헬라어 문장 검색 - Αρριαν́Αναβασί5́14́

(아리아노스, Anabasis, book 5, chapter 14)

βάδην ἔπεσθαι ἐκέλευσεν, οὐ πολὺ ἀποδέοντασ τῶν ἑξακισχιλίων· αὐτὸσ δέ, ὅτι κρατεῖν ἐδόκει τῇ ἵππῳ, τοὺσ ἱππέασ μόνουσ ἀναλαβὼν σπουδῇ ἡγεῖτο, ὄντασ ἐσ πεντακισχιλίουσ. Ταύρωνι δὲ τῷ τοξάρχῃ προσέταξε τοὺσ τοξότασ ἐπάγειν τῇ ἵππῳ καὶ αὐτοὺσ σπουδῇ. γνώμην δὲ ἐπεποίητο, ὡσ εἰ μὲν προσμίξειαν αὐτῷ οἱ ἀμφὶ τὸν Πῶρον ξὺν τῇ δυνάμει ἁπάσῃ, ἢ κρατήσειν αὐτῶν οὐ χαλεπῶσ τῇ ἵππῳ προσβαλὼν ἢ ἀπομαχεῖσθαί γε ἔστε τοὺσ πεζοὺσ ἐν τῷ ἔργῳ ἐπιγενέσθαι·

εἰ δὲ πρὸσ τὴν τόλμαν τῆσ διαβάσεωσ ἄτοπον γενομένην οἱ Ἰνδοὶ ἐκπλαγέντεσ φεύγοιεν, οὐ πόρρωθεν ἕξεσθαι αὐτῶν κατὰ τὴν φυγήν, ὡσ πλείονα ἐν τῇ ἀποχωρήσει τὸν φόνον γενόμενον ὀλίγον ἔτι ὑπολείπεσθαι αὐτῷ τὸ ἔργον. Ἀριστόβουλοσ δὲ λέγει τὸν Πώρου παῖδα φθάσαι ἀφικόμενον σὺν ἁρ́μασιν ὡσ ἑξήκοντα πρὶν τὸ ὕστερον ἐκ τῆσ νήσου τῆσ μικρᾶσ περᾶσαι Ἀλέξανδρον·

καὶ τοῦτον δυνηθῆναι ἂν εἶρξαι Ἀλέξανδρον τῆσ διαβάσεωσ χαλεπῶσ καὶ μηδενὸσ εἴργοντοσ περαιωθέντα, εἴπερ οὖν καταπηδήσαντεσ οἱ Ἰνδοὶ ἐκ τῶν ἁρμάτων προσέκειντο τοῖσ πρώτοισ τῶν ἐκβαινόντων· ἀλλὰ παραλλάξαι γὰρ ξὺν τοῖσ ἁρ́μασι καὶ ἀκίνδυνον ποιῆσαι Ἀλεξάνδρῳ τὴν διάβασιν· καὶ ἐπὶ τούτουσ ἀφεῖναι Ἀλέξανδρον τοὺσ ἱπποτοξότασ, καὶ τραπῆναι αὐτοὺσ οὐ χαλεπῶσ, πληγὰσ λαμβάνοντασ. οἱ δὲ καὶ μάχην λέγουσιν ἐν τῇ ἐκβάσει γενέσθαι τῶν Ἰνδῶν τῶν ξὺν τῷ παιδὶ τῷ Πώρου ἀφιγμένων πρὸσ Ἀλέξανδρόν τε καὶ τοὺσ ξὺν αὐτῷ ἱππέασ.

καὶ γὰρ καὶ ἀφικέσθαι ξὺν μείζονι δυνάμει τὸν Πώρου παῖδα, καὶ αὐτόν τε Ἀλέξανδρον τρωθῆναι πρὸσ αὐτοῦ καὶ τὸν ἵππον αὐτοῦ ἀποθανεῖν τὸν Βουκεφάλαν, φίλτατον Ἀλεξάνδρῳ ὄντα τὸν ἵππον, καὶ τοῦτον τρωθέντα ὑπὸ τοῦ παιδὸσ τοῦ Πώρου. ἀλλὰ Πτολεμαῖοσ ὁ Λάγου, ὅτῳ καὶ ἐγὼ ξυμφέρομαι, ἄλλωσ λέγει. ἐκπεμφθῆναι μὲν γὰρ τὸν παῖδα ὑπὸ τοῦ Πώρου λέγει καὶ οὗτοσ, ἀλλ̓ οὐχ ἑξήκοντα μόνα ἁρ́ματα ἄγοντα.

οὐδὲ γὰρ εἰκὸσ Πῶρον ἀκούσαντα ἐκ τῶν σκοπῶν, ὅτι δὴ ἢ αὐτὸσ Ἀλέξανδροσ διαβέβηκεν τοῦ Ὑδάσπου τὸν πόρον ἢ μέροσ γέ τι τῆσ στρατιᾶσ, ξὺν ἑξήκοντα ἁρ́μασι μόνοισ ἐκπέμψαι τὸν αὑτοῦ παῖδα· ἃ δὴ ὡσ μὲν ἐπὶ κατασκοπὴν ἐκπεμπόμενα πολλά τε καὶ οὐκ εὔζωνα ἐσ τὴν ἀποχώρησιν ἦν, ὡσ δὲ εἰσ τὸ εἶρξαί τε τοὺσ οὔπω πεπερακότασ τῶν πολεμίων καὶ τοῖσ ἤδη ἐκβεβηκόσιν ἐπιθέσθαι οὐδαμῇ ἀξιόμαχα.

ἀλλὰ δισχιλίουσ γὰρ λέγει ἱππέασ ἄγοντα ἀφικέσθαι τοῦ Πώρου τὸν παῖδα, ἁρ́ματα δὲ ἑκατὸν καὶ εἴκοσι· φθάσαι δὲ περάσαντα Ἀλέξανδρον καὶ τὸν ἐκ τῆσ νήσου τὸν τελευταῖον πόρον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 5, chapter 14

(아리아노스, Anabasis, book 5, chapter 14)

상위

목록

SEARCH

MENU NAVIGATION