헬라어 문장 검색 - Αρριαν́Αναβασί5́21́

(아리아노스, Anabasis, book 5, chapter 21)

Περάσασ δὲ τὸν ποταμὸν Κοῖνον μὲν ξὺν τῇ αὑτοῦ τάξει ἀπολείπει αὐτοῦ ἐπὶ τῇ ὄχθῃ προστάξασ ἐπιμελεῖσθαι τῆσ ὑπολελειμμένησ στρατιᾶσ τῆσ διαβάσεωσ, οἳ τόν τε σῖτον αὐτῷ τὸν ἐκ τῆσ ἤδη ὑπηκόου τῶν Ἰνδῶν χώρασ καὶ τὰ ἄλλα ἐπιτήδεια παρακομίζειν ἔμελλον. Πῶρον δὲ ἐσ τὰ αὑτοῦ ἤθη ἀποπέμπει, κελεύσασ Ἰνδῶν τε τοὺσ μαχιμωτάτουσ ἐπιλεξάμενον καὶ εἴ τινασ παῤ αὑτῷ ἔχοι ἐλέφαντασ, τούτουσ δὲ ἀναλαβόντα[σ] ἰέναι παῤ αὑτόν.

αὐτὸσ δὲ Πῶρον τὸν ἕτερον τὸν κακόν, ὅτι ἐξηγγέλθη πεφευγέναι ἀπολιπὼν τὴν χώραν ἧσ ἦρχεν, ἐπενόει διώκειν σὺν τοῖσ κουφοτάτοισ τῆσ στρατιᾶσ. ὁ γὰρ Πῶροσ οὗτοσ, ἔστε μὲν πολέμια ξυνειστήκει Ἀλεξάνδρῳ τὰ πρὸσ τὸν ἄλλον Πῶρον, πρέσβεισ παῤ Ἀλέξανδρον πέμπων αὑτόν τε καὶ τὴν ὑπὸ οἷ χώραν ἐνεδίδου Ἀλεξάνδρῳ, κατὰ ἔχθοσ τὸ Πώρου μᾶλλον ἢ φιλίᾳ τῇ Ἀλεξάνδρου·

ὡσ δὲ ἀφειμένον τε ἐκεῖνον καὶ πρὸσ τῇ αὑτοῦ καὶ ἄλλησ πολλῆσ ἄρχοντα ἔμαθε, τότε δὴ φοβηθείσ, οὐχ οὕτω τι Ἀλέξανδρον, ὡσ τὸν Πῶρον ἐκεῖνον τὸν ὁμώνυμον, φεύγει τὴν ἑαυτοῦ ἀναλαβὼν ὅσουσ τῶν μαχίμων ξυμπεῖσαι ἠδυνήθη μετασχεῖν οἱ τῆσ φυγῆσ. Ἐπὶ τοῦτον ἐλαύνων Ἀλέξανδροσ ἀφικνεῖται ἐπὶ τὸν Ὑδραώτην ποταμόν, ἄλλον αὖ τοῦτον Ἰνδὸν ποταμόν, τὸ μὲν εὖροσ οὐ μείονα τοῦ Ἀκεσίνου, ὀξύτητι δὲ τοῦ ῥοῦ μείονα.

ὅσην δὲ τῆσ χώρασ ἔστε ἐπὶ τὸν Ὑδραώτην ἐπῆλθε, φυλακὰσ ὑπέλιπεν ἐν τοῖσ ἐπικαιροτάτοισ χωρίοισ, ὅπωσ οἱ ἀμφὶ Κρατερόν τε καὶ Κοῖνον δἰ ἀσφαλείασ ἐπέρχοιντο τῆσ χώρασ τὴν πολλὴν προνομεύοντεσ. ἐνταῦθα Ἡφαιστίωνα μὲν ἐκπέμπει δοὺσ αὐτῷ μέροσ τῆσ στρατιᾶσ, πεζῶν μὲν φάλαγγασ δύο, ἱππέων δὲ τήν τε αὑτοῦ καὶ τὴν Δημητρίου ἱππαρχίαν καὶ τῶν τοξοτῶν τοὺσ ἡμίσεασ, ἐσ τὴν Πώρου τοῦ ἀφεστηκότοσ χώραν, κελεύσασ παραδιδόναι ταύτην Πώρῳ τῷ ἄλλῳ, καὶ εἰ δή τινα πρὸσ ταῖσ ὄχθαισ τοῦ Ὑδραώτου ποταμοῦ αὐτόνομα ἔθνη Ἰνδῶν νέμεται, καὶ ταῦτα προσαγαγόμενον τῷ Πώρῳ ἄρχειν ἐγχειρίσαι.

αὐτὸσ δ̓ ἐπέρα τὸν Ὑδραώτην ποταμόν, οὐ καθάπερ τὸν Ἀκεσίνην χαλεπῶσ. προχωροῦντι δὲ αὐτῷ ἐπέκεινα τῆσ ὄχθησ τοῦ Ὑδραώτου τοὺσ μὲν πολλοὺσ καθ̓ ὁμολογίαν προσχωρεῖν ξυνέβαινεν, ἤδη δέ τινασ ξὺν ὅπλοισ ἀπαντήσαντασ, τοὺσ δὲ καὶ ὑποφεύγοντασ ἑλὼν βίᾳ κατεστρέψατο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 5, chapter 21

(아리아노스, Anabasis, book 5, chapter 21)

상위

목록

SEARCH

MENU NAVIGATION