헬라어 문장 검색 - Αρριαν́Αναβασί5́19́

(아리아노스, Anabasis, book 5, chapter 19)

Καὶ ὁ μὲν ἤγετο· Ἀλέξανδροσ δὲ ὡσ προσάγοντα ἐπύθετο, προσιππεύσασ πρὸ τῆσ τάξεωσ ξὺν ὀλίγοισ τῶν ἑταίρων ἀπαντᾷ τῷ Πώρῳ· καὶ ἐπιστήσασ τὸν ἵππον τό τε μέγεθοσ ἐθαύμαζεν, ὑπὲρ πέντε πήχεισ μάλιστα ξυμβαῖνον, καὶ τὸ κάλλοσ τοῦ Πώρου καὶ ὅτι οὐ δεδουλωμένοσ τῇ γνώμῃ ἐφαίνετο, ἀλλ̓ ὥσπερ ἂν ἀνὴρ ἀγαθὸσ ἀνδρὶ ἀγαθῷ προσέλθοι ὑπὲρ βασιλείασ τῆσ αὑτοῦ πρὸσ βασιλέα ἄλλον καλῶσ ἠγωνισμένοσ. ἔνθα δὴ Ἀλέξανδροσ πρῶτοσ προσειπὼν αὐτὸν λέγειν ἐκέλευσεν ὅ τι οἱ γενέσθαι ἐθέλοι.

Πῶρον δὲ ἀποκρίνασθαι λόγοσ ὅτι· βασιλικῶσ μοι χρῆσαι, ὦ Ἀλέξανδρε. καὶ Ἀλέξανδροσ ἡσθεὶσ τῷ λόγῳ, τοῦτο μὲν ἔσται σοι, ἔφη, ὦ Πῶρε, ἐμοῦ ἕνεκα· σὺ δὲ σαυτοῦ ἕνεκα ὅ τι σοὶ φίλον ἀξίου. ὁ δὲ πάντα ἔφη ἐν τούτῳ ἐνεῖναι. καὶ Ἀλέξανδροσ τούτῳ ἔτι μᾶλλον τῷ λόγῳ ἡσθεὶσ τήν τε ἀρχὴν τῷ Πώρῳ τῶν τε αὐτῶν Ἰνδῶν ἔδωκεν καὶ ἄλλην ἔτι χώραν πρὸσ τῇ πάλαι οὔσῃ πλείονα τῆσ πρόσθεν προσέθηκεν·

καὶ οὕτωσ αὐτόσ τε βασιλικῶσ κεχρημένοσ ἦν ἀνδρὶ ἀγαθῷ καὶ ἐκείνῳ ἐκ τούτου ἐσ ἅπαντα πιστῷ ἐχρήσατο. τοῦτο τὸ τέλοσ τῇ μάχῃ τῇ πρὸσ Πῶρόν τε καὶ τοὺσ ἐπέκεινα τοῦ Ὑδάσπου ποταμοῦ Ἰνδοὺσ Ἀλεξάνδρῳ ἐγένετο ἐπ̓ ἄρχοντοσ Ἀθηναίοισ Ἡγήμονοσ μηνὸσ Μουνυχιῶνοσ. Ἵνα δὲ ἡ μάχη ξυνέβη καὶ ἔνθεν ὁρμηθεὶσ ἐπέρασε τὸν Ὑδάσπην ποταμὸν πόλεισ ἔκτισεν Ἀλέξανδροσ.

καὶ τὴν μὲν Νίκαιαν τῆσ νίκησ τῆσ κατ̓ Ἰνδῶν ἐπώνυμον ὠνόμασε, τὴν δὲ Βουκεφάλαν ἐσ τοῦ ἵππου τοῦ Βουκεφάλα τὴν μνήμην, ὃσ ἀπέθανεν αὐτοῦ, οὐ βληθεὶσ πρὸσ οὐδενόσ, ἀλλὰ ὑπὸ καύματοσ τε καὶ ἡλικίασ ἡ̓͂ν γὰρ ἀμφὶ τὰ τριάκοντα ἔτἠ καματηρὸσ γενόμενοσ, πολλὰ δὲ πρόσθεν ξυγκαμών τε καὶ συγκινδυνεύσασ Ἀλεξάνδρῳ, ἀναβαινόμενόσ τε πρὸσ μόνου Ἀλεξάνδρου [ὁ Βουκεφάλασ οὗτοσ], ὅτι τοὺσ ἄλλουσ πάντασ ἀπηξίου ἀμβάτασ, καὶ μεγέθει μέγασ καὶ τῷ θυμῷ γενναῖοσ. σημεῖον δέ οἱ ἦν βοὸσ κεφαλὴ ἐγκεχαραγμένη, ἐφ̓ ὅτῳ καὶ τὸ ὄνομα τοῦτο λέγουσιν ὅτι ἔφερεν·

οἱ δὲ λέγουσιν ὅτι λευκὸν σῆμα εἶχεν ἐπὶ τῆσ κεφαλῆσ, μέλασ ὢν αὐτόσ, ἐσ βοὸσ κεφαλὴν μάλιστα εἰκασμένον. οὗτοσ ὁ ἵπποσ ἐν τῇ Οὐξίων χώρᾳ ἀφανὴσ ἐγένετο Ἀλεξάνδρῳ, καὶ Ἀλέξανδροσ προεκήρυξεν ἀνὰ τὴν χώραν πάντασ ἀποκτενεῖν Οὐξίουσ, εἰ μὴ ἀπάξουσιν αὐτῷ τὸν ἵππον·

καὶ ἀπήχθη εὐθὺσ ἐπὶ τῷ κηρύγματι. τοσήδε μὲν σπουδὴ Ἀλεξάνδρῳ ἀμφ̓ αὐτὸν ἦν, τόσοσ δὲ Ἀλεξάνδρου φόβοσ τοῖσ βαρβάροισ. καὶ ἐμοὶ ἐσ τοσόνδε τετιμήσθω ὁ Βουκεφάλασ οὗτοσ Ἀλεξάνδρου ἕνεκα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 5, chapter 19

(아리아노스, Anabasis, book 5, chapter 19)

상위

목록

SEARCH

MENU NAVIGATION