헬라어 문장 검색 - ΠολψβίΗιστορί08́005́

(폴리비오스, Histories, book 8, chapter 4)

Ὁ δὲ Μάρκοσ ἑξήκοντα σκάφεσι πεντηρικοῖσ ἐποιεῖτο τὸν ἐπίπλουν ἐπὶ τὴν Ἀχραδίνην, ὧν ἕκαστον πλῆρεσ ἦν ἀνδρῶν ἐχόντων τόξα καὶ σφενδόνασ καὶ γρόσφουσ, δι’ ὧν ἔμελλον τοὺσ ἀπὸ τῶν ἐπάλξεων μαχομένουσ ἀναστέλλειν. ἅμα δὲ τούτοισ ὀκτὼ πεντήρεσι, παραλελυμέναισ τοὺσ ταρσούσ, ταῖσ μὲν τοὺσ δεξιούσ, ταῖσ δὲ τοὺσ εὐωνύμουσ, καὶ συνεζευγμέναισ πρὸσ ἀλλήλασ σύνδυο κατὰ τοὺσ ἐψιλωμένουσ τοίχουσ, προσῆγον πρὸσ τὸ τεῖχοσ διὰ τῆσ τῶν ἐκτὸσ τοίχων εἰρεσίασ τὰσ λεγομένασ σαμβύκασ.

τὸ δὲ γένοσ τῆσ κατασκευῆσ τῶν εἰρημένων ὀργάνων ἐστὶ τοιοῦτο.

κλίμακα τῷ πλάτει τετράπεδον ἑτοιμάσαντεσ, ὥστ’ ἐξ ἀποβάσεωσ ἰσοϋψῆ γενέσθαι τῷ τείχει, ταύτησ ἑκατέραν τὴν πλευρὰν δρυφακτώσαντεσ καὶ σκεπάσαντεσ ὑπερπετέσι θωρακίοισ, ἔθηκαν πλαγίαν ἐπὶ τοὺσ συμψαύοντασ τοίχουσ τῶν συνεζευγμένων νεῶν, πολὺ προπίπτουσαν τῶν ἐμβόλων.

πρὸσ δὲ τοῖσ ἱστοῖσ ἐκ τῶν ἄνω μερῶν τροχιλίαι προσήρτηντο σὺν κάλοισ.

λοιπὸν ὅταν ἐγγίσωσι τῆσ χρείασ, ἐνδεδεμένων τῶν κάλων εἰσ τὴν κορυφὴν τῆσ κλίμακοσ, ἕλκουσι διὰ τῶν τροχιλιῶν τούτουσ ἑστῶτεσ ἐν ταῖσ πρύμναισ·

ἕτεροι δὲ παραπλησίωσ ἐν ταῖσ πρώρραισ ἐξερείδοντεσ ταῖσ ἀντηρίσιν ἀσφαλίζονται τὴν ἄρσιν τοῦ μηχανήματοσ. κἄπειτα διὰ τῆσ εἰρεσίασ τῆσ ἀφ’ ἑκατέρου τῶν ἐκτὸσ ταρσῶν ἐγγίσαντεσ τῇ γῇ τὰσ ναῦσ, πειράζουσι προσερείδειν τῷ τείχει τὸ προειρημένον ὄργανον.

ἐπὶ δὲ τῆσ κλίμακοσ ἄκρασ ὑπάρχει πέτευρον ἠσφαλισμένον γέρροισ τὰσ τρεῖσ ἐπιφανείασ, ἐφ’ οὗ τέτταρεσ ἄνδρεσ ἐπιβεβηκότεσ ἀγωνίζονται, διαμαχόμενοι πρὸσ τοὺσ εἴργοντασ ἀπὸ τῶν ἐπάλξεων τὴν πρόσθεσιν τῆσ σαμβύκησ.

ἐπὰν δὲ προσερείσαντεσ ὑπερδέξιοι γένωνται τοῦ τείχουσ, οὗτοι μὲν τὰ πλάγια τῶν γέρρων παραλύσαντεσ ἐξ ἑκατέρου τοῦ μέρουσ ἐπιβαίνουσιν ἐπὶ τὰσ ἐπάλξεισ ἢ τοὺσ πύργουσ.

οἱ δὲ λοιποὶ διὰ τῆσ σαμβύκησ ἕπονται τούτοισ, ἀσφαλῶσ τοῖσ κάλοισ βεβηκυίασ τῆσ κλίμακοσ εἰσ ἀμφοτέρασ τὰσ ναῦσ.

εἰκότωσ δὲ τὸ κατασκεύασμα τῆσ προσηγορίασ τέτευχε ταύτησ·

ἐπειδὰν γὰρ ἐξαρθῇ, γίνεται τὸ σχῆμα τῆσ νεὼσ ταύτησ καὶ τῆσ κλίμακοσ ἑνοποιηθὲν παραπλήσιον σαμβύκῃ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 8, chapter 4

(폴리비오스, Histories, book 8, chapter 4)

상위

목록

SEARCH

MENU NAVIGATION