헬라어 문장 검색 - Αρριαν́Αναβασί5́24́

(아리아노스, Anabasis, book 5, chapter 24)

Ὁ μὲν ταῦτα παρήγγειλεν· Πτολεμαῖοσ δὲ ἁμάξασ τε ἐκ τῶν ἀπολελειμμένων ἐν τῇ πρώτῃ φυγῇ ἁμαξῶν ταύτῃ ξυναγαγὼν ὡσ πλείστασ κατέστησεν ἐγκαρσίασ, ἵνα πολλὰ ἐν νυκτὶ τὰ ἄπορα φαίνηται τοῖσ φεύγουσι, καὶ τοῦ χάρακοσ τοῦ κεκομμένου τε καὶ οὐ καταπηχθέντοσ συννῆσαι ἄλλῃ καὶ ἄλλῃ ἐκέλευσεν ἐν μέσῳ τῆσ τε λίμνησ καὶ τοῦ τείχουσ. καὶ ταῦτ̓ αὐτῷ οἱ στρατιῶται ἐν τῇ νυκτὶ ἐξειργάσαντο. ἤδη τε ἦν ἀμφὶ τετάρτην φυλακὴν καὶ οἱ βάρβαροι, καθάπερ ἐξηγγέλλετο Ἀλεξάνδρῳ, ἀνοίξαντεσ τὰσ ὡσ ἐπὶ τὴν λίμνην πύλασ δρόμῳ ἐπ̓ αὐτὴν ἐφέροντο.

οὐ μὴν ἔλαθον τὰσ ταύτῃ φυλακὰσ οὐδὲ Πτολεμαῖον τὸν ἐπ̓ αὐταῖσ τεταγμένον, ἀλλὰ ἐν τούτῳ οἵ τε σαλπιγκταὶ ἐσήμαινον αὐτῷ καὶ αὐτὸσ τὴν στρατιὰν ὡπλισμένην τε καὶ συντεταγμένην ἔχων ἐχώρει ἐπὶ τοὺσ βαρβάρουσ. τοῖσ δὲ αἵ τε ἅμαξαι ἐμποδὼν ἦσαν καὶ ὁ χάραξ ἐν μέσῳ καταβεβλημένοσ·

ὡσ δὲ ἥ τε σάλπιγξ ἐφθέγξατο καὶ οἱ ἀμφὶ Πτολεμαῖον προσέκειντο αὐτοῖσ τοὺσ ἀεὶ ἐκπίπτοντασ διὰ τῶν ἁμαξῶν κατακαίνοντεσ, ἐνταῦθα δὴ ἀποστρέφονται αὖθισ ἐσ τὴν πόλιν. καὶ ἀπέθανον αὐτῶν ἐν τῇ ἀποχωρήσει ἐσ πεντακοσίουσ. Ἐν τούτῳ δὲ καὶ Πῶροσ ἀφίκετο τούσ τε ὑπολοίπουσ ἐλέφαντασ ἅμα οἷ ἄγων καὶ τῶν Ἰνδῶν ἐσ πεντακισχιλίουσ, αἵ τε μηχαναὶ Ἀλεξάνδρῳ ξυμπεπηγμέναι ἦσαν καὶ προσήγοντο ἤδη τῷ τείχει.

ἀλλὰ οἱ Μακεδόνεσ, πρὶν καὶ κατασεισθῆναί τι τοῦ τείχουσ, ὑπορύττοντέσ τε αὐτοὶ πλίνθινον ὂν τὸ τεῖχοσ καὶ τὰσ κλίμακασ ἐν κύκλῳ πάντῃ προσθέντεσ αἱροῦσι κατὰ κράτοσ τὴν πόλιν. καὶ ἀποθνήσκουσι μὲν ἐν τῇ καταλήψει τῶν Ἰνδῶν ἐσ μυρίουσ καὶ ἑπτακισχιλίουσ, ἑάλωσαν δὲ ὑπὲρ τὰσ ἑπτὰ μυριάδασ καὶ ἁρ́ματα τριακόσια καὶ ἵπποι πεντακόσιοι.

