헬라어 문장 검색 - Αρριαν́Αναβασί5́26́

(아리아노스, Anabasis, book 5, chapter 26)

Πέρασ δὲ τῶν πόνων γενναίῳ μὲν ἀνδρὶ οὐδὲν δοκῶ ἔγωγε ὅτι μὴ αὐτοὺσ τοὺσ πόνουσ, ὅσοι αὐτῶν ἐσ καλὰ ἔργα φέρουσιν. εἰ δέ τισ καὶ αὐτῷ τῷ πολεμεῖν ποθεῖ ἀκοῦσαι ὅ τι περ ἔσται πέρασ, μαθέτω ὅτι οὐ πολλὴ ἔτι ἡμῖν ἡ λοιπή ἐστιν ἔστε ἐπὶ ποταμόν τε Γάγγην καὶ τὴν ἑῴαν θάλασσαν· ταύτῃ δὲ, λέγω ὑμῖν, ξυναφὴσ φανεῖται ἡ Ὑρκανία θάλασσα· ἐκπεριέρχεται γὰρ γῆν πέρι πᾶσαν ἡ μεγάλη θάλασσα. καὶ ἐγὼ ἐπιδείξω Μακεδόσι τε καὶ τοῖσ ξυμμάχοισ τὸν μὲν Ἰνδικὸν κόλπον ξύρρουν ὄντα τῷ Περσικῷ, τὴν δὲ Ὑρκανίαν θάλασσαν τῷ Ἰνδικῷ·

ἀπὸ δὲ τοῦ Περσικοῦ εἰσ Λιβύην περιπλευσθήσεται στόλῳ ἡμετέρῳ τὰ μέχρι Ἡρακλέουσ Στηλῶν· ἀπὸ δὲ Στηλῶν ἡ ἐντὸσ Λιβύη πᾶσα ἡμετέρα γίγνεται καὶ ἡ Ἀσία δὴ οὕτω πᾶσα, καὶ ὁρ́οι τῆσ ταύτῃ ἀρχῆσ οὕσπερ καὶ τῆσ γῆσ ὁρ́ουσ ὁ θεὸσ ἐποίησε. νῦν δὲ δὴ ἀποτρεπομένων πολλὰ μὲν μάχιμα ὑπολείπεται γένη ἐπέκεινα τοῦ Ὑφάσιοσ ἔστε ἐπὶ τὴν ἑᾴαν θάλασσαν, πολλὰ δὲ ἀπὸ τούτων ἔτι ἐπὶ τὴν Ὑρκανίαν ὡσ ἐπὶ βορρᾶν ἄνεμον, καὶ τὰ Σκυθικὰ γένη οὐ πόρρω τούτων, ὥστε δέοσ μὴ ἀπελθόντων ὀπίσω καὶ τὰ νῦν κατεχόμενα οὐ βέβαια ὄντα ἐπαρθῇ πρὸσ ἀπόστασιν πρὸσ τῶν μήπω ἐχομένων.

καὶ τότε δὴ ἀνόνητοι ἡμῖν ἔσονται οἱ πολλοὶ πόνοι ἢ ἄλλων αὖθισ ἐξ ἀρχῆσ δεήσει πόνων τε καὶ κινδύνων.

ἀλλὰ παραμείνατε, ἄνδρεσ Μακεδόνεσ καὶ ξύμμαχοι. πονούντων τοι καὶ κινδυνευόντων τὰ καλὰ ἔργα, καὶ ζῆν τε ξὺν ἀρετῇ ἡδὺ καὶ ἀποθνήσκειν κλέοσ ἀθάνατον ὑπολειπομένουσ. ἢ οὐκ ἴστε ὅτι ὁ πρόγονοσ ὁ ἡμέτεροσ οὐκ ἐν Τίρυνθι οὐδὲ Ἄργει, ἀλλ̓ οὐδὲ ἐν Πελοποννήσῳ ἢ Θήβαισ μένων ἐσ τοσόνδε κλέοσ ἦλθεν ὡσ θεὸσ ἐξ ἀνθρώπου γενέσθαι ἢ δοκεῖν;

οὐ μὲν δὴ οὐδὲ Διονύσου, ἁβροτέρου τούτου θεοῦ ἢ καθ̓ Ἡρακλέα, ὀλίγοι πόνοι. ἀλλὰ ἡμεῖσ γε καὶ ἐπέκεινα τῆσ Νύσησ ἀφίγμεθα καὶ ἡ Αὄρνοσ πέτρα ἡ τῷ Ἡρακλεῖ ἀνάλωτοσ πρὸσ ἡμῶν ἔχεται. ὑμεῖσ δὲ καὶ τὰ ἔτι ὑπόλοιπα τῆσ Ἀσίασ πρόσθετε τοῖσ ἤδη ἐκτημένοισ καὶ τὰ ὀλίγα τοῖσ πολλοῖσ.

ἐπεὶ καὶ ἡμῖν αὐτοῖσ τί ἄν μέγα καὶ καλὸν κατεπέπρακτο, εἰ ἐν Μακεδονίᾳ καθήμενοι ἱκανὸν ἐποιούμεθα ἀπόνωσ τὴν οἰκείαν διασώζειν, Θρᾷκασ τοὺσ ὁμόρουσ ἢ Ἰλλυριοὺσ ἢ Τριβαλλοὺσ ἢ καὶ τῶν Ἑλλήνων, ὅσοι οὐκ ἐπιτήδειοι ἐσ τὰ ἡμέτερα, ἀναστέλλοντεσ; Εἰ μὲν δὴ ὑμᾶσ πονοῦντασ καὶ κινδυνεύοντασ αὐτὸσ ἀπόνωσ καὶ ἀκινδύνωσ ἐξηγούμενοσ ἦγον, οὐκ ἀπεικότωσ ἂν προεκάμνετε ταῖσ γνώμαισ, τῶν μὲν πόνων μόνοισ ὑμῖν μετόν, τὰ δὲ ἆθλα αὐτῶν ἄλλοισ περιποιοῦντεσ·

νῦν δὲ κοινοὶ μὲν ἡμῖν οἱ πόνοι, ἴσον δὲ μέτεστι τῶν κινδύνων, τὰ δὲ ἆθλα ἐν μέσῳ κεῖται ξύμπασιν. ἥ τε χώρα ὑμετέρα καὶ ὑμεῖσ αὐτῆσ σατραπεύετε.

καὶ τῶν χρημάτων τὸ μέροσ νῦν τε ἐσ ὑμᾶσ τὸ πολὺ ἔρχεται καὶ ἐπειδὰν ἐπεξέλθωμεν τὴν Ἀσίαν, τότε οὐκ ἐμπλήσασ μὰ Δἰ ὑμᾶσ, ἀλλὰ καὶ ὑπερβαλὼν ὅσα ἕκαστοσ ἐλπίζει ἀγαθὰ ἔσεσθαι τοὺσ μὲν ἀπιέναι οἴκαδε ἐθέλοντασ εἰσ τὴν οἰκείαν ἀποπέμψω ἢ ἐπανάξω αὐτόσ, τοὺσ δὲ αὐτοῦ μένοντασ ζηλωτοὺσ τοῖσ ἀπερχομένοισ ποιήσω.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 5, chapter 26

(아리아노스, Anabasis, book 5, chapter 26)

상위

목록

SEARCH

MENU NAVIGATION