헬라어 문장 검색 - Πλυταρ́Αεμιλιύ09́

(플루타르코스, Aemilius Paulus, chapter 9)

οὐ μὴν ἀλλὰ, καίπερ ὢν ἀγεννὴσ καὶ ταπεινόσ, ὑπὸ ῥώμησ τῶν πραγμάτων ἀναφερόμενοσ πρὸσ τὸν πόλεμον ἔστη καὶ διηρείσατο πολὺν χρόνον, ἡγεμόνασ τε Ῥωμαίων ὑπατικοὺσ καὶ στρατεύματα καὶ στόλουσ μεγάλουσ ἀποτριψάμενοσ, ἐνίων δὲ καὶ κρατήσασ. Πόπλιόν τε γὰρ Λικίννιον ἐμβαλόντα πρῶτον εἰσ Μακεδονίαν τρεψάμενοσ ἱππομαχίᾳ δισχιλίουσ πεντακοσίουσ ἄνδρασ ἀγαθοὺσ ἀπέκτεινε καὶ ζῶντασ ἄλλουσ ἑξακοσίουσ ἔλαβε, τοῦ τε ναυστάθμου περὶ Ὠρεὸν ὁρμοῦντοσ ἀπροσδόκητον ἐπίπλουν θέμενοσ εἴκοσι μὲν αὐτοφόρτουσ ὁλκάδασ ἐχειρώσατο, τὰσ δ’ ἄλλασ σίτου γεμούσασ κατέδυσεν·

ἐκράτησε δὲ καὶ πεντηρικά τέσσαρα, καὶ μάχην ἐπολέμησε τὸ δεύτερον, ἐν ᾗ τὸν ὑπατικὸν Ὁστίλιον ἀπεκρούσατο καταβιαζόμενον κατὰ τὰσ Ἐλιμίασ· λάθρα δὲ διὰ Θεσσαλίασ ἐμβαλόντα προκαλούμενοσ εἰσ μάχην ἐφόβησε.

πάρεργον δὲ τοῦ πολέμου στρατείαν ἐπὶ Δαρδανεῖσ θέμενοσ, ὡσ δὴ τοὺσ Ῥωμαίουσ ὑπερορῶν καὶ σχολάζων, μυρίουσ τῶν βαρβάρων κατέκοψε καὶ λείαν ἠλάσατο πολλήν. ὑπεκίνει δὲ καὶ Γαλάτασ τοὺσ περὶ τὸν Ἴστρον ᾠκημένουσ, οἳ Βαστέρναι καλοῦνται, στρατὸν ἱππότην καὶ μάχιμον, Ἰλλυριούσ τε διὰ Γενθίου τοῦ βασιλέωσ παρεκάλει συνεφάψασθαι τοῦ πολέμου, καὶ λόγοσ κατέσχεν ὡσ τῶν βαρβάρων μισθῷ πεπεισμένων ὑπ’ αὐτοῦ διὰ τῆσ κάτω Γαλατίασ παρὰ τὸν Ἀδρίαν ἐμβαλεῖν εἰσ τὴν ’ Ἰταλίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Aemilius Paulus, chapter 9

(플루타르코스, Aemilius Paulus, chapter 9)

상위

목록

SEARCH

MENU NAVIGATION