τῆσ δὲ ξὺν Ἀλεξάνδρῳ στρατιᾶσ ἀπέθανον μὲν ὀλίγον ἀποδέοντεσ τῶν ἑκατὸν ἐν τῇ πάσῃ πολιορκίᾳ, τραυματίαι δὲ οὐ κατὰ τὸ πλῆθοσ τῶν νεκρῶν ἐγένοντο, ἀλλὰ ὑπὲρ τοὺσ χιλίουσ καὶ διακοσίουσ, καὶ ἐν τούτοισ τῶν ἡγεμόνων ἄλλοι τε καὶ Λυσίμαχοσ ὁ σωματοφύλαξ. Θάψασ δὲ ὡσ νόμοσ αὐτῷ τοὺσ τελευτήσαντασ Εὐμενῆ τὸν γραμματέα ἐκπέμπει ἐσ τὰσ δύο πόλεισ τὰσ ξυναφεστώσασ τοῖσ Σαγγάλοισ δοὺσ αὐτῷ τῶν ἱππέων ἐσ τριακοσίουσ, φράσοντα[σ] τοῖσ ἔχουσι τὰσ πόλεισ τῶν τε Σαγγάλων τὴν ἅλωσιν καὶ ὅτι αὐτοῖσ οὐδὲν ἔσται χαλεπὸν ἐξ Ἀλεξάνδρου ὑπομένουσί τε καὶ δεχομένοισ φιλίωσ Ἀλέξανδρον·

οὐδὲ γὰρ οὐδὲ ἄλλοισ τισὶ γενέσθαι τῶν αὐτονόμων Ἰνδῶν ὅσοι ἑκόντεσ σφᾶσ ἐνέδοσαν. οἱ δὲ ἡ̓́δη γὰρ ἐξήγγελτο αὐτοῖσ κατὰ κράτοσ ἑαλωκότα πρὸσ Ἀλεξάνδρου τὰ Σάγγαλἀ φοβεροὶ γενόμενοι ἔφευγον ἀπολιπόντεσ τὰσ πόλεισ.

καὶ Ἀλέξανδροσ, ἐπειδὴ ἐξηγγέλθη αὐτῶν ἡ φυγή, σπουδῇ ἐδίωκεν· ἀλλὰ οἱ πολλοὶ μὲν αὐτῶν ἔφθασαν ἀποφυγόντεσ, διὰ μακροῦ γὰρ ἡ δίωξισ ἐγίγνετο, ὅσοι δὲ κατὰ τὴν ἀποχώρησιν ἀσθενείᾳ ὑπελείποντο, οὗτοι ἐγκαταληφθέντεσ πρὸσ τῆσ στρατιᾶσ ἀπέθανον ἐσ πεντακοσίουσ μάλιστα. ὡσ δὲ ἀπέγνω διώκειν τοῦ πρόσω τοὺσ φεύγοντασ, ἐπανελθὼν ἐσ τὰ Σάγγαλα τὴν πόλιν μὲν κατέσκαψε, τὴν χώραν δὲ τῶν Ἰνδῶν τοῖσ πάλαι μὲν αὐτονόμοισ, τότε δὲ ἑκουσίωσ προσχωρήσασι προσέθηκεν.

καὶ Πῶρον μὲν ξὺν τῇ δυνάμει τῇ ἀμφ̓ αὐτὸν ἐκπέμπει ἐπὶ τὰσ πόλεισ αἳ προσκεχωρήκεσαν, φρουρὰσ εἰσάξοντα εἰσ αὐτάσ, αὐτὸσ δὲ ξὺν τῇ στρατιᾷ ἐπὶ τὸν Ὕφασιν ποταμὸν προὐχώρει, ὡσ καὶ τοὺσ ἐπέκεινα Ἰνδοὺσ καταστρέψαιτο. οὐδὲ ἐφαίνετο αὐτῷ πέρασ τι τοῦ πολέμου ἔστε ὑπελείπετό τι πολέμιον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 5, chapter 24

(아리아노스, Anabasis, book 5, chapter 24)

상위

목록

SEARCH

MENU NAVIGATION