헬라어 문장 검색 - Αρριαν́Αναβασί5́18́

(아리아노스, Anabasis, book 5, chapter 18)

Καὶ ἐν τῷ αὐτῷ Κρατερόσ τε καὶ οἱ ἄλλοι ὅσοι τῆσ στρατιᾶσ [τε] τῆσ Ἀλεξάνδρου ἐπὶ τῇ ὄχθῃ τοῦ Ὑδάσπου ὑπολελειμμένοι ἡγεμόνεσ ἦσαν, ὡσ νικῶντα λαμπρῶσ κατεῖδον Ἀλέξανδρον, ἐπέρων καὶ αὐτοὶ τὸν πόρον. καὶ οὗτοι οὐ μείονα τὸν φόνον ἐν τῇ ἀποχωρήσει τῶν Ἰνδῶν ἐποίησαν, ἀκμῆτεσ ἀντὶ κεκμηκότων τῶν ἀμφ̓ Ἀλέξανδρον ἐπιγενόμενοι τῇ διώξει Ἀπέθανον δὲ τῶν Ἰνδῶν πεζοὶ μὲν ὀλίγον ἀποδέοντεσ τῶν δισμυρίων, ἱππεῖσ δὲ ἐσ τρισχιλίουσ, τὰ δὲ ἁρ́ματα ξύμπαντα κατεκόπη· καὶ Πώρου δύο παῖδεσ ἀπέθανον καὶ Σπιτάκησ ὁ νομάρχησ τῶν ταύτῃ Ἰνδῶν καὶ τῶν ἐλεφάντων καὶ ἁρμάτων οἱ ἡγεμόνεσ καὶ οἱ ἱππάρχαι καὶ οἱ στρατηγοὶ τῆσ στρατιᾶσ τῆσ Πώρου ξύμπαντεσ.

. . ἐλήφθησαν δὲ καὶ οἱ ἐλέφαντεσ, ὅσοι γε αὐτῶν μὴ αὐτοῦ ἀπέθανον. τῶν δὲ ἀμφ̓ Ἀλέξανδρον πεζοὶ μὲν ἀπὸ ἑξακισχιλίων τῶν ἐν τῇ πρώτῃ προσβολῇ γενομένων ἐσ ὀγδοήκοντα μάλιστα ἀπέθανον·

ἱππεῖσ δὲ τῶν μὲν ἱπποτοξοτῶν, οἳ δὴ καὶ πρῶτοι τοῦ ἔργου ἥψαντο, δέκα· τῆσ δὲ ἑταιρικῆσ ἵππου ἀμφὶ τοὺσ εἴκοσι· τῶν δὲ ἄλλων ἱππέων ὡσ διακόσιοι. τετρωμένοσ δὲ τὸν δεξιὸν ὦμον, ὃν δὴ γυμνὸν μόνον ἔχων ἐν τῇ μάχῃ ἀνεστρέφετο ἁ̓πὸ γὰρ τοῦ ἄλλου σώματοσ ἤρκει αὐτῷ τὰ βέλη ὁ θώραξ περιττὸσ ὢν κατά τε τὴν ἰσχὺν καὶ τὴν ἁρμονίαν, ὡσ ὕστερον καταμαθεῖν θεωμένοισ ἦν̓, τότε δὴ καὶ αὐτὸσ ἀπεχώρει ἐπιστρέψασ τὸν ἐλέφαντα.

καὶ Ἀλέξανδροσ μέγαν τε αὐτὸν καὶ γενναῖον ἄνδρα ἰδὼν ἐν τῇ μάχῃ σῶσαι ἐπεθύμησε.

πέμπει δὴ παῤ αὐτὸν πρῶτα μὲν Ταξίλην τὸν Ἰνδόν· καὶ Ταξίλησ προσιππεύσασ ἐφ̓ ὅσον οἱ ἀσφαλὲσ ἐφαίνετο τῷ ἐλέφαντι ὃσ ἔφερε τὸν Πῶρον ἐπιστῆσαί τε ἠξίου τὸ θηρίον, οὐ γὰρ εἶναί οἱ ἔτι φεύγειν, καὶ ἀκοῦσαι τῶν παῤ Ἀλεξάνδρου λόγων. ὁ δὲ ἰδὼν ἄνδρα ἐχθρὸν ἐκ παλαιοῦ τὸν Ταξίλην ἐπιστρέψασ ἀνήγετο ὡσ ἀκοντίσων·

καὶ ἂν καὶ κατέκανε τυχόν, εἰ μὴ ὑποφθάσασ ἐκεῖνοσ ἀπήλασεν ἀπὸ τοῦ Πώρου πρόσω τὸν ἵππον. Ἀλέξανδροσ δὲ οὐδὲ ἐπὶ τῷδε τῷ Πώρῳ χαλεπὸσ ἐγένετο, ἀλλ̓ ἄλλουσ τε ἐν μέρει ἔπεμπε καὶ δὴ καὶ Μερόην ἄνδρα Ἰνδόν, ὅτι φίλον εἶναι ἐκ παλαιοῦ τῷ Πώρῳ τὸν Μερόην ἔμαθεν. Πῶροσ δὲ ὡσ τὰ παρὰ τοῦ Μερόου ἤκουσε καὶ ἐκ τοῦ δίψουσ ἅμα ἐκρατεῖτο, ἐπέστησέ τε τὸν ἐλέφαντα καὶ κατέβη ἀπ̓ αὐτοῦ· ὡσ δὲ ἔπιέ τε καὶ ἀνέψυξεν, ἄγειν αὑτὸν σπουδῇ ἐκέλευσεν παρὰ Ἀλέξανδρον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 5, chapter 18

(아리아노스, Anabasis, book 5, chapter 18)

상위

목록

SEARCH

MENU NAVIGATION