헬라어 문장 검색 - ΠολψβίΗιστορί08́012́

(폴리비오스, Histories, book 8, chapter 10)

Ταύτην δὲ τήν τε πικρίαν καὶ τὴν ἀθυρογλωττίαν τοῦ συγγραφέωσ τίσ οὐκ ἂν ἀποδοκιμάσειεν; οὐ γὰρ μόνον ὅτι μαχόμενα λέγει πρὸσ τὴν αὑτοῦ πρόθεσιν ἄξιόσ ἐστιν ἐπιτιμήσεωσ, ἀλλὰ καὶ διότι κατέψευσται τοῦ τε βασιλέωσ καὶ τῶν φίλων, καὶ μάλιστα διότι τὸ ψεῦδοσ αἰσχρῶσ καὶ ἀπρεπῶσ διατέθειται.

εἰ γὰρ περὶ Σαρδαναπάλλου τισ ἢ τῶν ἐκείνου συμβιωτῶν ἐποιεῖτο τοὺσ λόγουσ, μόλισ ἂν ἐθάρρησε τῇ κακορρημοσύνῃ ταύτῃ χρήσασθαι·

οὗ τὴν ἐν τῷ βίῳ προαίρεσιν καὶ τὴν ἀσέλγειαν διὰ τῆσ ἐπιγραφῆσ τῆσ ἐπὶ τοῦ τάφου τεκμαιρόμεθα. λέγει γὰρ ἡ [ἐπι]γραφή, ταῦτ’ ἔχω ὅσσ’ ἔφαγον καὶ ἐφύβρισα καὶ μετ’ ἔρωτοσ τέρπν’ ἔπαθον.

Περὶ δὲ Φιλίππου καὶ τῶν ἐκείνου φίλων εὐλαβηθείη τισ ἂν οὐχ οἱο͂ν εἰσ μαλακίαν καὶ ἀνανδρίαν, ἔτι δ’ ἀναισχυντίαν λέγειν, ἀλλὰ τοὐναντίον μήποτ’ ἐγκωμιάζειν ἐπιβαλλόμενοσ οὐ δυνηθῇ καταξίωσ εἰπεῖν τῆσ ἀνδρείασ καὶ φιλοπονίασ καὶ συλλήβδην τῆσ ἀρετῆσ τῶν προειρημένων ἀνδρῶν·

οἵ γε προφανῶσ ταῖσ σφετέραισ φιλοπονίαισ καὶ τόλμαισ ἐξ ἐλαχίστησ μὲν βασιλείασ ἐνδοξοτάτην καὶ μεγίστην τὴν Μακεδόνων ἀρχὴν κατεσκεύασαν·

χωρὶσ δὲ τῶν ἐπὶ Φιλίππου πράξεων αἱ μετὰ τὸν ἐκείνου θάνατον ἐπιτελεσθεῖσαι μετ’ Ἀλεξάνδρου πᾶσιν ὁμολογουμένην τὴν ἐπ’ ἀρετῇ φήμην παραδεδώκασι περὶ αὐτῶν.

οἳ πολλαῖσ μὲν καὶ παραδόξοισ μάχαισ ἐνίκησαν τοὺσ ὑπεναντίουσ, πολλοὺσ δὲ καὶ παραβόλουσ ὑπέμειναν πόνουσ καὶ κινδύνουσ καὶ ταλαιπωρίασ, πλείστησ δὲ περιουσίασ κυριεύσαντεσ καὶ πρὸσ ἁπάσασ τὰσ ἐπιθυμίασ πλείστησ εὐπορήσαντεσ ἀπολαύσεωσ, οὔτε κατὰ τὴν σωματικὴν δύναμιν οὐδέποτε διὰ ταῦτ’ ἠλαττώθησαν, οὔτε κατὰ τὰσ ψυχικὰσ ὁρμὰσ οὐδὲν ἄδικον οὐδ’ ἀσελγὲσ ἐπετήδευσαν, ἅπαντεσ δ’, ὡσ ἔποσ εἰπεῖν, βασιλικοὶ καὶ ταῖσ μεγαλοψυχίαισ καὶ ταῖσ σωφροσύναισ καὶ ταῖσ τόλμαισ ἀπέβησαν, Φιλίππῳ καὶ μετ’ Ἀλεξάνδρῳ συμβιώσαντεσ.

ὧν οὐδὲν ἂν δέοι μνημονεύειν ἐπ’ ὀνόματοσ.

πλείστοισ ὑπομνήμασιν ὥστε τὴν μὲν Τιμαίου τοῦ συγγραφέωσ πικρίαν, ᾗ κέχρηται κατ’ Ἀγαθοκλέουσ τοῦ Σικελίασ δυνάστου, καίπερ ἀνυπέρβλητον εἶναι δοκοῦσαν, ὅμωσ λόγον ἔχειν ‐ ὡσ γὰρ κατ’ ἐχθροῦ καὶ πονηροῦ καὶ τυράννου διατίθεται τὴν κατηγορίαν ‐ τὴν δὲ Θεοπόμπου μηδ’ ὑπὸ λόγον πίπτειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 8, chapter 10

(폴리비오스, Histories, book 8, chapter 10)

상위

목록

SEARCH

MENU NAVIGATION