헬라어 문장 검색 - ΠολψβίΗιστορί08́038́

(폴리비오스, Histories, book 8, chapter 35)

Ὅτι Τιβέριοσ ὁ Ῥωμαίων στρατηγὸσ λόχῳ ἐνεδρευθεὶσ καὶ γενναίωσ ὑποστὰσ σὺν τοῖσ περὶ αὑτὸν τὸν βίον κατέστρεψεν. περὶ δὲ τῶν τοιούτων περιπετειῶν, πότερα χρὴ τοῖσ πάσχουσιν ἐπιτιμᾶν ἢ συγγνώμην ἔχειν, καθόλου μὲν οὐκ ἀσφαλὲσ ἀποφήνασθαι διὰ τὸ καὶ πλείουσ τὰ κατὰ λόγον πάντα πράξαντασ, ὅμωσ ὑποχειρίουσ γεγονέναι τοῖσ ἑτοίμωσ τὰ παρ’ ἀνθρώποισ ὡρισμένα δίκαια παραβαίνουσιν· οὐ μὴν οὐδ’ αὐτόθεν ἀποστατέον τῆσ ἀποφάσεωσ ἀργῶσ, ἀλλὰ βλέποντα πρὸσ τοὺσ καιροὺσ καὶ τὰσ περιστάσεισ οἷσ μὲν ἐπιτιμητέον τῶν ἡγεμόνων, οἷσ δὲ συγγνώμην δοτέον.

ἔσται δὲ τὸ λεγόμενον δῆλον ἐκ τούτων. Ἀρχίδαμοσ ὁ τῶν Λακεδαιμονίων βασιλεὺσ ὑπιδόμενοσ τὴν Κλεομένουσ φιλαρχίαν ἔφυγεν ἐκ τῆσ Σπάρτησ, μετ’ οὐ πολὺ δὲ πάλιν πεισθεὶσ ἐνεχείρισεν αὑτὸν τῷ προειρημένῳ.

τοιγαροῦν ἅμα τῆσ ἀρχῆσ καὶ τοῦ βίου στερηθεὶσ οὐδ’ ἀπολογίαν αὑτῷ κατέλιπε πρὸσ τοὺσ ἐπιγινομένουσ·

τῆσ γὰρ ὑποθέσεωσ τῆσ αὐτῆσ μενούσησ, τῆσ δὲ Κλεομένουσ φιλαρχίασ καὶ δυναστείασ ἐπηυξημένησ, ὁ τούτοισ ἐγχειρίσασ αὑτὸν οὓσ φυγὼν πρότερον ἔτυχε παραδόξωσ τῆσ σωτηρίασ, πῶσ οὐκ εὐλόγωσ ἔμελλε τοῖσ προειρημένοισ ἐγκυρήσειν;

καὶ παρὼν εἰσ Θετταλίαν πολέμιοσ ἐπὶ καταλύσει τῆσ Ἀλεξάνδρου μοναρχίασ πρεσβεύειν πρὸσ τοῦτον ὑπέμεινε δεύτερον.

τοιγαροῦν γενόμενοσ ὑποχείριοσ τοῖσ ἐχθροῖσ ἔβλαψε μὲν Θηβαίουσ μεγάλα, κατέλυσε δὲ τὴν αὑτῷ προγεγενημένην δόξαν, εἰκῇ καὶ ἀκρίτωσ πιστεύσασ οἷσ ἥκιστ’ ἐχρῆν.

παραπλήσια δὲ τούτοισ καὶ Γνάϊοσ ὁ Ῥωμαίων στρατηγὸσ ἔπαθε κατὰ τὸν Σικελικὸν πόλεμον, ἀλόγωσ αὑτὸν ἐγχειρίσασ τοῖσ πολεμίοισ·

ὁμοίωσ δὲ καὶ πλείουσ ἕτεροι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 8, chapter 35

(폴리비오스, Histories, book 8, chapter 35)

상위

목록

SEARCH

MENU NAVIGATION