헬라어 문장 검색 - Πλυταρ́Ξιμον́10́

(플루타르코스, Κίμων, chapter 10)

ἤδη δ’ εὐπορῶν ὁ Κίμων ἐφόδια τῆσ στρατηγίασ ἃ καλῶσ ἀπὸ τῶν πολεμίων ἔδοξεν ὠφελῆσθαι κάλλιον ἀνήλισκεν εἰσ τοὺσ πολίτασ. τῶν τε γὰρ ἀγρῶν τοὺσ φραγμοὺσ ἀφεῖλεν, ἵνα καὶ τοῖσ ξένοισ καὶ τῶν πολιτῶν τοῖσ δεομένοισ ἀδεῶσ ὑπάρχῃ λαμβάνειν τῆσ ὀπώρασ, καὶ δεῖπνον οἴκοι παρ’ αὐτῷ λιτὸν μέν, ἀρκοῦν δὲ πολλοῖσ, ἐποιεῖτο καθ’ ἡμέραν, ἐφ’ ὃ τῶν πενήτων ὁ βουλόμενοσ εἰσῄει καὶ διατροφὴν εἶχεν ἀπράγμονα, μόνοισ τοῖσ δημοσίοισ σχολάζων. ὡσ δ’ Ἀριστοτέλησ φησίν, οὐχ ἁπάντων Ἀθηναίων, ἀλλὰ τῶν δημοτῶν αὐτοῦ Λακιαδῶν παρεσκευάζετο τῷ βουλομένῳ τὸ δεῖπνον.

αὐτῷ δὲ νεανίσκοι παρείποντο συνήθεισ ἀμπεχόμενοι καλῶσ, ὧν ἕκαστοσ, εἴ τισ συντύχοι τῷ Κίμωνι τῶν ἀστῶν πρεσβύτεροσ ἠμφιεσμένοσ ἐνδεῶσ, διημείβετο πρὸσ αὐτὸν τὰ ἱμάτια· καὶ τὸ γινόμενον ἐφαίνετο σεμνόν. οἱ δ’ αὐτοὶ καὶ νόμισμα κομίζοντεσ ἄφθονον παριστάμενοι τοῖσ κομψοῖσ τῶν πενήτων ἐν ἀγορᾷ σιωπῇ τῶν κερματίων ἐνέβαλλον εἰσ τὰσ χεῖρασ.

ὧν δὴ καὶ Κρατῖνοσ ὁ κωμικὸσ ἐν Ἀρχιλόχοισ ἐοίκε μεμνῆσθαι διὰ τούτων· κἀγὼ γὰρ ηὔχουν Μητρόβιοσ ὁ γραμματεὺσ σὺν ἀνδρὶ θείῳ καὶ φιλοξενωτάτῳ καὶ πάντ’ ἀρίστῳ τῶν Πανελλήνων πρὸ τοῦ Κίμωνι λιπαρὸν γῆρασ εὐωχούμενοσ αἰῶνα πάντα συνδιατρίψειν.

ὁ δὲ λιπὼν βέβηκε πρότεροσ. ἔτι τοίνυν Γοργίασ μὲν ὁ Λεοντῖνόσ φησι τὸν Κίμωνα τὰ χρήματα κτᾶσθαι μὲν ὡσ χρῷτο, χρῆσθαι δὲ ὡσ τιμῷτο, Κριτίασ δὲ τῶν τριάκοντα γενόμενοσ ἐν ταῖσ ἐλεγείαισ εὔχεται·

