헬라어 문장 검색 - Πλυταρ́Σολον́31́

(플루타르코스, Σόλων, chapter 31)

εἶπεν. οὐ μὴν ἀλλ’ ὁ Πεισίστρατοσ ἐγκρατὴσ γενόμενοσ τῶν πραγμάτων οὕτωσ ἐξεθεράπευσε τὸν Σόλωνα, τιμῶν καὶ φιλοφρονούμενοσ καὶ μεταπεμπόμενοσ, ὥστε καὶ σύμβουλον εἶναι καὶ πολλὰ τῶν πρασσομένων ἐπαινεῖν. καὶ γὰρ ἐφύλαττε τοὺσ πλείστουσ νόμουσ τοῦ Σόλωνοσ, ἐμμένων πρῶτοσ αὐτὸσ καὶ τοὺσ φίλουσ ἀναγκάζων· ὅσ γε καὶ φόνου προσκληθεὶσ εἰσ Ἀρειον πάγον, ἤδη τυραννῶν, ἀπήντησε κοσμίωσ ἀπολογησόμενοσ, ὁ δὲ κατήγοροσ οὐχ ὑπήκουσε·

καὶ νόμουσ αὐτὸσ ἑτέρουσ ἔγραψεν, ὧν ἐστι καὶ ὁ τοὺσ πηρωθέντασ ἐν πολέμῳ δημοσίᾳ τρέφεσθαι κελεύων. τοῦτο δέ φησιν Ἡρακλείδησ καὶ πρότερον ἐπὶ Θερσίππῳ πηρωθέντι τοῦ Σόλωνοσ ψηφισαμένου μιμήσασθαι τὸν Πεισίστρατον. ὡσ δὲ Θεόφραστοσ ἱστόρηκε, καὶ τὸν τῆσ ἀργίασ νόμον οὐ Σόλων ἔθηκεν, ἀλλὰ Πεισίστρατοσ, ᾧ τήν τε χώραν ἐνεργοτέραν καὶ τὴν πόλιν ἠρεμαιοτέραν ἐποίησεν. ὁ δὲ Σόλων ἁψάμενοσ μεγάλησ τῆσ περὶ τὸν Ἀτλαντικὸν λόγον ἢ μῦθον πραγματείασ, ὃν διήκουσε τῶν περὶ Σάϊν λογίων προσήκοντα τοῖσ Ἀθηναίοισ, ἐξέκαμεν, οὐ δι’ ἀσχολίαν, ὡσ Πλάτων φησίν, ἀλλὰ μᾶλλον ὑπὸ γήρωσ, φοβηθεὶσ τὸ μέγεθοσ τῆσ γραφῆσ.

ἐπεὶ σχολῆσ γε περιουσίαν αὐτοῦ μηνύουσιν αἱ τοιαῦται φωναί· γηράσκω δ’ αἰεὶ πολλὰ διδασκόμενοσ· καί, ἔργα δὲ Κυπρογενοῦσ νῦν μοι φίλα καὶ Διονύσου καὶ Μουσέων, ἃ τίθησ’ ἀνδράσιν εὐφροσύνασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Σόλων, chapter 31

(플루타르코스, Σόλων, chapter 31)

상위

목록

SEARCH

MENU NAVIGATION