헬라어 문장 검색 - Αρριαν́Αναβασί5́06́

(아리아노스, Anabasis, book 5, chapter 6)

Ὅτῳ δὴ τὰ τῆσ Ἀσίασ ὧδε ἔχει ὡσ πρὸσ τοῦ Ταύρου τε καὶ τοῦ Καυκάσου τέμνεσθαι ἀπὸ ἀνέμου ζεφύρου ὡσ ἐπὶ ἀπηλιώτην ἄνεμον τὴν Ἀσίαν, τούτῳ δύο μὲν αὗται μέγισται πρὸσ αὐτοῦ τοῦ Ταύρου τῆσ Ἀσίασ μοῖραι γίγνονται, ἡ μὲν ἐσ μεσημβρίαν τε καὶ πρὸσ νότον ἄνεμον [τοῦ Ταύρου] κεκλιμένη, ἡ δὲ ἐπ̓ ἄρκτον τε καὶ ἄνεμον βορρᾶν. τῆσ δὲ ὡσ ἐπὶ νότον Ἀσίασ τετραχῇ αὖ τεμνομένησ μεγίστην μὲν μοῖραν τὴν Ἰνδῶν γῆν ποιεῖ Ἐρατοσθένησ τε καὶ Μεγασθένησ, ὃσ ξυνῆν μὲν Σιβυρτίῳ τῷ σατράπῃ τῆσ Ἀραχωσίασ, πολλάκισ δὲ λέγει ἀφικέσθαι παρὰ Σανδράκοττον τὸν Ἰνδῶν βασιλέα, ἐλαχίστην δὲ ὅσην ὁ Εὐφράτησ ποταμὸσ ἀπείργει ὡσ πρὸσ τὴν ἐντὸσ τὴν ἡμετέραν θάλασσαν.

δύο δὲ αἱ μεταξὺ Εὐφράτου τε ποταμοῦ καὶ τοῦ Ἰνδοῦ ἀπειργόμεναι αἱ δύο ξυντεθεῖσαι μόλισ ἄξιαι τῇ Ἰνδῶν γῇ ξυμβαλεῖν. ἀπείργεσθαι δὲ τὴν Ἰνδῶν χώραν πρὸσ μὲν ἑώ τε καὶ ἀπηλιώτην ἄνεμον ἔστε ἐπὶ μεσημβρίαν τῇ μεγάλῃ θαλάσσῃ·

τὸ πρὸσ βορρᾶν δὲ αὐτῆσ ἀπείργειν τὸν Καύκασον τὸ ὄροσ ἔστε ἐπὶ τοῦ Ταύρου τὴν ξυμβολήν· τὴν δὲ ὡσ πρὸσ ἑσπέραν τε καὶ ἄνεμον Ιἄπυγα ἔστε ἐπὶ τὴν μεγάλην θάλασσαν ὁ Ἰνδὸσ ποταμὸσ ἀποτέμνεται. καὶ ἔστι πεδίον ἡ πολλὴ αὐτῆσ, καὶ τοῦτο, ὡσ εἰκάζουσιν, ἐκ τῶν ποταμῶν προσκεχωσμένον. εἶναι γὰρ οὖν καὶ τῆσ ἄλλησ χώρασ ὅσα πεδία οὐ πρόσω θαλάσσησ τὰ πολλὰ τῶν ποταμῶν παῤ ἑκάστοισ ποιήματα· ὣσ δὲ καὶ τῆσ χώρασ τὴν ἐπωνυμίαν τοῖσ ποταμοῖσ ἐκ παλαιοῦ προσκεῖσθαι, καθάπερ Ἕρμου τέ τι πεδίον λέγεσθαι, ὃσ κατὰ τὴν Ἀσίαν γῆν ἀνίσχων ἐξ ὄρουσ Μητρὸσ Δινδυμήνησ παρὰ Σμύρναν πόλιν Αἰολικὴν ἐκδιδοῖ ἐσ θάλασσαν, καὶ ἄλλο Καΰστρου, πεδίον Λύδιον καὶ Λυδίου ποταμοῦ, καὶ Καΐκου ἄλλο ἐν Μυσίᾳ καὶ Μαιάνδρου τὸ Καρικὸν ἔστε ἐπὶ Μίλητον πόλιν Ιὠνικήν.

