호흡부호 보기
강세부호 보기
장단부호 보기
작은 Iota 보기
모든 부호 보기
ἤρεσε δ’ οὐδετέροισ, ἀλλ’ ἐλύπησε καὶ τοὺσ πλουσίουσ ἀνελὼν τὰ συμβόλαια, καὶ μᾶλλον ἔτι τοὺσ πένητασ, ὅτι γῆσ ἀναδασμὸν οὐκ ἐποίησεν ἐλπίσασιν αὐτοῖσ, οὐδὲ παντάπασιν, ὥσπερ ὁ Λυκοῦργοσ, ὁμαλοὺσ τοῖσ βίοισ καὶ ἴσουσ κατέστησεν. ἀλλ’ ἐκεῖνοσ μὲν ἑνδέκατοσ ὢν ἀφ’ Ἡρακλέουσ καὶ βεβασιλευκὼσ ἔτη πολλὰ τῆσ Λακεδαίμονοσ, ἀξίωμα μέγα καὶ φίλουσ καὶ δύναμιν οἷσ ἔγνω καλῶσ περὶ τῆσ πολιτείασ ὑπηρετοῦσαν εἶχε, καὶ βίᾳ μᾶλλον ἢ πειθοῖ χρησάμενοσ, ὥστε καὶ τὸν ὀφθαλμὸν ἐκκοπῆναι, κατειργάσατο τὸ μέγιστον εἰσ σωτηρίαν πόλεωσ καὶ ὁμόνοιαν, μηδένα πένητα μηδὲ πλούσιον εἶναι τῶν πολιτῶν· σόλων δὲ τούτου μὲν οὐκ ἐφίκετο τῇ πολιτεία δημοτικὸσ ὢν καὶ μέσοσ, ἐνδεέστερον δὲ τῆσ ὑπαρχούσησ δυνάμεωσ οὐδὲν ἔπαξεν, ὁρμώμενοσ ἐκ μόνου τοῦ βούλεσθαι καὶ πιστεύειν αὐτῷ τοὺσ πολίτασ.
ὅτι δ’ οὖν προσέκρουσε τοῖσ πλείστοισ ἕτερα προσδοκήσασιν, αὐτὸσ εἴρηκε περὶ αὐτῶν, ὡσ χαῦνα μὲν τότ’ ἐφράσαντο, νῦν δέ μοι χολούμενοι λοξὸν ὀφθαλμοῖσ ὁρῶσι πάντεσ ὥστε δήϊον. καίτοι φησὶν ὡσ, εἴ τισ ἄλλοσ ἔσχε τὴν αὐτὴν δύναμιν, οὐκ ἂν κατέσχε δῆμον, οὐδ’ ἐπαύσατο, πρὶν ἀνταράξασ, πῖαρ ἐξεῖλεν γάλα. ταχὺ μέντοι τοῦ συμφέροντοσ αἰσθόμενοι καὶ τὰσ ἰδίασ αὑτῶν μέμψεισ ἀφέντεσ ἔθυσάν τε κοινῇ, σεισάχθειαν τὴν θυσίαν ὀνομάσαντεσ, καὶ τὸν Σόλωνα τῆσ πολιτείασ διορθωτὴν καὶ νομοθέτην ἀπέδειξαν, οὐ τὰ μέν, τὰ δ’ οὐχί, πάντα δ’ ὁμαλῶσ ἐπιτρέψαντεσ, ἀρχάσ, ἐκκλησίασ, δικαστήρια, βουλάσ, καί τίμημα τούτων ἑκάστου καὶ ἀριθμὸν καὶ καιρὸν ὁρίσαι, λύοντα καὶ φυλάττοντα τῶν ὑπαρχόντων καὶ καθεστώτων ὅ τι δοκοίη.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기