헬라어 문장 검색 - Πλυταρ́Ξιμον́15́

(플루타르코스, Κίμων, chapter 15)

ἐκείνην μὲν οὖν ἀπέφυγε τὴν δίκην· ἐν δὲ τῇ λοιπῇ πολιτείᾳ παρὼν μὲν ἐκράτει καὶ συνέστελλε τὸν δῆμον ἐπιβαίνοντα τοῖσ ἀρίστοισ καὶ περισπῶντα τὴν πᾶσαν εἰσ ἑαυτὸν ἀρχὴν καὶ δύναμιν· ὡσ δὲ πάλιν ἐπὶ στρατείαν ἐξέπλευσε, τελέωσ ἀνεθέντεσ οἱ πολλοὶ καὶ συγχέαντεσ τὸν καθεστῶτα τῆσ πολιτείασ κόσμον τά τε πάτρια νόμιμα, οἷσ ἐχρῶντο πρότερον, Ἐφιάλτου προεστῶτοσ ἀφείλοντο τῆσ ἐξ Ἀρείου πάγου βουλῆσ τὰσ κρίσεισ πλὴν ὀλίγων ἁπάσασ, καὶ τῶν δικαστηρίων κυρίουσ ἑαυτοὺσ ποιήσαντεσ εἰσ ἄκρατον δημοκρατίαν ἐνέβαλον τὴν πόλιν, ἤδη καὶ Περικλέουσ δυναμένου καὶ τὰ τῶν πολλῶν φρονοῦντοσ. διὸ καὶ τοῦ Κίμωνοσ, ὡσ ἐπανῆλθεν, ἀγανακτοῦντοσ ἐπὶ τῷ προπηλακίζεσθαι τὸ ἀξίωμα τοῦ συνεδρίου, καὶ πειρωμένου πάλιν ἄνω τὰσ δίκασ ἀνακαλεῖσθαι καὶ τὴν ἐπὶ Κλεισθένουσ ἐγείρειν ἀριστοκρατίαν, κατεβόων συνιστάμενοι καὶ τὸν δῆμον ἐξηρέθιζον, ἐκεῖνά τε τὰ πρὸσ τὴν ἀδελφὴν ἀνανεούμενοι καὶ Λακωνισμὸν ἐπικαλοῦντεσ.

εἰσ ἃ καὶ τὰ Εὐπόλιδοσ διατεθρύληται περὶ Κίμωνοσ, ὅτι κακὸσ μὲν οὐκ ἦν, φιλοπότησ δὲ κἀμελήσ·

κἀνίοτ’ ἂν ἀπεκοιμᾶτ’ ἂν ἐν Λακεδαίμονι, κἂν Ἐλπινίκην τήνδε καταλιπὼν μόνην. εἰ δ’ ἀμελῶν καὶ μεθυσκόμενοσ τοσαύτασ πόλεισ εἷλε καὶ τοσαύτασ νίκασ ἐνίκησε, δῆλον ὅτι νήφοντοσ αὐτοῦ καὶ προσέχοντοσ οὐδεὶσ ἂν οὔτε τῶν πρότερον οὔτε τῶν ὕστερον Ἑλλήνωνπαρῆλθε τὰσ πράξεισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Κίμων, chapter 15

(플루타르코스, Κίμων, chapter 15)

상위

목록

SEARCH

MENU NAVIGATION