πλοῦτον μὲν Σκοπαδῶν, μεγαλοφροσύνην δὲ Κίμωνοσ, νίκασ δ’ Ἀρκεσίλα τοῦ Λακεδαιμονίου. καίτοι Λίχαν γε τὸν Σπαρτιάτην ἀπ’ οὐδενὸσ ἄλλου γινώσκομεν ἐν τοῖσ Ἕλλησιν ὀνομαστὸν γενόμενον ἢ ὅτι τοὺσ ξένουσ ἐν ταῖσ γυμνοπαιδίαισ ἐδείπνιζεν· ἡ δὲ Κίμωνοσ ἀφθονία καὶ τὴν παλαιὰν τῶν Ἀθηναίων φιλοξενίαν καὶ φιλανθρωπίαν ὑπερέβαλεν. οἱ μὲν γάρ, ἐφ’ οἷσ ἡ πόλισ μέγα φρονεῖ δικαίωσ, τό τε σπέρμα τῆσ τροφῆσ εἰσ τοὺσ Ἕλληνασ ἐξέδωκαν ὑδάτων τε πηγαίων καὶ πυρὸσ ἔναυσιν χρῄζουσιν ἀνθρώποισ ἐδίδαξαν,ὁ δὲ τὴν μὲν οἰκίαν τοῖσ πολίταισ πρυτανεῖον ἀποδείξασ κοινόν, ἐν δὲ τῇ χώρᾳ καρπῶν ἑτοίμων ἀπαρχὰσ καὶ ὅσα ὡρ͂αι καλὰ φέρουσι χρῆσθαι καὶ λαμβάνειν ἅπαντα τοῖσ ξένοισ παρέχων, τρόπον τινὰ τὴν ἐπὶ Κρόνου μυθολογουμένην κοινωνίαν εἰσ τὸν βίον αὖθισ κατῆγεν.

οἱ δὲ ταῦτα κολακείαν ὄχλου καὶ δημαγωγίαν εἶναι διαβάλλοντεσ ὑπὸ τῆσ ἄλλησ ἐξηλέγχοντο τοῦ ἀνδρὸσ προαιρέσεωσ ἀριστοκρατικῆσ καὶ Λακωνικῆσ οὔσησ, ὅσ γε καὶ Θεμιστοκλεῖ πέρα τοῦ δέοντοσ ἐπαίροντι τὴν δημοκρατίαν ἀντέβαινε μετ’ Ἀριστείδου, καὶ πρὸσ Ἐφιάλτην ὕστερον χάριτι τοῦ δήμου καταλύοντα τὴν ἐξ Ἀρείου πάγου βουλὴν διηνέχθη, λημμάτων δὲ δημοσίων τοὺσ ἄλλουσ πλὴν Ἀριστείδου καὶ Ἐφιάλτου πάντασ ἀναπιμπλαμένουσ ὁρῶν, αὑτὸν ἀδέκαστον καὶ ἄθικτον ἐκ τῇ πολιτείᾳ δωροδοκίασ καὶ πάντα προῖκα καὶ καθαρῶσ πράττοντα καὶ λέγοντα διὰ τέλουσ παρέσχε.

λέγεταί γέ τοι Ῥοισάκην τινὰ βάρβαρον ἀποστάτην βασιλέωσ ἐλθεῖν μετὰ χρημάτων πολλῶν εἰσ Ἀθήνασ, καὶ σπαραττόμενον ὑπὸ τῶν συκοφαντῶν καταφυγεῖν πρὸσ Κίμωνα, καὶ θεῖναι παρὰ τὴν αὔλειον αὐτοῦ φιάλασ δύο, τὴν μὲν ἀργυρείων ἐμπλησάμενον Δαρεικῶν, τὴν δὲ χρυσῶν·

ἰδόντα δὲ τὸν Κίμωνα καὶ μειδιάσαντα πυθέσθαι τοῦ ἀνθρώπου, πότερον αἱρεῖται Κίμωνα μισθωτὸν ἢ φίλον ἔχειν· "ταῦτ’ ἄπιθι μετὰ σεαυτοῦ κομίζων·

"χρήσομαι γὰρ αὐτοῖσ ὅταν δέωμαι φίλοσ γενόμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Κίμων, chapter 10

(플루타르코스, Κίμων, chapter 10)

상위

목록

SEARCH

MENU NAVIGATION