헬라어 문장 검색 - Αρριαν́Αναβασί5́22́

(아리아노스, Anabasis, book 5, chapter 22)

Ἐν τούτῳ δὲ ἐξαγγέλλεται Ἀλεξάνδρῳ τῶν αὐτονόμων Ἰνδῶν ἄλλουσ τέ τινασ καὶ τοὺσ καλουμένουσ Καθαίουσ αὐτούσ τε παρασκευάζεσθαι ὡσ πρὸσ μάχην, εἰ προσάγοι τῇ χώρᾳ αὐτῶν Ἀλέξανδροσ, καὶ ὅσα ὅμορά σφισιν ἔθνη ὡσαύτωσ αὐτόνομα, καὶ ταῦτα παρακαλεῖν ἐσ τὸ ἔργον· εἶναι δὲ τήν τε πόλιν ὀχυρὰν πρὸσ ᾗ ἐπενόουν ἀγωνίσασθαι, Σάγγαλα ἦν τῇ πόλει ὄνομα, καὶ αὐτοὶ οἱ Καθαῖοι εὐτολμότατοί τε καὶ τὰ πολέμια κράτιστοι ἐνομίζοντο, καὶ τούτοισ κατὰ τὰ αὐτὰ Ὀξυδράκαι, ἄλλο Ἰνδῶν ἔθνοσ, καὶ Μαλλοί, ἄλλο καὶ τοῦτο·

ἐπεὶ καὶ ὀλίγῳ πρόσθεν στρατεύσαντασ ἐπ̓ αὐτοὺσ Πῶρόν τε καὶ Ἀβισάρην ξύν τε τῇ σφετέρᾳ δυνάμει καὶ πολλὰ ἄλλα ἔθνη τῶν αὐτονόμων Ἰνδῶν ἀναστήσαντασ οὐδὲν πράξαντασ τῆσ παρασκευῆσ ἄξιον ξυνέβη ἀπελθεῖν. Ταῦτα ὡσ ἐξηγγέλθη Ἀλεξάνδρῳ, σπουδῇ ἤλαυνεν ὡσ ἐπὶ τοὺσ Καθαίουσ.

καὶ δευτεραῖοσ μὲν ἀπὸ τοῦ ποταμοῦ τοῦ Ὑδραώτου πρὸσ πόλιν ἧκεν ᾗ ὄνομα Πίμπραμα· τὸ δὲ ἔθνοσ τοῦτο τῶν Ἰνδῶν Ἀδραϊσταὶ ἐκαλοῦντο. οὗτοι μὲν δὴ προσεχώρησαν ὁμολογίᾳ Ἀλεξάνδρῳ. καὶ Ἀλέξανδροσ ἀναπαύσασ τῇ ὑστεραίᾳ τὴν στρατιὰν τῇ τρίτῃ προὐχώρει ἐπὶ τὰ Σάγγαλα, ἵνα οἱ Καθαῖοί τε καὶ οἱ ἄλλοι πρόσχωροι αὐτοῖσ ξυνεληλυθότεσ πρὸ τῆσ πόλεωσ παρατεταγμένοι ἦσαν ἐπὶ γηλόφου οὐ πάντῃ ἀποτόμου·

κύκλῳ δὲ τοῦ γηλόφου ἁμάξασ περιστήσαντεσ ἐντὸσ αὐτῶν ἐστρατοπέδευον, ὡσ τριπλοῦν χάρακα προβεβλῆσθαι [πρὸ] τῶν ἁμαξῶν. Ἀλέξανδροσ δὲ τό τε πλῆθοσ κατιδὼν τῶν βαρβάρων καὶ τοῦ χωρίου τὴν φύσιν, ὡσ μάλιστα πρὸσ τὰ παρόντα ἐν καιρῷ οἱ ἐφαίνετο παρετάσσετο·

καὶ τοὺσ μὲν ἱπποτοξότασ εὐθὺσ ὡσ εἶχεν ἐκπέμπει ἐπ̓ αὐτούσ, ἀκροβολίζεσθαι κελεύσασ παριππεύοντασ, ὡσ μήτε ἐκδρομήν τινα ποιήσασθαι τοὺσ Ἰνδοὺσ πρὶν ξυνταχθῆναι αὐτῷ τὴν στρατιὰν καὶ ὡσ πληγὰσ γίγνεσθαι αὐτοῖσ καὶ πρὸ τῆσ μάχησ ἐντὸσ τοῦ ὀχυρώματοσ. αὐτὸσ δὲ ἐπὶ μὲν τοῦ δεξιοῦ κέρωσ τῶν ἱππέων τὸ ἄγημα κατέστησε καὶ τὴν Κλείτου ἱππαρχίαν, ἐχομένουσ δὲ τούτων τοὺσ ὑπασπιστάσ, καὶ ἐπὶ τούτοισ τοὺσ Ἀγριᾶνασ·

κατὰ δὲ τὸ εὐώνυμον Περδίκκασ αὐτῷ ἐτέτακτο τήν τε αὑτοῦ ἔχων ἱππαρχίαν καὶ τὰσ τῶν πεζεταίρων τάξεισ· ἐπὶ κέρωσ δὲ ἑκατέρου οἱ τοξόται αὐτῷ διχῇ διακριθέντεσ ἐτάχθησαν. ἐκτάσσοντι δὲ αὐτῷ παρεγένοντο καὶ οἱ ἀπὸ τῆσ ὀπισθοφυλακίασ πεζοί τε καὶ ἱππεῖσ.

καὶ τούτων τοὺσ μὲν ἱππέασ ἐπὶ τὰ κέρατα διελὼν παρήγαγεν, ἀπὸ δὲ τῶν πεζῶν τῶν προσγενομένων πυκνοτέραν τὴν ξύγκλεισιν τῆσ φάλαγγοσ ποιήσασ αὐτὸσ ἀναλαβὼν τὴν ἵππον τὴν ἐπὶ τοῦ δεξιοῦ τεταγμένην παρήγαγεν ἐπὶ τὰσ κατὰ τὸ εὐώνυμον τῶν Ἰνδῶν ἁμάξασ. ταύτῃ γὰρ εὐπροσοδώτερον αὐτῷ ἐφαίνετο τὸ χωρίον καὶ οὐ πυκναὶ ὡσαύτωσ αἱ ἅμαξαι ἐφειστήκεσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 5, chapter 22

(아리아노스, Anabasis, book 5, chapter 22)

상위

목록

SEARCH

MENU NAVIGATION