헬라어 문장 검색 - ΧενοπήΗελλενί4́6́

(크세노폰, Hellenica, Ἑλληνικῶν Δ, chapter 6)

μετὰ δὲ τοῦτο οἱ Ἀχαιοὶ ἔχοντεσ Καλυδῶνα, ἣ τὸ παλαιὸν Αἰτωλίασ ἦν, καὶ πολίτασ πεποιημένοι τοὺσ Καλυδωνίουσ, φρουρεῖν ἠναγκάζοντο ἐν αὐτῇ. οἱ γὰρ Ἀκαρνᾶνεσ ἐπεστράτευον, καὶ τῶν Ἀθηναίων δὲ καὶ Βοιωτῶν συμπαρῆσάν τινεσ αὐτοῖσ διὰ τὸ συμμάχουσ εἶναι. πιεζόμενοι οὖν ὑπ’ αὐτῶν οἱ Ἀχαιοὶ πρέσβεισ πέμπουσιν εἰσ τὴν Λακεδαίμονα. οἱ δ’ ἐλθόντεσ ἔλεγον ὅτι οὐ δίκαια πάσχοιεν ὑπὸ τῶν Λακεδαιμονίων. Ἡμεῖσ μὲν γάρ, ἔφασαν, ὑμῖν, ὦ ἄνδρεσ, ὅπωσ ἂν ὑμεῖσ παραγγέλλητε συστρατευόμεθα καὶ ἑπόμεθα ὅποι ἂν ἡγῆσθε·

ὑμεῖσ δὲ πολιορκουμένων ἡμῶν ὑπὸ Ἀκαρνάνων καὶ τῶν συμμάχων αὐτοῖσ Ἀθηναίων καὶ Βοιωτῶν οὐδεμίαν ἐπιμέλειαν ποιεῖσθε. οὐκ ἂν οὖν δυναίμεθα ἡμεῖσ τούτων οὕτω γιγνομένων ἀντέχειν, ἀλλ’ ἢ ἐάσαντεσ τὸν ἐν Πελοποννήσῳ πόλεμον διαβάντεσ πάντεσ πολεμήσομεν Ἀκαρνᾶσί τε καὶ τοῖσ συμμάχοισ αὐτῶν, ἢ εἰρήνην ποιησόμεθα ὁποίαν ἄν τινα δυνώμεθα. ταῦτα δ’ ἔλεγον ὑπαπειλοῦντεσ τοῖσ Λακεδαιμονίοισ ἀπαλλαγήσεσθαι τῆσ συμμαχίασ, εἰ μὴ αὐτοῖσ ἀντεπικουρήσουσι.

τούτων δὲ λεγομένων ἔδοξε τοῖσ τ’ ἐφόροισ καὶ τῇ ἐκκλησίᾳ ἀναγκαῖον εἶναι στρατεύεσθαι μετὰ τῶν Ἀχαιῶν ἐπὶ τοὺσ Ἀκαρνᾶνασ. καὶ ἐκπέμπουσιν Ἀγησίλαον, δύο μόρασ ἔχοντα καὶ τῶν συμμάχων τὸ μέροσ. οἱ μέντοι Ἀχαιοὶ πανδημεὶ συνεστρατεύοντο. ἐπεὶ δὲ διέβη ὁ Ἀγησίλαοσ, πάντεσ μὲν οἱ ἐκ τῶν ἀγρῶν Ἀκαρνᾶνεσ ἔφυγον εἰσ τὰ ἄστη, πάντα δὲ τὰ βοσκήματα ἀπεχώρησε πόρρω, ὅπωσ μὴ ἁλίσκηται ὑπὸ τοῦ στρατεύματοσ.

ὁ δ’ Ἀγησίλαοσ ἐπειδὴ ἐγένετο ἐν τοῖσ ὁρίοισ τῆσ πολεμίασ, πέμψασ εἰσ Στράτον πρὸσ τὸ κοινὸν τῶν Ἀκαρνάνων εἶπεν ὡσ, εἰ μὴ παυσάμενοι τῆσ πρὸσ Βοιωτοὺσ καὶ Ἀθηναίουσ συμμαχίασ ἑαυτοὺσ καὶ τοὺσ συμμάχουσ αἱρήσονται, δῃώσει πᾶσαν τὴν γῆν αὐτῶν ἐφεξῆσ καὶ παραλείψει οὐδέν. ἐπεὶ δὲ οὐκ ἐπείθοντο, οὕτωσ ἐποίει, καὶ κόπτων συνεχῶσ τὴν χώραν οὐ προῄει πλέον τῆσ ἡμέρασ ἢ δέκα ἢ δώδεκα σταδίων.

