Arrian, Anabasis, book 5, chapter 24 1:

Ὁ μὲν ταῦτα παρήγγειλεν· Πτολεμαῖοσ δὲ ἁμάξασ τε ἐκ τῶν ἀπολελειμμένων ἐν τῇ πρώτῃ φυγῇ ἁμαξῶν ταύτῃ ξυναγαγὼν ὡσ πλείστασ κατέστησεν ἐγκαρσίασ, ἵνα πολλὰ ἐν νυκτὶ τὰ ἄπορα φαίνηται τοῖσ φεύγουσι, καὶ τοῦ χάρακοσ τοῦ κεκομμένου τε καὶ οὐ καταπηχθέντοσ συννῆσαι ἄλλῃ καὶ ἄλλῃ ἐκέλευσεν ἐν μέσῳ τῆσ τε λίμνησ καὶ τοῦ τείχουσ. καὶ ταῦτ̓ αὐτῷ οἱ στρατιῶται ἐν τῇ νυκτὶ ἐξειργάσαντο.