헬라어 문장 검색 - Πλυταρ́Νυμά02́

(플루타르코스, Numa, chapter 2)

ἕβδομον ἐνιαυτὸν ἡ Ῥώμη καὶ τριακοστὸν ἤδη Ῥωμύλου βασιλεύοντοσ ᾠκεῖτο· πέμπτῃ δὲ ἱσταμένου μηνόσ, ἣν νῦν ἡμέραν νώνασ Καπρατίνασ καλοῦσι, θυσίαν τινὰ δημοτελῆ πρὸ τῆσ πόλεωσ ὁ Ῥωμύλοσ ἔθυε περὶ τὸ καλούμενον Αἰγὸσ ἕλοσ, καὶ παρῆν ἥ τε βουλὴ καὶ τοῦ δήμου τὸ πλεῖστον. ἐξαίφνησ δὲ μεγάλησ περὶ τὸν ἀέρα τροπῆσ γενομένησ καὶ νέφουσ ἐπὶ τὴν γῆν ἐρείσαντοσ ἅμα πνεύματι καὶ ζάλῃ, τὸν μὲν ἄλλον ὅμιλον ἐκπλαγέντα συνέβη φυγεῖν καὶ σκεδασθῆναι, τὸν δὲ Ῥωμύλον ἀφανῆ γενέσθαι, καὶ μήτε αὐτὸν ἔτι μήτε σῶμα τεθνηκότοσ εὑρεθῆναι, χαλεπὴν δὲ τιν’ ὑπόνοιαν ἅψασθαι τῶν πατρικίων, καὶ ῥυῆναι λόγον ἐν τῷ δήμῳ κατ’ αὑτῶν ὡσ πάλαι βαρυνόμενοι τὸ βασιλεύεσθαι καὶ μεταστῆσαι τὸ κράτοσ εἰσ αὑτοὺσ θέλοντεσ ἀνέλοιεν τὸν βασιλέα, καὶ γάρ ἐδόκει τραχύτερον ἤδη προσφέρεσθαι καὶ μοναρχικώτερον αὐτοῖσ.

ἀλλὰ ταύτην μὲν τὴν ὑποψίαν ἐθεράπευον εἰσ θεῶν τιμὰσ ἀνάγοντεσ ὡσ οὐ τεθνηκότα τὸν Ῥωμύλον, ἀλλὰ κρείττονοσ ὄντα μοίρασ·

καὶ Πρόκλοσ, ἀνὴρ ἐπιφανήσ, διωμόσατο Ῥωμύλον ἰδεῖν εἰσ οὐρανὸν σὺν τοῖσ ὅπλοισ ἀναφερόμενον, καὶ φωνῆσ ἀκοῦσαι κελεύοντοσ αὐτὸν ὀνομάζεσθαι Κυρῖνον. ἑτέρα δὲ ταραχὴ καὶ στάσισ κατελάμβανε τὴν πόλιν ὑπὲρ τοῦ μέλλοντοσ ἀποδειχθήσεσθαι βασιλέωσ, οὔπω τῶν ἐπηλύδων κομιδῇ τοῖσ πρώτοισ συγκεκραμένων πολίταισ, ἀλλ’ ἔτι τοῦ τε δήμου πολλὰ κυμαίνοντοσ ἐν ἑαυτῷ καὶ τῶν πατρικίων ἐν ὑποψίαισ ἐκ τοῦ διαφόρου πρὸσ ἀλλήλουσ ὄντων, οὐ μὴν ἀλλὰ βασιλεύεσθαι μὲν ἐδόκει πᾶσιν, ἤρισαν δὲ καὶ διέστησαν οὐχ ὑπὲρ ἀνδρὸσ μόνον, ἀλλὰ καὶ γένουσ, ὁπότερον παρέξει τὸν ἡγεμόνα, καὶ γάρ οἱ μετὰ Ῥωμύλου·

πρῶτοι συνοικίσαντεσ τὴν πόλιν οὐκ ἀνασχετὸν ἐποιοῦντο πόλεωσ καὶ χώρασ τοὺσ Σαβίνουσ μεταλαβόντασ ἄρχειν βιάζεσθαι τῶν ἐπὶ ταῦτα δεξαμένων, καὶ τοῖσ Σαβίνοισ ἦν τισ εὐγνώμων λόγοσ, ἐπεὶ Τατίου τοῦ βασιλέωσ αὑτῶν ἀποθανόντοσ οὐκ ἐστασίασαν πρὸσ Ῥωμύλον, ἀλλ’ εἰάσαν ἄρχειν μόνον, αὖθισ ἀξιούντων τὸν ἄρχοντα γενέσθαι παρ’ αὑτῶν, οὔτε γάρ ἐκ ταπεινοτέρων κρείττοσι προσγενέσθαι, καὶ προσγενόμενοι πλήθει τε ῥῶσαι καὶ προαγαγεῖν εἰσ ἀξίωμα πόλεωσ ἐκείνουσ μεθ’ ἑαυτῶν, ὑπὲρ μὲν οὖν τούτων ἐστασίαζον.

ὅπωσ δὲ μὴ σύγχυσιν ἐκ τῆσ ἀναρχίασ ἡ στάσισ ἀπεργάσεται, μετεώρου τοῦ πολιτεύματοσ ὄντοσ, ἔταξαν οἱ πατρίκιοι, πεντήκοντα καὶ ἑκατὸν ὄντων αὑτῶν, ἕκαστον ἐν μέρει τοῖσ βασιλικοῖσ παρασήμοισ κοσμούμενον θύειν τε τοῖσ θεοῖσ τὰ νενομισμένα καὶ χρηματίζειν ἓξ μὲν ὡρ́ασ τῆσ νυκτόσ, ἓξ δὲ τῆσ ἡμέρασ, καὶ γὰρ ἡ διανομὴ τῶν καιρῶν ἑκατέρου πρὸσ ἱσότητα καλῶσ ἔχειν ἐδόκει τοῖσ ἄρχουσι, καὶ πρὸσ τὸν δῆμον ἡ μεταβολὴ τῆσ ἐξουσίασ ἀφαιρεῖν τὸν φθόνον, ὁρῶντα τῆσ αὐτῆσ ἡμέρασ καὶ νυκτὸσ τὸν αὐτὸν ἰδιώτην ἐκ βασιλέωσ γινόμενον.

τὸ δὲ σχῆμα τοῦτο τῆσ ἀρχῆσ μεσοβασιλείαν Ῥωμαῖοι καλοῦσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Numa, chapter 2

(플루타르코스, Numa, chapter 2)

상위

목록

SEARCH

MENU NAVIGATION