οἱ μὲν οὖν Ἀκαρνᾶνεσ, ἡγησάμενοι ἀσφαλὲσ εἶναι διὰ τὴν βραδυτῆτα τοῦ στρατεύματοσ, τά τε βοσκήματα κατεβίβαζον ἐκ τῶν ὀρῶν καὶ τῆσ χώρασ τὰ πλεῖστα εἰργάζοντο. ἐπεὶ δὲ ἐδόκουν τῷ Ἀγησιλάῳ πάνυ ἤδη θαρρεῖν, ἡμέρᾳ πέμπτῃ ἢ ἕκτῃ καὶ δεκάτῃ ἀφ’ ἧσ εἰσέβαλε, θυσάμενοσ πρῲ διεπορεύθη πρὸ δείλησ ἑξήκοντα καὶ ἑκατὸν στάδια ἐπὶ τὴν λίμνην περὶ ἣν τὰ βοσκήματα τῶν Ἀκαρνάνων σχεδὸν πάντα ἦν, καὶ ἔλαβε παμπλήθη καὶ βουκόλια καὶ ἱπποφόρβια καὶ ἄλλα παντοδαπὰ βοσκήματα καὶ ἀνδράποδα πολλά.

λαβὼν δὲ καὶ μείνασ αὐτοῦ τὴν ἐπιοῦσαν ἡμέραν διεπώλει τὰ αἰχμάλωτα. τῶν μέντοι Ἀκαρνάνων πολλοὶ πελτασταὶ ἦλθον, καὶ πρὸσ τῷ ὄρει σκηνοῦντοσ τοῦ Ἀγησιλάου βάλλοντεσ καὶ σφενδονῶντεσ ἀπὸ τῆσ ἀκρωνυχίασ τοῦ ὄρουσ ἔπασχον μὲν οὐδέν, κατεβίβασαν δὲ εἰσ τὸ ὁμαλὲσ τὸ στρατόπεδον, καίπερ ἤδη περὶ δεῖπνον παρασκευαζόμενον.

εἰσ δὲ τὴν νύκτα οἱ μὲν Ἀκαρνᾶνεσ ἀπῆλθον, οἱ δὲ στρατιῶται φυλακὰσ καταστησάμενοι ἐκάθευδον. τῇ δ’ ὑστεραίᾳ ἀπῆγεν ὁ Ἀγησίλαοσ τὸ στράτευμα.

καὶ ἦν μὲν ἡ ἔξοδοσ ἐκ τοῦ περὶ τὴν λίμνην λειμῶνόσ τε καὶ πεδίου στενὴ διὰ τὰ κύκλῳ περιέχοντα ὄρη· καταλαβόντεσ δὲ οἱ Ἀκαρνᾶνεσ ἐκ τῶν ὑπερδεξίων ἔβαλλόν τε καὶ ἠκόντιζον, καὶ ὑποκαταβαίνοντεσ εἰσ τὰ κράσπεδα τῶν ὀρῶν προσέκειντο καὶ πράγματα παρεῖχον, ὥστε οὐκέτι ἐδύνατο τὸ στράτευμα πορεύεσθαι. ἐπιδιώκοντεσ δὲ ἀπὸ τῆσ φάλαγγοσ οἵ τε ὁπλῖται καὶ οἱ ἱππεῖσ τοὺσ ἐπιτιθεμένουσ οὐδὲν ἔβλαπτον·

ταχὺ γὰρ ἦσαν, ὁπότε ἀποχωροῖεν, πρὸσ τοῖσ ἰσχυροῖσ οἱ Ἀκαρνᾶνεσ. χαλεπὸν δ’ ἡγησάμενοσ ὁ Ἀγησίλαοσ διὰ τοῦ στενοπόρου ἐξελθεῖν ταῦτα πάσχοντασ, ἔγνω διώκειν τοὺσ ἐκ τῶν εὐωνύμων προσκειμένουσ, μάλα πολλοὺσ ὄντασ· εὐβατώτερον γὰρ ἦν τοῦτο τὸ ὄροσ καὶ ὁπλίταισ καὶ ἵπποισ. καὶ ἐν ᾧ μὲν ἐσφαγιάζετο, μάλα κατεῖχον βάλλοντεσ καὶ ἀκοντίζοντεσ οἱ Ἀκαρνᾶνεσ, καὶ ἐγγὺσ προσιόντεσ πολλοὺσ ἐτίτρωσκον.

