헬라어 문장 검색 - ΠολψβίΗιστορί08́033́

(폴리비오스, Histories, book 8, chapter 30)

προχωρεῖν τὴν πρᾶξιν εἴχετο τῶν προκειμένων. ἀπομερίσασ δὲ τῶν Κελτῶν εἰσ δισχιλίουσ, καὶ διελὼν εἰσ τρία μέρη τούτουσ, συνέστησε τῶν νεανίσκων δύο πρὸσ ἕκαστον μέροσ τῶν χειριζόντων τὴν πρᾶξιν. ἀκολούθωσ δὲ καὶ τῶν παρ’ αὑτοῦ τινασ ἡγεμόνων συνεξαπέστειλε, προστάξασ διαλαβεῖν τῶν εἰσ τὴν ἀγορὰν φερουσῶν ὁδῶν τὰσ εὐκαιροτάτασ.

ὅταν δὲ τοῦτο πράξωσι, τοῖσ μὲν ἐγχωρίοισ νεανίσκοισ ἐξαιρεῖσθαι παρήγγειλε καὶ σῴζειν τοὺσ ἐντυγχάνοντασ τῶν πολιτῶν, ἀναβοῶντασ ἐκ πολλοῦ μένειν κατὰ χώραν Ταραντίνουσ, ὡσ ὑπαρχούσησ αὐτοῖσ τῆσ ἀσφαλείασ, τοῖσ δὲ παρὰ τῶν Καρχηδονίων καὶ τῶν Κελτῶν ἡγεμόσι κτείνειν διεκελεύσατο τοὺσ ἐντυγχάνοντασ τῶν Ῥωμαίων.

οὗτοι μὲν οὖν χωρισθέντεσ ἀλλήλων ἔπραττον μετὰ ταῦτα τὸ προσταχθέν.

τῆσ δὲ τῶν πολεμίων εἰσόδου καταφανοῦσ ἤδη γενομένησ τοῖσ Ταραντίνοισ, πλήρησ ἡ πόλισ κραυγῆσ ἐγίνετο καὶ ταραχῆσ παρηλλαγμένησ.

ὁ μὲν οὖν Γάϊοσ, προσπεσούσησ αὐτῷ τῆσ εἰσόδου τῶν πολεμίων, συννοήσασ ἀδύνατον αὑτὸν ὄντα διὰ τὴν μέθην, εὐθέωσ ἐξελθὼν ἐκ τῆσ οἰκίασ μετὰ τῶν οἰκετῶν καὶ παραγενόμενοσ ἐπὶ τὴν πύλην τὴν φέρουσαν ἐπὶ τὸν λιμένα, καὶ μετὰ ταῦτα τοῦ φύλακοσ ἀνοίξαντοσ αὐτῷ τὴν ῥινοπύλην, διαδὺσ ταύτῃ καὶ λαβόμενοσ ἀκατίου τῶν ὁρμούντων, ἐμβὰσ μετὰ τῶν οἰκετῶν εἰσ τὴν ἄκραν παρεκομίσθη.

κατὰ δὲ τὸν καιρὸν τοῦτον οἱ περὶ τὸν Φιλήμενον, ἡτοιμασμένοι σάλπιγγασ Ῥωμαϊκὰσ καί τινασ τῶν αὐταῖσ χρῆσθαι δυναμένων διὰ τὴν συνήθειαν, στάντεσ ἐπὶ τὸ θέατρον ἐσήμαινον.

τῶν δὲ Ῥωμαίων βοηθούντων ἐν τοῖσ ὅπλοισ κατὰ τὸν ἐθισμὸν εἰσ τὴν ἄκραν, ἐχώρει τὸ πρᾶγμα κατὰ τὴν πρόθεσιν τοῖσ Καρχηδονίοισ·

παραγενόμενοι γὰρ ταῖσ πλατείαισ ἀτάκτωσ καὶ σποράδην οἱ μὲν εἰσ τοὺσ Καρχηδονίουσ ἐνέπιπτον, οἱ δ’ εἰσ τοὺσ Κελτούσ·

καὶ δὴ τῷ τοιούτῳ τρόπῳ φονευομένων αὐτῶν πολύ τι πλῆθοσ διεφθάρη. Τῆσ δ’ ἡμέρασ ἐπιφαινομένησ οἱ μὲν Ταραντῖνοι τὴν ἡσυχίαν εἶχον κατὰ τὰσ οἰκήσεισ, οὐδέπω δυνάμενοι τάξασθαι τὸ συμβαῖνον.

διὰ μὲν γὰρ τὴν σάλπιγγα καὶ τὸ μηδὲν ἀδίκημα γίνεσθαι μηδ’ ἁρπαγὴν κατὰ τὴν πόλιν, ἔδοξαν ἐξ αὐτῶν τῶν Ῥωμαίων εἶναι τὸ κίνημα.

τὸ δὲ πολλοὺσ αὐτῶν ὁρᾶν πεφονευμένουσ ἐν ταῖσ πλατείαισ, καί τινασ τῶν Γαλατῶν θεωρεῖσθαι σκυλεύοντασ τοὺσ τῶν Ῥωμαίων νεκρούσ, ὑπέτρεχέ τισ ἔννοια τῆσ τῶν Καρχηδονίων παρουσίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 8, chapter 30

(폴리비오스, Histories, book 8, chapter 30)

상위

목록

SEARCH

MENU NAVIGATION