헬라어 문장 검색 - ΧενοπήΩορκσον́2́13́

(크세노폰, Works on Socrates, Οἰκονομικός, chapter 13)

ὅταν <δὲ> παραστήσῃσ τινί, ἔφην ἐγώ, τοῦτο καὶ πάνυ ἰσχυρῶσ, ὅτι δεῖ ἐπιμελεῖσθαι ὧν ἂν σὺ βούλῃ, ἦ ἱκανὸσ ἤδη ἔσται ὁ τοιοῦτοσ ἐπιτροπεύειν, ἤ τι καὶ ἄλλο προσμαθητέον αὐτῷ ἔσται, εἰ μέλλει ἐπίτροποσ ἱκανὸσ ἔσεσθαι; ναὶ μὰ Δί’, ἔφη ὁ Ἰσχόμαχοσ, ἔτι μέντοι λοιπὸν αὐτῷ ἐστι γνῶναι ὅ τι τε ποιητέον καὶ ὁπότε καὶ ὅπωσ, εἰ δὲ μή, τί μᾶλλον ἐπιτρόπου ἄνευ τούτων ὄφελοσ ἢ ἰατροῦ ὃσ ἐπιμελοῖτο μὲν κάμνοντόσ τινοσ πρῴ τε ἰὼν καὶ ὀψέ, ὅ τι δὲ συμφέρον τῷ κάμνοντι ποιεῖν εἰή, τοῦτο μὴ εἰδείη;

ἐάν γε μὴν καὶ τὰ ἔργα μάθῃ ὡσ ἔστιν ἐργαστέα, ἔτι τινόσ, ἔφην ἐγώ, προσδεήσεται, ἢ ἀποτετελεσμένοσ ἤδη οὗτόσ σοι ἔσται ἐπίτροποσ;

ἄρχειν γε, ἔφη, οἶμαι δεῖν αὐτὸν μαθεῖν τῶν ἐργαζομένων. ἦ οὖν, ἔφην ἐγώ, καὶ σὺ ἄρχειν ἱκανοὺσ εἶναι παιδεύεισ τοὺσ ἐπιτρόπουσ;

πειρῶμαί γε δή, ἔφη ὁ Ἰσχόμαχοσ. καὶ πῶσ δή, ἔφην ἐγώ, πρὸσ τῶν θεῶν τὸ ἀρχικοὺσ εἶναι ἀνθρώπων παιδεύεισ; φαύλωσ, ἔφη, πάνυ, ὦ Σώκρατεσ, ὥστε ἴσωσ ἂν καὶ καταγελάσαισ ἀκούων. οὐ μὲν δὴ ἄξιόν γ’, ἔφην ἐγώ, τὸ πρᾶγμα καταγέλωτοσ, ὦ Ἰσχόμαχε.

ὅστισ γάρ τοι ἀρχικοὺσ ἀνθρώπων δύναται ποιεῖν, δῆλον ὅτι οὗτοσ καὶ δεσποτικοὺσ ἀνθρώπων δύναται διδάσκειν, ὅστισ δὲ δεσποτικοὺσ δύναται ποιεῖν, καὶ βασιλικούσ. ὥστε οὐ καταγέλωτόσ μοι δοκεῖ ἄξιοσ εἶναι ἀλλ’ ἐπαίνου μεγάλου ὁ τοῦτο δυνάμενοσ ποιεῖν. οὐκοῦν, ἔφη, ὦ Σώκρατεσ, τὰ μὲν ἄλλα ζῷα ἐκ δυοῖν τούτοιν τὸ πείθεσθαι μανθάνουσιν, ἔκ τε τοῦ ὅταν ἀπειθεῖν ἐπιχειρῶσι κολάζεσθαι καὶ ἐκ τοῦ ὅταν προθύμωσ ὑπηρετῶσιν εὖ πάσχειν.