ἐπεὶ δὲ παρήγγειλεν, ἔθει μὲν ἐκ τῶν ὁπλιτῶν τὰ πεντεκαίδεκα ἀφ’ ἥβησ, ἤλαυνον δὲ οἱ ἱππεῖσ, αὐτὸσ δὲ σὺν τοῖσ ἄλλοισ ἠκολούθει. οἱ μὲν οὖν ὑποκαταβεβηκότεσ τῶν Ἀκαρνάνων καὶ ἀκροβολιζόμενοι ταχὺ ἐνέκλιναν καὶ ἀπέθνῃσκον φεύγοντεσ πρὸσ τὸ ἄναντεσ·

ἐπὶ μέντοι τοῦ ἀκροτάτου οἱ ὁπλῖται ἦσαν τῶν Ἀκαρνάνων παρατεταγμένοι καὶ τῶν πελταστῶν τὸ πολύ, καὶ ἐνταῦθα ἐπέμενον, καὶ τά τε ἄλλα βέλη ἠφίεσαν καὶ τοῖσ δόρασιν ἐξακοντίζοντεσ ἱππέασ τε κατέτρωσαν καὶ ἵππουσ τινὰσ ἀπέκτειναν. ἐπεὶ μέντοι μικροῦ ἔδεον ἤδη ἐν χερσὶ τῶν Λακεδαιμονίων ὁπλιτῶν εἶναι, ἐνέκλιναν, καὶ ἀπέθανον αὐτῶν ἐν ἐκείνῃ τῇ ἡμέρᾳ περὶ τριακοσίουσ. τούτων δὲ γενομένων ὁ Ἀγησίλαοσ τροπαῖον ἐστήσατο.

καὶ τὸ ἀπὸ τούτου περιιὼν κατὰ τὴν χώραν ἔκοπτε καὶ ἔκαε· πρὸσ ἐνίασ δὲ τῶν πόλεων καὶ προσέβαλλεν, ὑπὸ τῶν Ἀχαιῶν ἀναγκαζόμενοσ, οὐ μὴν εἷλέ γε οὐδεμίαν. ἡνίκα δὲ ἤδη ἐπεγίγνετο τὸ μετόπωρον, ἀπῄει ἐκ τῆσ χώρασ. οἱ δὲ Ἀχαιοὶ πεποιηκέναι τε οὐδὲν ἐνόμιζον αὐτόν, ὅτι πόλιν οὐδεμίαν προσειλήφει οὔτε ἑκοῦσαν οὔτε ἄκουσαν, ἐδέοντό τε, εἰ μή τι ἄλλο, ἀλλὰ τοσοῦτόν γε χρόνον καταμεῖναι αὐτόν, ἑώσ ἂν τὸν σπορητὸν διακωλύσῃ τοῖσ Ἀκαρνᾶσιν.

ὁ δὲ ἀπεκρίνατο ὅτι τὰ ἐναντία λέγοιεν τοῦ συμφέροντοσ. ἐγὼ μὲν γάρ, ἔφη, στρατεύομαι πάλιν δεῦρο εἰσ τὸ ἐπιὸν θέροσ· οὗτοι δὲ ὅσῳ ἂν πλείω σπείρωσι, τοσούτῳ μᾶλλον τῆσ εἰρήνησ ἐπιθυμήσουσι. ταῦτα δ’ εἰπὼν ἀπῄει πεζῇ δι’ Αἰτωλίασ τοιαύτασ ὁδοὺσ ἃσ οὔτε πολλοὶ οὔτε ὀλίγοι δύναιντ’ ἂν ἀκόντων Αἰτωλῶν πορεύεσθαι·

ἐκεῖνον μέντοι εἰάσαν διελθεῖν· ἤλπιζον γὰρ Ναύπακτον αὐτοῖσ συμπράξειν ὥστ’ ἀπολαβεῖν. ἐπειδὴ δὲ ἐγένετο κατὰ τὸ Ῥίον, ταύτῃ διαβὰσ οἴκαδε ἀπῆλθε· καὶ γὰρ τὸν ἐκ Καλυδῶνοσ ἔκπλουν εἰσ Πελοπόννησον οἱ Ἀθηναῖοι ἐκώλυον τριήρεσιν ὁρμώμενοι ἐξ Οἰνιαδῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Hellenica, Ἑλληνικῶν Δ, chapter 6

(크세노폰, Hellenica, Ἑλληνικῶν Δ, chapter 6)

상위

목록

SEARCH

MENU NAVIGATION