헬라어 문장 검색 - Ηιπποξ́Οευϝρεσ́10́07́0́

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 7.)

Ἢν μὲν οὖν εὖ εἰδῇσ ὅτι ἱκανῶσ τὰ ὀστέα ἀπίθυνται ἐν τῇσι προτέρῃσιν ἐπιδέσεσι, καὶ μήτε κνησμοί τινεσ λυπέωσι, μήτε τισ ἕλκωσισ μηδεμία ὑποπτεύηται εἶναι, ἐᾷν χρὴ ἐπιδεδέσθαι ἐν τοῖσι νάρθηξιν, ἔστ’ ἂν ὑπὲρ εἴκοσιν ἡμέρασ γίνηται. Ἐν τριήκοντα δὲ μάλιστα τῇσι ξυμπάσῃσι κρατύνεται ὀστέα τὰ ἐν τῷ πήχει τὸ ἐπίπαν‧ ἀτρεκὲσ δὲ οὐδέν‧ μάλα γὰρ καὶ φύσισ φύσιοσ, καὶ ἡλικίη ἡλικίησ διαφέρει. Ἐπὴν δὲ λύσῃσ, ὕδωρ θερμὸν καταχέαι χρὴ, καὶ μετεπιδῆσαι, ἧσσον μὲν ὀλίγῳ πιέσαντα, ἢ τὸ πρόσθεν, ἐλάσσοσι δὲ τοῖσιν ὀθονίοισιν, ἢ τὸ πρότερον‧ καὶ ἔπειτα διὰ τρίτησ ἡμέρησ λύσαντα ἐπιδεῖν, ἐπὶ μὲν ἧσσον πιέζοντα, ἐπὶ δὲ ἐλάσσοσι τοῖσιν ὀθονίοισιν. Ἐπὴν δὲ, ὅταν τοῖσι νάρθηξι δεθῇ, ὑποπτεύῃσ τὰ ὀστέα μὴ ὀρθῶσ κεῖσθαι, ἢ ἄλλο τι ὀχλέῃ τὸν τετρωμένον, λῦσαι ἐν τῷ ἡμίσει τοῦ χρόνου, ἢ ὀλίγῳ πρόσθεν, καὶ αὖθισ μετεπιδῆσαι. Δίαιτα δὲ τουτέοισιν, οἷσιν ἂν μὴ ἕλκεα ἐξ ἀρχῆσ γένηται, ἢ ὀστέα ἔξω ἐξίσχῃ, ἀρκέει ὑποφαύλη‧ ἐνδεέστερον δὲ χρὴ διαιτᾷν ἄχρισ ἡμερέων δέκα, ἅτε ἤδη καὶ ἐλινύοντασ‧ καὶ ὄψοισιν ἁπαλοῖσι χρῆσθαι, ὁκόσα τῇ διεξόδῳ μετριότητα παρασχήσει‧ οἴνου δὲ καὶ κρεηφαγίησ ἀπέχεσθαι‧ ἔπειτα μέντοι ἐκ προσαγωγῆσ ἀνακομίζεσθαι. Οὗτοσ ὁ λόγοσ ὥσπερ νόμοσ κεῖται δίκαιοσ περὶ κατηγμάτων ἰήσιοσ, ὥστε χειρίζειν χρὴ, καὶ ὥστε ἀποβαίνει ἀπὸ τῆσ δικαίησ χειρίξιοσ‧ ὅ τι δ’ ἂν μὴ οὕτωσ ἀποβαίνῃ, εἰδέναι χρὴ ὅτι ἐν τῇ χειρίξει τι ἐνδεὲσ πεποίηται, ἢ πεπλεόνασται. Ἔτι δὲ τάδε χρὴ προσξυνιέναι ἐν τούτῳ τῷ ἁπλῷ τρόπῳ, ἃ οὐ κάρτα ἐπιμελέονται οἱ ἰητροὶ, καίτοι πᾶσαν μελέτην καὶ πᾶσαν ἐπίδεσιν οἱᾶ́ τε διαφθείρειν ἐστὶ, μὴ ὀρθῶσ ποιεύμενα‧ ἢν γὰρ τὰ μὲν ὀστέα ἄμφω κατηγῇ, ἢ τὸ κάτω μοῦνον, ὁ δὲ ἐπιδεδεμένοσ ἐν ταινίῃ τινὶ τὴν χεῖρα ἔχῃ ἀναλελαμμένην, τυγχάνῃ δὲ ἡ ταινίη κατὰ τὸ κάτηγμα πλείστη ἐοῦσα, ἔνθεν δὲ καὶ ἔνθεν ἡ χεὶρ ἀπαιωρέηται, τοῦτον ἀνάγκη τὸ ὀστέον εὑρεθῆναι διεστραμμένον ἔχοντα πρὸσ τὸ ἄνω μέροσ‧ ἢν δὲ, κατεηγότων τῶν ὀστέων οὕτωσ, ἄκρην τε τὴν χεῖρα ἐν τῇ ταινίῃ ἔχῃ καὶ παρὰ τὸν ἀγκῶνα, ὁ δὲ ἄλλοσ πῆχυσ μὴ μετέωροσ ἐῄ, οὗτοσ εὑρεθήσεται τὸ ὀστέον ἐσ τὸ κάτω μέροσ διεστραμμένον ἔχων. Χρὴ οὖν ἐν ταινίῃ πλάτοσ ἐχούσῃ, μαλθακῇ, τὸ πλεῖστον τοῦ πήχεοσ καὶ τὸν καρπὸν τῆσ χειρὸσ ὁμαλῶσ αἰωρέεσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΓΜΩΝ., 7.

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 7.)

상위

목록

SEARCH

MENU NAVIGATION