헬라어 문장 검색 - ΠολψβίΗιστορί08́013́

(폴리비오스, Histories, book 8, chapter 11)

προθέμενοσ γὰρ ὡσ περὶ βασιλέωσ εὐφυεστάτου πρὸσ ἀρετὴν γεγονότοσ οὐκ ἔστι τῶν αἰσχρῶν καὶ δεινῶν ὃ παραλέλοιπε. λοιπὸν ἢ περὶ τὴν ἀρχὴν καὶ προέκθεσιν τῆσ πραγματείασ ἀνάγκη ψεύστην καὶ κόλακα φαίνεσθαι τὸν ἱστοριογράφον, ἢ περὶ τὰσ κατὰ μέροσ ἀποφάσεισ ἀνόητον καὶ μειρακιώδη τελείωσ, εἰ διὰ τῆσ ἀλόγου καὶ ἐπικλήτου λοιδορίασ ὑπέλαβε πιστότεροσ μὲν αὐτὸσ φανήσεσθαι, παραδοχῆσ δὲ μᾶλλον ἀξιωθήσεσθαι τὰσ ἐγκωμιαστικὰσ ἀποφάσεισ αὐτοῦ περὶ Φιλίππου.

Καὶ μὴν οὐδὲ περὶ τὰσ ὁλοσχερεῖσ διαλήψεισ οὐδεὶσ ἂν εὐδοκήσειε τῷ προειρημένῳ συγγραφεῖ·

ὅσ γ’ ἐπιβαλόμενοσ γράφειν τὰσ Ἑλληνικὰσ πράξεισ ἀφ’ ὧν Θουκυδίδησ ἀπέλιπε, καὶ συνεγγίσασ τοῖσ Λευκτρικοῖσ καιροῖσ καὶ τοῖσ ἐπιφανεστάτοισ τῶν Ἑλληνικῶν ἔργων, τὴν μὲν Ἑλλάδα μεταξὺ καὶ τὰσ ταύτησ ἐπιβολὰσ ἀπέρριψε, μεταλαβὼν δὲ τὴν ὑπόθεσιν τὰσ Φιλίππου πράξεισ προύθετο γράφειν. καίτοι γε πολλῷ σεμνότερον ἦν καὶ δικαιότερον ἐν τῇ περὶ τῆσ Ἑλλάδοσ ὑποθέσει τὰ πεπραγμένα Φιλίππῳ συμπεριλαβεῖν ἤπερ ἐν τῇ Φιλίππου τὰ τῆσ Ἑλλάδοσ.

οὐδὲ γὰρ προκαταληφθεὶσ ὑπὸ βασιλικῆσ δυναστείασ, καὶ τυχὼν ἐξουσίασ, οὐδεὶσ ἂν ἐπέσχε σὺν καιρῷ ποιήσασθαι μετάβασιν ἐπὶ τὸ τῆσ Ἑλλάδοσ ὄνομα καὶ πρόσωπον· ἀπὸ δὲ ταύτησ ἀρξάμενοσ καὶ προβὰσ ἐπὶ ποσὸν οὐδ’ ὅλωσ οὐδεὶσ ἂν ἠλλάξατο μονάρχου πρόσχημα καὶ βίον, ἀκεραίῳ χρώμενοσ γνώμῃ.

καὶ τί δήποτ’ ἦν τὸ τὰσ τηλικαύτασ ἐναντιώσεισ βιασάμενον παριδεῖν Θεόπομπον;

εἰ μὴ νὴ Δί’ ὅτι ἐκείνησ μὲν τῆσ ὑποθέσεωσ τέλοσ ἦν τὸ καλόν, τῆσ δὲ κατὰ Φίλιππον τὸ συμφέρον. οὐ μὴν ἀλλὰ πρὸσ μὲν ταύτην τὴν ἁμαρτίαν, καθὸ μετέβαλε τὴν ὑπόθεσιν, ἴσωσ ἂν εἶχέ τι λέγειν, εἴ τισ αὐτὸν ἤρετο περὶ τούτων·

πρὸσ δὲ τὴν κατὰ τῶν φίλων αἰσχρολογίαν οὐκ ἂν οἶμαι δυνηθῆναι λόγον αὐτὸν ἀποδοῦναι, συγχωρῆσαι δὲ διότι πολύ τι παρέπεσε τοῦ καθήκοντοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 8, chapter 11

(폴리비오스, Histories, book 8, chapter 11)

상위

목록

SEARCH

MENU NAVIGATION