헬라어 문장 검색 - Αρριαν́Αναβασί5́15́

(아리아노스, Anabasis, book 5, chapter 15)

Καὶ ἐπὶ τούτουσ τὰ μὲν πρῶτα ἐκπέμψαι Ἀλέξανδρον καὶ οὗτοσ λέγει τοὺσ ἱπποτοξότασ, αὐτὸν δὲ ἄγειν τοὺσ ἱππέασ· προσάγειν γὰρ οἰηθῆναι Πῶρον ξὺν τῇ πάσῃ δυνάμει· τὴν δὲ ἵππον ταύτην προτεταγμένην αὐτῷ προπορεύεσθαι πρὸ τοῦ ἄλλου στρατοῦ. ὡσ δὲ κατέμαθεν ἀτρεκῶσ τὸ πλῆθοσ τὸ τῶν Ἰνδῶν, ἐνταῦθα δὴ ὀξέωσ ἐπιπεσεῖν αὐτοῖσ ξὺν τῇ ἀμφ̓ αὐτὸν ἵππῳ·

τοὺσ δὲ ἐγκλῖναι, ὡσ Ἀλέξανδρόν τε αὐτὸν κατεῖδον καὶ τὸ στῖφοσ ἀμφ̓ αὐτὸν τῶν ἱππέων οὐκ ἐπὶ μετώπου, ἀλλὰ κατ̓ ἴλασ ἐμβεβληκόσ. καὶ τούτων ἱππέασ μὲν πεσεῖν ἐσ τετρακοσίουσ, πεσεῖν δὲ καὶ τοῦ Πώρου τὸν παῖδα· τὰ δὲ ἁρ́ματα αὐτοῖσ ἵπποισ ἁλῶναι ἔν τε τῇ ἀποχωρήσει βαρέα γενόμενα καὶ ἐν αὐτῷ τῷ ἔργῳ ὑπὸ πηλοῦ ἀχρεῖα. Πῶροσ δέ, ὡσ αὐτῷ ὅσοι ἱππεῖσ ἐκ τῆσ φυγῆσ διεσώζοντο Ἀλέξανδρόν τε αὐτὸν πεπερακότα ξὺν τῇ στρατιᾷ ἐσ τὸ καρτερώτατον καὶ τὸν παῖδα ἐν τῇ μάχῃ τετελευτηκότα ἤγγειλαν, ἐγίγνετο μὲν καὶ ὣσ ἀμφίβολοσ τῇ γνώμῃ, ὅτι καὶ οἱ ἀπὸ τοῦ καταντικρὺ τοῦ μεγάλου στρατοπέδου οἱ ξὺν Κρατερῷ ὑπολελειμμένοι ἐπιχειροῦντεσ τῇ διαβάσει ἐφαίνοντο·

εἵλετο δ̓ οὖν ἐπ̓ αὐτὸν Ἀλέξανδρον ἐλάσασ ξὺν τῇ στρατιᾷ πάσῃ πρὸσ τὸ καρτερώτατόν τε τῶν Μακεδόνων καὶ αὐτὸν τὸν βασιλέα διαγωνίσασθαι.

ἀλλὰ καὶ ὣσ ὀλίγουσ τῶν ἐλεφάντων σὺν οὐ πολλῇ στρατιᾷ αὐτοῦ ἐπὶ τοῦ στρατοπέδου ἀπέλιπεν, ὡσ φοβεῖν ἀπὸ τῆσ ὄχθησ τοὺσ ξὺν Κρατερῷ ἱππέασ. αὐτὸσ δὲ τήν τε ἵππον ἀναλαβὼν πᾶσαν, ἐσ τετρακισχιλίουσ ἱππέασ, καὶ τὰ ἁρ́ματα πάντα, τριακόσια ὄντα, καὶ τῶν ἐλεφάντων διακοσίουσ καὶ τῶν πεζῶν ὅ τι περ ὄφελοσ, ἐσ τρισμυρίουσ, ἤλαυνεν ὡσ ἐπ̓ Ἀλέξανδρον. ὡσ δὲ ἐνέτυχε χωρίῳ, ἵνα οὐ πηλὸσ αὐτῷ ἐφαίνετο, ἀλλὰ ὑπὸ ψάμμου γὰρ ξύμπαν ἦν ἄπεδον καὶ στερεὸν ἐσ τὰσ ἐφόδουσ τε καὶ ἀναστροφὰσ τῶν ἵππων, ἐνταῦθα ἔτασσε τὴν στρατιάν, πρώτουσ μὲν τοὺσ ἐλέφαντασ ἐπὶ μετώπου, διέχοντα ἐλέφαντα ἐλέφαντοσ οὐ μεῖον πλέθρου, ὡσ πρὸ πάσησ τε τῆσ φάλαγγοσ τῶν πεζῶν παραταθῆναι αὐτῷ τοὺσ ἐλέφαντασ ἐπὶ μετώπου καὶ φόβον πάντῃ παρέχειν τοῖσ ἀμφ̓ Ἀλέξανδρον ἱππεῦσιν.

ἄλλωσ τε οὐδὲ ἠξίου ἐσ τὰ διαλείποντα τῶν ἐλεφάντων τολμῆσαι ἄν τινα ὤσασθαι τῶν πολεμίων, οὔτε ξὺν ἵπποισ διὰ τὸν φόβον τῶν ἵππων, πεζούσ τε ἔτι μεῖον·

κατὰ στόμα τε γὰρ ἂν πρὸσ τῶν ὁπλιτῶν προσβαλλόντων εἴργεσθαι καὶ καταπατηθήσεσθαι ἐπιστρεψάντων ἐπ̓ αὐτοὺσ τῶν ἐλεφάντων. ἐπὶ τούτοισ δὲ οἱ πεζοὶ αὐτῷ ἐτετάχατο, οὐκ ἴσον τὸ μέτωπον τοῖσ θηρίοισ ἐπέχοντεσ, ἀλλ̓ ἐν δευτέρῳ μετώπῳ μετὰ τοὺσ ἐλέφαντασ, ὅσον ἐσ τὰ διαλείποντα ἐπ̓ ὀλίγον ἐμβεβλῆσθαι τοὺσ λόχουσ.

ἦσαν δὲ αὐτῷ καὶ κατὰ τὰ κέρατα ἔτι ὑπὲρ τοὺσ ἐλέφαντασ πεζοὶ ἐφεστηκότεσ, ἑκατέρωθεν δὲ τῶν πεζῶν ἡ ἵπποσ αὐτῷ ἐτέτακτο καὶ πρὸ ταύτησ τὰ ἁρ́ματα ἑκατέρωθεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 5, chapter 15

(아리아노스, Anabasis, book 5, chapter 15)

상위

목록

SEARCH

MENU NAVIGATION