헬라어 문장 검색 - ΠολψβίΗιστορί21́046́

(폴리비오스, Histories, book 21, chapter 43)

Ἦν δὲ τοιαύτη τισ ἡ τῶν κατὰ μέροσ διάταξισ· φιλίαν ὑπάρχειν Ἀντιόχῳ καὶ Ῥωμαίοισ εἰσ ἅπαντα τὸν χρόνον ποιοῦντι τὰ κατὰ τὰσ συνθήκασ. μὴ διιέναι βασιλέα Ἀντίοχον καὶ τοὺσ ὑποταττομένουσ διὰ τῆσ αὑτῶν χώρασ ἐπὶ Ῥωμαίουσ καὶ τοὺσ συμμάχουσ πολεμίουσ μηδὲ χορηγεῖν αὐτοῖσ μηδέν·

ὁμοίωσ δὲ καὶ Ῥωμαίουσ καὶ τοὺσ συμμάχουσ ἐπ’ Ἀντίοχον καὶ τοὺσ ὑπ’ ἐκεῖνον ταττομένουσ.

μὴ πολεμῆσαι δὲ Ἀντίοχον τοῖσ ἐπὶ ταῖσ νήσοισ μηδὲ τοῖσ κατὰ τὴν Εὐρώπην.

ἐκχωρείτω δὲ πόλεων καὶ χώρασ .

μὴ ἐξαγέτω μηδὲν πλὴν τῶν ὅπλων ὧν φέρουσιν οἱ στρατιῶται· εἰ δέ τι τυγχάνουσιν ἀπενηνεγμένοι, καθιστάτωσαν πάλιν εἰσ τὰσ αὐτὰσ πόλεισ.

μηδ’ ὑποδεχέσθωσαν τοὺσ ἐκ τῆσ Εὐμένουσ τοῦ βασιλέωσ μήτε στρατιώτασ μήτ’ ἄλλον μηδένα.

εἰ δέ τινεσ ἐξ ὧν ἀπολαμβάνουσιν οἱ Ῥωμαῖοι πόλεων μετὰ δυνάμεώσ εἰσιν Ἀντιόχου, τούτουσ εἰσ Ἀπάμειαν ἀποκαταστησάτωσαν.

τοῖσ δὲ Ῥωμαίοισ καὶ τοῖσ συμμάχοισ εἴ τινεσ εἰε͂ν ἐκ τῆσ Ἀντιόχου βασιλείασ, εἶναι τὴν ἐξουσίαν καὶ μένειν, εἰ βούλονται, καὶ ἀποτρέχειν.

τοὺσ δὲ δούλουσ Ῥωμαίων καὶ τῶν συμμάχων ἀποδότω Ἀντίοχοσ καὶ οἱ ὑπ’ αὐτὸν ταττόμενοι, καὶ τοὺσ ἁλόντασ καὶ τοὺσ αὐτομολήσαντασ, καὶ εἴ τινα αἰχμάλωτόν ποθεν εἰλήφασιν.

καὶ τοὺσ ἐλέφαντασ τοὺσ ἐν Ἀπαμείᾳ πάντασ, καὶ μηκέτι ἄλλουσ ἐχέτω.

ἀποδότω δὲ καὶ τὰσ ναῦσ τὰσ μακρὰσ καὶ τὰ ἐκ τούτων ἄρμενα καὶ τὰ σκεύη, καὶ μηκέτι ἐχέτω πλὴν δέκα καταφράκτων·

μηδὲ λέμβον πλείοσι τριάκοντα κωπῶν ἐχέτω ἐλαυνόμενον, μηδὲ μονήρη πολέμου ἕνεκεν, οὗ αὐτὸσ κατάρχει. μηδὲ πλείτωσαν ἐπὶ τάδε τοῦ Καλυκάδνου καὶ Σαρπηδονίου ἀκρωτηρίου, εἰ μὴ φόρουσ ἢ πρέσβεισ ἢ ὁμήρουσ ἄγοιεν.

μὴ ἐξέστω δὲ Ἀντιόχῳ μηδὲ ξενολογεῖν ἐκ τῆσ ὑπὸ Ῥωμαίουσ ταττομένησ μηδ’ ὑποδέχεσθαι τοὺσ φεύγοντασ.

