헬라어 문장 검색 - Πλυταρ́ΔεΑλεχά2́08́

(플루타르코스, De Alexandri magni fortuna aut virtute, chapter 2, section 8)

ἀλλὰ ταῦτα μὲν ἄν τισ ἀπείποι λέγων, οἷσ ἀποδείκνυται κάλλιστα καὶ βασιλικώτατα τὴν ἐξουσίαν διατιθέμενοσ. καὶ γάρ εἰ διὰ Τύχην μέγασ γέγονε, μείζων ἐστίν, ὅτι τῇ Τύχῃ καλῶσ κέχρηται· καὶ ὅσῳ τισ ἂν μᾶλλον αὐτοῦ τὴν Τύχην ἐπαινῇ, τοσούτῳ μᾶλλον αὔξει τὴν ἀρετήν, δι’ ἣν ἄξιοσ τῆσ Τύχησ ἐγένετο. οὐ μὴν ἀλλ’ ἤδη πρὸσ τὰ πρῶτα τῆσ αὐξήσεωσ αὐτοῦ καὶ τὰσ ἀρχὰσ τῆσ δυνάμεωσ βαδίζω, καὶ σκοπῶ τί τὸ τῆσ Τύχησ ἔργον ἐν ἐκείνοισ γέγονε, δι’ ὅ φασιν Ἀλέξανδρον ὑπὸ τῆσ Τύχησ μέγαν γεγονέναι.

πῶσ γὰρ οὐχὶ τὸν ἄτρωτον, ὦ Ζεῦ, τὸν ἀναίμακτον, τὸν ἀστράτευτον, ὃν χρεμετίσασ ἵπποσ εἰσ τὸν Κύρου θρόνον ἐκάθισεν, ὡσ Δαρεῖον τὸν Ὑστάσπου πρότερον; ἢ κολακευθεὶσ ἀνὴρ ὑπὸ τῆσ γυναικόσ, ὡσ Ξέρξην Δαρεῖοσ ὑπ’ Ἀτόσσησ; ἐπὶ θύρασ αὐτῷ τὸ διάδημα τῆσ βασιλείασ ἦλθεν, ὥσπερ Οἄρσῃ διὰ Βαγώαν, καὶ στολὴν ἐκδυσάμενοσ ἀστάνδου περιέθετο τὴν βασιλικὴν καὶ ὀρθοπαγῆ κίταριν; ἐξαίφνησ καὶ ἀπροσδοκήτωσ κλήρῳ λαχὼν τῆσ οἰκουμένησ ἐβασίλευσεν, ὡσ Ἀθήνησι κλήρῳ θεσμοθετοῦσι καὶ ἄρχουσι;

βούλει μαθεῖν πῶσ βασιλεύουσιν ἄνθρωποι διὰ Τύχην; ἐξέλιπὲ ποτ’ Ἀργείοισ τὸ Ἡρακλειδῶν γένοσ, ἐξ οὗ βασιλεύεσθαι πάτριον ἦν αὐτοῖσ· ζητοῦσι δὲ καὶ διαπυνθανομένοισ ὁ θεὸσ ἔχρησεν ἀετὸν δείξειν· καὶ μεθ’ ἡμέρασ ὀλίγασ ἀετὸσ ὑπερφανεὶσ καὶ κατάρασ ἐπὶ τὴν Αἴγωνοσ οἰκίαν ἐκάθισε, καὶ βασιλεὺσ ᾑρέθη Αἴγων. Πἀλιν ἐν Πἀφῳ, τοῦ βασιλεύοντοσ ἀδίκου καὶ πονηροῦ φανέντοσ ι ἐκβαλὼν τοῦτον Ἀλέξανδροσ ἕτερον ἐζήτει, τοῦ Κινυραδῶν γένουσ ἤδη φθίνειν καὶ ἀπολείπειν δοκοῦντοσ. ἕνα δ’ οὖν ἔφασαν περιεῖναι πένητα καὶ ἄδοξον ἄνθρωπον ἐν κήπῳ τινὶ παρημελημένωσ διατρεφόμενον.

ἐπὶ τοῦτον οἱ πεμφθέντεσ ἧκον, εὑρέθη δὲ πρασιαῖσ ὕδωρ ἐπαντλῶν· καὶ διεταράχθη τῶν στρατιωτῶν ἐπιλαμβανομένων αὐτοῦ καὶ βαδίζειν κελευόντων. ἀχθεὶσ δὲ ; πρὸσ Ἀλέξανδρον ἐν εὐτελεῖ σινδονίσκῃ βασιλεὺσ ἀνηγορεύθη καὶ πορφύραν ἔλαβε, καὶ εἷσ ἦν τῶν ἑταίρων προσαγορευομένων· ἐκαλεῖτο δ’ Ἀβδαλώνυμοσ. αμφιέζουσι, μεταγράφουσι ταχύ καὶ ῥᾳδίωσ, μὴ προσδεχομένουσ μηδ’ ἐλπίζοντασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De Alexandri magni fortuna aut virtute, chapter 2, section 8

(플루타르코스, De Alexandri magni fortuna aut virtute, chapter 2, section 8)

상위

목록

SEARCH

MENU NAVIGATION