Xenophon, Works on Socrates, Οἰκονομικός, chapter 7 3:

οὐδὲ ἄν γε νῦν, ἔφη ὁ Ἰσχόμαχοσ, ὦ Σώκρατεσ, ἑώρασ, εἰ μὴ ξένουσ τινὰσ συνεθέμην ἀναμένειν ἐνθάδε. ὅταν δὲ μὴ πράττῃσ τι τοιοῦτον, πρὸσ τῶν θεῶν, ἔφην ἐγώ, ποῦ διατρίβεισ καὶ τί ποιεῖσ; ἐγὼ γάρ τοι πάνυ βούλομαί σου πυθέσθαι τί ποτε πράττων καλὸσ κἀγαθὸσ κέκλησαι, ἐπεὶ οὐκ ἔνδον γε διατρίβεισ οὐδὲ τοιαύτη σου ἡ ἕξισ τοῦ σώματοσ καταφαίνεται.