헬라어 문장 검색 - Πλυταρ́Αεμιλιύ23́

(플루타르코스, Aemilius Paulus, chapter 23)

Περσεὺσ δὲ φυγῇ μέν ἐκ Πύδνησ εἰσ Πέλλαν ἀπεχώρει, τῶν ἱππέων ἐπιεικῶσ πάντων ἀπὸ τῆσ μάχησ διασεσῳσμένων. ἐπεὶ δὲ καταλαμβάνοντεσ οἱ πεζοὶ τοὺσ ἱππεῖσ ὡσ ἀνάνδρουσ καὶ προδεδωκότασ λοιδοροῦντεσ ἀπὸ τῶν ἵππων ὤθουν καὶ πληγὰσ ἐδίδοσαν, δείσασ τὸν θόρυβον ἐκ τῆσ ὁδοῦ παρέκλινε τὸν ἵππον, καὶ τὴν πορφύραν, ὡσ μὴ διάσημοσ εἰή, περισπάσασ ἔθετο πρόσθεν αὑτοῦ, καὶ τὸ διάδημα διὰ χειρῶν εἶχεν. ὡσ δὲ καὶ προσδιαλέγοιτο τοῖσ ἑταίροισ ἅμα βαδίζων, καταβὰσ ἐφείλκετο τὸν ἵππον.

τῶν δὲ ὁ μέν τισ ὑπόδημα προσποιούμενοσ λελυμένον συνάπτειν, ὁ δ’ ἵππον ἄρδειν, ὁ δὲ ποτοῦ χρῄζειν, ὑπολειπόμενοι κατὰ μικρὸν ἀπεδίδρασκον, οὐχ οὕτω τοὺσ πολεμίουσ, ὡσ τὴν ἐκείνου χαλεπότητα δεδοικότεσ. κεχαραγμένοσ γὰρ ὑπὸ τῶν κακῶν εἰσ πάντασ ἐζήτει τρέπειν ἀφ’ αὐτοῦ τὴν αἰτίαν τῆσ ἥττησ. ἐπεὶ δὲ νυκτὸσ εἰσ Πέλλαν εἰσελθὼν Εὖκτον καὶ Εὔλαιον , τοὺσ ἐπὶ τοῦ νομίσματοσ, ἀπαντήσαντασ αὐτῷ καὶ τὰ μέν ἐγκαλοῦντασ περὶ τῶν γεγονότων, τὰ δὲ παρρησιαζομένουσ ἀκαίρωσ καὶ συμβουλεύοντασ ὀργισθεὶσ ἀπέκτεινεν, αὐτὸσ τῷ ξιφιδίῳ παίων ἀμφοτέρουσ, οὐδεὶσ παρέμεινεν αὐτῷ πάρεξ Εὐάνδρου τε τοῦ Κρητὸσ καὶ Ἀρχεδάμου τοῦ Αἰτωλοῦ καὶ τοῦ Βοιωτοῦ Νέωνοσ.

τῶν δὲ στρατιωτῶν ἐπηκολούθησαν οἱ Κρῆτεσ, οὐ δι’ εὔνοιαν, ἀλλὰ τοῖσ χρήμασιν, ὥσπερ κηρίοισ μέλιτται, προσλιπαροῦντεσ.

πάμπολλα γὰρ ἐπήγετο, καὶ προὔθηκεν ἐξ αὐτῶν διαρπάσαι τοῖσ Κρησὶν ἐκπώματα καὶ κρατῆρασ καὶ τὴν ἄλλην ἐν ἀργύρῳ καὶ χρυσῷ κατασκευὴν εἰσ πεντήκοντα ταλάντων λόγον. γενόμενοσ δ’ ἐν Ἀμφιπόλει πρῶτον, εἶτ’ ἐκεῖθεν ἐν Γαληψῷ, καὶ τοῦ φόβου μικρὸν ὑπανέντοσ, εἰσ τὸ συγγενὲσ καὶ πρεσβύτατον αὐτοῦ τῶν νοσημάτων, τὴν μικρολογίαν, αὖθισ ὑπενεχθείσ ὠδύρετο πρὸσ τοὺσ φίλουσ ὡσ τῶν Ἀλεξάνδρου τοῦ μεγάλου χρυσωμάτων ἔνια τοῖσ Κρησὶ διερριφὼσ ὑπ’ ἀγνοίασ, καὶ παρεκάλει τοὺσ ἔχοντασ ἀντιβολῶν καὶ δακρύων ἀμείψασθαι πρὸσ νόμισμα, τοὺσ μέν οὖν ἐπισταμένουσ ἀκριβῶσ αὐτὸν οὐκ ἔλαθε κρητίζων πρὸσ Κρῆτασ, οἱ δὲ πεισθέντεσ καὶ ἀποδόντεσ ἀπεστερήθησαν.

οὐ γὰρ ἀπέδωκε τἀργύριον, ἀλλὰ τριάκοντα τάλαντα κερδάνασ ἀπὸ τῶν φίλων, ἃ μικρὸν ὕστερον ἔμελλον οἱ πολέμιοι λήψεσθαι, μετ’ αὐτῶν διέπλευσεν εἰσ Σαμοθρᾴκην καὶ διαφεύγων ἐπὶ τοὺσ Διοσκούρουσ ἱκέτευεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Aemilius Paulus, chapter 23

(플루타르코스, Aemilius Paulus, chapter 23)

상위

목록

SEARCH

MENU NAVIGATION