ὅσαι δὲ οἰκίαι Ῥοδίων ἢ τῶν συμμάχων ἦσαν ἐν τῇ ὑπὸ βασιλέα Ἀντίοχον ταττομένῃ ταύτασ εἶναι Ῥοδίων, ὡσ καὶ πρὸ τοῦ τὸν πόλεμον ἐξενεγκεῖν.

καὶ εἴ τι χρῆμα ὀφείλετ’ αὐτοῖσ, ὁμοίωσ ἔστω πράξιμον·

καὶ εἴ τι ἀπελήφθη ἀπ’ αὐτῶν, ἀναζητηθὲν ἀποδοθήτω. ἀτελῆ δὲ ὁμοίωσ ὡσ καὶ πρὸ τοῦ πολέμου τὰ πρὸσ τοὺσ Ῥοδίουσ ὑπαρχέτω. εἰ δέ τινασ τῶν πόλεων, ἃσ ἀποδοῦναι δεῖ Ἀντίοχον, ἑτέροισ δέδωκεν Ἀντίοχοσ, ἐξαγέτω καὶ ἐκ τούτων τὰσ φρουρὰσ καὶ τοὺσ ἄνδρασ. ἐὰν δέ τινεσ ὕστερον ἀποτρέχειν βούλωνται, μὴ προσδεχέσθω.

ἀργυρίου δὲ δότω Ἀντίοχοσ Ἀττικοῦ Ῥωμαίοισ ἀρίστου τάλαντα μύρια δισχίλια ἐν ἔτεσι δώδεκα, διδοὺσ καθ’ ἕκαστον ἔτοσ χίλια·

μὴ ἔλαττον δ’ ἑλκέτω τὸ τάλαντον λιτρῶν Ῥωμαϊκῶν ὀγδοήκοντα· καὶ μοδίουσ σίτου πεντηκοντακισμυρίουσ καὶ τετρακισμυρίουσ. δότω δὲ Εὐμένει τῷ βασιλεῖ τάλαντα τριακόσια πεντήκοντα ἐν ἔτεσι τοῖσ πρώτοισ πέντε, ἑβδομήκοντα κατὰ τὸ ἔτοσ, τῷ ἐπιβαλλομένῳ καιρῷ, ᾧ καὶ τοῖσ Ῥωμαίοισ ἀποδίδωσι, καὶ τοῦ σίτου, καθὼσ ἐτίμησεν ὁ βασιλεὺσ Ἀντίοχοσ, τάλαντα ἑκατὸν εἴκοσιν ἑπτὰ καὶ δραχμὰσ χιλίασ διακοσίασ ὀκτώ·

ἃ συνεχώρησεν Εὐμένησ λαβεῖν, γάζαν εὐαρεστουμένην ἑαυτῷ.

ὁμήρουσ δὲ εἴκοσι διδότω Ἀντίοχοσ, δι’ ἐτῶν τριῶν ἄλλουσ ἀνταποστέλλων, μὴ νεωτέρουσ ἐτῶν ὀκτωκαίδεκα μηδὲ πρεσβυτέρουσ τετταράκοντα πέντε.

ἐὰν δέ τι διαφωνήσῃ τῶν ἀποδιδομένων χρημάτων, τῷ ἐχομένῳ ἔτει ἀποδότωσαν.

ἂν δέ τινεσ τῶν πόλεων ἢ τῶν ἐθνῶν, πρὸσ ἃ γέγραπται μὴ πολεμεῖν Ἀντίοχον, πρότεροι ἐκφέρωσι πόλεμον, ἐξέστω πολεμεῖν Ἀντιόχῳ.

τῶν δὲ ἐθνῶν καὶ πόλεων τούτων μὴ ἐχέτω τὴν κυρίαν αὐτὸσ μηδ’ εἰσ φιλίαν προσαγέσθω.

περὶ δὲ τῶν ἀδικημάτων τῶν πρὸσ ἀλλήλουσ γινομένων εἰσ κρίσιν προκαλείσθωσαν.

ἐὰν δέ τι θέλωσι πρὸσ τὰσ συνθήκασ ἀμφότεροι κοινῷ δόγματι προστεθῆναι ἢ ἀφαιρεθῆναι ἀπ’ αὐτῶν, ἐξέστω.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 21, chapter 43

(폴리비오스, Histories, book 21, chapter 43)

상위

목록

SEARCH

MENU NAVIGATION