ταῖσ πρὸσ σοῦ οἰκισθείσαισ κατῳκισμένοι οὐδὲ οὗτοι πάντῃ ἑκόντεσ μένουσιν· οἱ δὲ ξυμπονοῦντέσ τε ἔτι καὶ ξυγκινδυνεύοντεσ, αὐτοί τε καὶ ἡ Μακεδονικὴ στρατιά, τοὺσ μὲν ἐν ταῖσ μάχαισ ἀπολωλέκασιν, οἱ δὲ ἐκ τραυμάτων ἀπόμαχοι γεγενημένοι ἄλλοι ἄλλῃ τῆσ Ἀσίασ ὑπολελειμμένοι εἰσίν, οἱ πλείουσ δὲ νόσῳ ἀπολώλασιν, ὀλίγοι δὲ ἐκ πολλῶν ὑπολείπονται, καὶ οὔτε τοῖσ σώμασιν ἔτι ὡσαύτωσ ἐρρωμένοι, ταῖσ τε γνώμαισ πολὺ ἔτι μᾶλλον προκεκμηκότεσ.
호흡부호 보기
강세부호 보기
장단부호 보기
작은 Iota 보기
모든 부호 보기