οἵ τε γοῦν πῶλοι μανθάνουσιν ὑπακούειν τοῖσ πωλοδάμναισ τῷ ὅταν μὲν πείθωνται τῶν ἡδέων τι αὐτοῖσ γίγνεσθαι, ὅταν δὲ ἀπειθῶσι πράγματα ἔχειν, ἔστ’ ἂν ὑπηρετήσωσι κατὰ γνώμην τῷ πωλοδάμνῃ·

καὶ τὰ κυνίδια δὲ πολὺ τῶν ἀνθρώπων καὶ τῇ γνώμῃ καὶ τῇ γλώττῃ ὑποδεέστερα ὄντα ὅμωσ καὶ περιτρέχειν καὶ κυβιστᾶν καὶ ἄλλα πολλὰ μανθάνει τῷ αὐτῷ τούτῳ τρόπῳ.

ὅταν μὲν γὰρ πείθηται, λαμβάνει τι ὧν δεῖται, ὅταν δὲ ἀμελῇ, κολάζεται. ἀνθρώπουσ δ’ ἔστι πιθανωτέρουσ ποιεῖν καὶ λόγῳ, ἐπιδεικνύοντα ὡσ συμφέρει αὐτοῖσ πείθεσθαι, τοῖσ δὲ δούλοισ καὶ ἡ δοκοῦσα θηριώδησ παιδεία εἶναι πάνυ ἐστὶν ἐπαγωγὸσ πρὸσ τὸ πείθεσθαι διδάσκειν·

τῇ γὰρ γαστρὶ αὐτῶν ἐπὶ ταῖσ ἐπιθυμίαισ προσχαριζόμενοσ ἂν πολλὰ ἁνύτοισ παρ’ αὐτῶν. αἱ δὲ φιλότιμοι τῶν φύσεων καὶ τῷ ἐπαίνῳ παροξύνονται. πεινῶσι γὰρ τοῦ ἐπαίνου οὐχ ἧττον ἔνιαι τῶν φύσεων ἢ ἄλλαι τῶν σίτων τε καὶ ποτῶν. ταῦτά τε οὖν, ὅσαπερ αὐτὸσ ποιῶν οἶμαι πιθανωτέροισ ἀνθρώποισ χρῆσθαι, διδάσκω οὓσ ἂν ἐπιτρόπουσ βούλωμαι καταστῆσαι καὶ τάδε συλλαμβάνω αὐτοῖσ·

ἱμάτιά τε γὰρ ἃ δεῖ παρέχειν ἐμὲ τοῖσ ἐργαστῆρσι καὶ ὑποδήματα οὐχ ὅμοια πάντα ποιῶ, ἀλλὰ τὰ μὲν χείρω, τὰ δὲ βελτίω, ἵνα ᾖ τὸν κρείττω τοῖσ βελτίοσι τιμᾶν, τῷ δὲ χείρονι τὰ ἥττω διδόναι. πάνυ γάρ μοι δοκεῖ, ἔφη, ὦ Σώκρατεσ, ἀθυμία ἐγγίγνεσθαι τοῖσ ἀγαθοῖσ, ὅταν ὁρῶσι τὰ μὲν ἔργα δι’ αὑτῶν καταπραττόμενα, τῶν δὲ ὁμοίων τυγχάνοντασ ἑαυτοῖσ τοὺσ μήτε πονεῖν μήτε κινδυνεύειν ἐθέλοντασ, ὅταν δέῃ.

αὐτόσ τε οὖν οὐδ’ ὁπωστιοῦν τῶν ἴσων ἀξιῶ τοὺσ ἀμείνουσ τοῖσ κακίοσι τυγχάνειν, τούσ τε ἐπιτρόπουσ, ὅταν μὲν εἰδῶ διαδεδωκότασ τοῖσ πλείστου ἀξίοισ τὰ κράτιστα, ἐπαινῶ, ἂν δὲ ἴδω ἢ κολακεύμασί τινα προτιμώμενον ἢ καὶ ἄλλῃ τινὶ ἀνωφελεῖ χάριτι, οὐκ ἀμελῶ, ἀλλ’ ἐπιπλήττω καὶ πειρῶμαι διδάσκειν, ὦ Σώκρατεσ, ὅτι οὐδ’ αὑτῷ σύμφορα ταῦτα ποιεῖ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Works on Socrates, Οἰκονομικός, chapter 13

(크세노폰, Works on Socrates, Οἰκονομικός, chapter 13)

상위

목록

SEARCH

MENU NAVIGATION