Αἴγυπτόν τε Ἡρόδοτόσ τε καὶ Ἑκαταῖοσ οἱ λογοποιοί, ἢ εἰ δή του ἄλλου ἢ Ἑκαταίου ἐστὶ τὰ ἀμφὶ τῇ γῇ τῇ Αἰγυπτίᾳ ποιήματα, δῶρόν τε τοῦ ποταμοῦ ἀμφότεροι ὡσαύτωσ ὀνομάζουσιν καὶ οὐκ ἀμαυροῖσ τεκμηρίοισ ὅτι ταύτῃ ἔχει Ἡροδότῳ ἐπιδέδεικται, ὡσ καὶ τὴν γῆν αὐτὴν τυχὸν τοῦ ποταμοῦ εἶναι ἐπώνυμον. Αἴγυπτοσ γὰρ τὸ παλαιὸν ὁ ποταμὸσ ὅτι ἐκαλεῖτο, ὅντινα νῦν Νεῖλον Αἰγύπτιοί τε καὶ οἱ ἔξω Αἰγύπτου ἄνθρωποι ὀνομάζουσιν, ἱκανὸσ τεκμηριῶσαι Ὅμηροσ, λέγων ἐπὶ τῇ ἐκβολῇ τοῦ Αἰγύπτου ποταμοῦ τὸν Μενέλεων στῆσαι τὰσ νέασ. εἰ δὴ οὖν εἷσ τε ποταμὸσ παῤ ἑκάστοισ καὶ οὐ μεγάλοι οὗτοι ποταμοὶ ἱκανοὶ γῆν πολλὴν ποιῆσαι ἐσ θάλασσαν προχεόμενοι, ὁπότε ἰλὺν καταφέροιεν καὶ πηλὸν ἐκ τῶν ἄνω τόπων ἔνθενπερ αὐτοῖσ αἱ πηγαί εἰσιν, οὐδὲ ὑπὲρ τῆσ Ἰνδῶν ἄρα χώρασ ἐσ ἀπιστίαν ἰέναι ἄξιον, ὅπωσ πεδίον τε ἡ πολλή ἐστι καὶ ἐκ τῶν ποταμῶν τὸ πεδίον ἔχει προσκεχωσμένον.

Ἕρμον μὲν γὰρ καὶ Κάϋστρον καὶ Κάϊκόν τε καὶ Μαίανδρον ἢ ὅσοι πολλοὶ ποταμοὶ τῆσ Ἀσίασ ἐσ τήνδε τὴν ἐντὸσ θάλασσαν ἐκδιδοῦσιν οὐδὲ σύμπαντασ ξυντεθέντασ ἑνὶ τῶν Ἰνδῶν ποταμῶν ἄξιον ξυμβαλεῖν πλήθουσ ἕνεκα τοῦ ὕδατοσ, μὴ ὅτι τῷ Γάγγῃ τῷ μεγίστῳ, ὅτῳ οὔτε τὸ τοῦ Νείλου ὕδωρ τοῦ Αἰγυπτίου οὔτε ὁ Ἴστροσ ὁ κατὰ τὴν Εὐρώπην ῥέων ἄξιοι ξυμβαλεῖν, ἀλλ̓ οὐδὲ τῷ Ἰνδῷ ποταμῷ ἐκεῖνοί γε πάντεσ ξυμμιχθέντεσ ἐσ ἴσον ἔρχονται, ὃσ μέγασ τε εὐθὺσ ἀπὸ τῶν πηγῶν ἀνίσχει καὶ πεντεκαίδεκα ποταμοὺσ πάντασ τῶν Ἀσιανῶν μείζονασ παραλαβὼν καὶ τῇ ἐπωνυμίᾳ κρατήσασ οὕτωσ ἐκδιδοῖ ἐσ θάλασσαν.

ταῦτά μοι ἐν τῷ παρόντι περὶ Ἰνδῶν τῆσ χώρασ λελέχθω·

τὰ δὲ ἄλλα ἀποκείσθω ἐσ τὴν Ἰνδικὴν ξυγγραφήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 5, chapter 6

(아리아노스, Anabasis, book 5, chapter 6)

상위

목록

SEARCH

MENU NAVIGATION