헬라어 문장 검색 - ΠολψβίΗιστορί08́032́

(폴리비오스, Histories, book 8, chapter 29)

Γενομένησ δὲ τῆσ εἰσόδου κατὰ τὴν πρόθεσιν ἀσφαλοῦσ καὶ τελέωσ ἀθορύβου, δόξαντεσ ἠνύσθαι σφίσι τὸ πλεῖστον τῆσ ἐπιβολῆσ, λοιπὸν αὐτοὶ μὲν εὐθαρσῶσ ἤδη προῆγον ἐπὶ τὴν ἀγορὰν κατὰ τὴν πλατεῖαν τὴν ἀπὸ τῆσ Βαθείασ ἀναφέρουσαν· τούσ γε μὴν ἱππεῖσ ἀπέλειπον ἐκτὸσ τοῦ τείχουσ, ὄντασ οὐκ ἐλάττουσ δισχιλίων, θέλοντεσ ἐφεδρείαν αὑτοῖσ ὑπάρχειν ταύτην πρόσ τε τὰσ ἔξωθεν ἐπιφανείασ καὶ πρὸσ τὰ παράλογα τῶν ἐν ταῖσ τοιαύταισ ἐπιβολαῖσ συμβαινόντων.

ἐγγίσαντεσ δὲ τοῖσ περὶ τὴν ἀγορὰν τόποισ τὴν μὲν δύναμιν ἐπέστησαν κατὰ πορείαν, αὐτοὶ δὲ καὶ τὸν Φιλήμενον ἐκαραδόκουν, δεδιότεσ πῶσ σφίσι προχωρήσει καὶ τοῦτο τὸ μέροσ τῆσ ἐπιβολῆσ.

ὅτε γὰρ ἀνάψαντεσ τὸ πῦρ ἔμελλον πρὸσ τὰσ πύλασ ὁρμᾶν, τότε καὶ τὸν Φιλήμενον, ἔχοντα τὸν ὗν ἐν φερέτρῳ καὶ Λίβυασ ὡσ εἰ χιλίουσ ἐξαπέστειλαν ἐπὶ τὴν παρακειμένην πύλην, βουλόμενοι κατὰ τὴν ἐξ ἀρχῆσ πρόθεσιν μὴ ψιλῶσ ἐκ μιᾶσ ἐλπίδοσ ἐξηρτῆσθαι τὴν ἐπιβολὴν αὐτῶν, ἀλλ’ ἐκ πλειόνων.

ὁ δὲ προειρημένοσ ἐγγίσασ τῷ τείχει κατὰ τὸν ἐθισμὸν ἐπεὶ προσεσύριξε, παρῆν ὁ φύλαξ εὐθέωσ καταβαίνων πρὸσ τὴν ῥινοπύλην.

τοῦ δ’ εἰπόντοσ ἔξωθεν ἀνοίγειν ταχέωσ, ὅτι βαρύνονται·

φέρουσι γὰρ ὗν ἄγριον· ἀσμένωσ ἀκούσασ ὁ φύλαξ ἀνέῳξε μετὰ σπουδῆσ, ἐλπίζων καὶ πρὸσ αὑτόν τι διατείνειν τὴν εὐαγρίαν τῶν περὶ τὸν Φιλήμενον διὰ τὸ μερίτην ἀεὶ γίνεσθαι τῶν εἰσφερομένων. αὐτὸσ μὲν οὖν ὁ προειρημένοσ τὴν πρώτην ἔχων χώραν τοῦ φορήματοσ εἰσῆλθε, καὶ σὺν αὐτῷ νομαδικὴν ἔχων διασκευὴν ἕτεροσ, ὡσ εἷσ τισ ὢν τῶν ἀπὸ τῆσ χώρασ, μετὰ δὲ τοῦτον ἄλλοι δύο πάλιν οἱ φέροντεσ ἐκ τῶν ὄπισθεν τὸ θηρίον.

ἐπεὶ δὲ τέτταρεσ ὄντεσ ἐντὸσ ἐγένοντο τῆσ ῥινοπύλησ, τὸν μὲν ἀνοίξαντα θεώμενον ἀκάκωσ καὶ ψηλαφῶντα τὸν ὗν αὐτοῦ πατάξαντεσ ἀπέκτειναν, τοὺσ δ’ ἑπομένουσ μὲν αὑτοῖσ, προηγουμένουσ δὲ τῶν ἄλλων, Λίβυασ, ὄντασ εἰσ τριάκοντα, σχολῇ καὶ μεθ’ ἡσυχίασ παρῆκαν διὰ τῆσ πυλίδοσ.

γενομένου δὲ τούτου κατὰ τὸ συνεχὲσ οἱ μὲν τοὺσ μοχλοὺσ διέκοπτον, οἱ δὲ τοὺσ ἐπὶ τοῦ πυλῶνοσ ἐφόνευον, οἱ δὲ τοὺσ ἔξω Λίβυασ ἐκάλουν διὰ συνθημάτων.

εἰσελθόντων δὲ καὶ τούτων ἀσφαλῶσ, προῆγον ὡσ ἐπὶ τὴν ἀγορὰν κατὰ τὸ συντεταγμένον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 8, chapter 29

(폴리비오스, Histories, book 8, chapter 29)

상위

목록

SEARCH

MENU NAVIGATION