헬라어 문장 검색 - Αρριαν́Αναβασί5́17́

(아리아노스, Anabasis, book 5, chapter 17)

Ἐν τούτῳ δὲ οἵ τε Ἰνδοὶ τοὺσ ἱππέασ πάντοθεν ξυναλίσαντεσ παρίππευον Ἀλεξάνδρῳ ἀντιπαρεξάγοντεσ τῇ ἐλάσει, καὶ οἱ περὶ Κοῖνον, ὡσ παρήγγελτο, κατόπιν αὐτοῖσ ἐπεφαίνοντο. ταῦτα ξυνιδόντεσ οἱ Ἰνδοὶ ἀμφίστομον ἠναγκάσθησαν ποιῆσαι τὴν τάξιν τῆσ ἵππου, τὴν μὲν ὡσ ἐπ̓ Ἀλέξανδρον τὴν πολλήν τε καὶ κρατίστην, οἱ δὲ ἐπὶ Κοῖνόν τε καὶ τοὺσ ἅμα τούτῳ ἐπέστρεφον. τοῦτό τε οὖν εὐθὺσ ἐτάραξε τὰσ τάξεισ τε καὶ τὰσ γνώμασ τῶν Ἰνδῶν καὶ Ἀλέξανδροσ ἰδὼν τὸν καιρὸν ἐν αὐτῇ τῇ ἐπὶ θάτερα ἐπιστροφῇ τῆσ ἵππου ἐπιτίθεται τοῖσ καθ̓ αὑτόν, ὥστε οὐδὲ τὴν ἐμβολὴν ἐδέξαντο τῶν ἀμφ̓ Ἀλέξανδρον ἱππέων οἱ Ἰνδοί, ἀλλὰ κατηρ[ρ]άχθησαν ὥσπερ εἰσ τεῖχόσ τι φίλιον τοὺσ ἐλέφαντασ.

καὶ ἐν τούτῳ οἱ ἐπιστάται τῶν ἐλεφάντων ἀντεπῆγον τῇ ἵππῳ τὰ θηρία, καὶ ἡ φάλαγξ αὐτὴ τῶν Μακεδόνων ἀντεπῄει πρὸσ τοὺσ ἐλέφαντασ, ἔσ τε τοὺσ ἐπιβάτασ αὐτῶν ἀκοντίζοντεσ καὶ αὐτὰ τὰ θηρία περισταδὸν πάντοθεν βάλλοντεσ.

καὶ ἦν τὸ ἔργον οὐδενὶ τῶν πρόσθεν ἀγώνων ἐοικόσ· τά τε γὰρ θηρία ἐπεκθέοντα ἐσ τὰσ τάξεισ τῶν πεζῶν, ὅπῃ ἐπιστρέψειεν, ἐκεράϊζε καίπερ πυκνὴν οὖσαν τὴν τῶν Μακεδόνων φάλαγγα, καὶ οἱ ἱππεῖσ οἱ τῶν Ἰνδῶν τοῖσ πεζοῖσ ἰδόντεσ ξυνεστηκὸσ τὸ ἔργον ἐπιστρέψαντεσ αὖθισ καὶ αὐτοὶ ἐπήλαυνον τῇ ἵππῳ. ὡσ δὲ πάλιν ἐκράτησαν αὐτῶν οἱ ἀμφ̓ Ἀλέξανδρον τῇ τε ῥώμῃ καὶ τῇ ἐμπειρίᾳ πολὺ προέχοντεσ, ὡσ ἐπὶ τοὺσ ἐλέφαντασ αὖθισ κατειλήθησαν.

καὶ ἐν τούτῳ πᾶσα ἡ ἵπποσ Ἀλεξάνδρῳ ἐσ μίαν ἴλην ἤδη ξυνηγμένη, οὐκ ἐκ παραγγέλματοσ, ἀλλὰ ἐν τῷ ἀγῶνι αὐτῷ ἐσ τήνδε τὴν τάξιν καταστᾶσα, ὅπῃ προσπέσοι τῶν Ἰνδῶν ταῖσ τάξεσι, ξὺν πολλῷ φόνῳ ἀπελύοντο. καὶ ἐσ στενὸν ἤδη κατειλημ[μ]ένων τῶν θηρίων οὐ μείω πρὸσ αὐτῶν οἱ φίλιοι ἤπερ οἱ πολέμιοι ἐβλάπτοντο ἐν ταῖσ ἐπιστροφαῖσ τε καὶ τοῖσ ὠθισμοῖσ καταπατούμενοι.

τῶν τε οὖν ἱππέων, οἱᾶ δὴ ἐν στενῷ περὶ τοὺσ ἐλέφαντασ εἰλουμένων, πολὺσ φόνοσ ἐγίγνετο καὶ οἱ ἡγεμόνεσ τῶν ἐλεφάντων οἱ πολλοὶ κατηκοντισμένοι ἦσαν, καὶ αὐτοὶ οἱ ἐλέφαντεσ τὰ μὲν τιτρωσκόμενοι, τὰ δὲ ὑπό τε τῶν πόνων καὶ ἐρημίᾳ ἡγεμόνων οὐκέτι διακεκριμένοι ἐν τῇ μάχῃ ἦσαν, ἀλλ̓ οἱᾶ δὴ ὑπὸ τοῦ κακοῦ ἔκφρονεσ φιλίοισ τε ὁμοῦ καὶ πολεμίοισ προσφερόμενοι πάντα τρόπον ἐξώθουν τε καὶ κατεπάτουν καὶ κατέκαινον. ἀλλ̓ οἱ μὲν Μακεδόνεσ, ἅτε ἐν εὐρυχωρίᾳ τε καὶ κατὰ γνώμην τὴν σφῶν προσφερόμενοι τοῖσ θηρίοισ, ὅπῃ μὲν ἐπιφέροιντο εἶκον, ἀποστραφέντων δὲ εἴχοντο ἐσακοντίζοντεσ·

οἱ δὲ Ἰνδοὶ ἐν αὐτοῖσ ἀναστρεφόμενοι τὰ πλείω ἤδη πρὸσ ἐκείνων ἐβλάπτοντο. ὡσ δὲ καματηρά τε ἦν τὰ θηρία καὶ οὐκέτι αὐτοῖσ ἐρρωμέναι αἱ ἐκδρομαὶ ἐγίγνοντο, ἀλλὰ συριγμῷ μόνον διαχρώμενα ὥσπερ αἱ πρύμναν κρουόμεναι νῆεσ ἐπὶ πόδα ὑπεχώρουν, αὐτὸσ μὲν Ἀλέξανδροσ περιβάλλει ἐν κύκλῳ τὴν ἵππον τῇ πάσῃ τάξει, τοὺσ πεζοὺσ δὲ ξυνασπίσαντασ ὡσ ἐσ πυκνοτάτην ξύγκλεισιν ἐπάγειν τὴν φάλαγγα ἐσήμηνε.

καὶ οὕτωσ οἱ μὲν ἱππεῖσ τῶν Ἰνδῶν πλὴν ὀλίγων κατεκόπησαν ἐν τῷ ἔργῳ· ἐκόπτοντο δὲ καὶ οἱ πεζοὶ πανταχόθεν ἤδη προσκειμένων σφίσι τῶν Μακεδόνων. καὶ ἐν τούτῳ ἵνα διέσχεν ἡ ἵπποσ ἡ Ἀλεξάνδρου ἐσ φυγὴν πάντεσ ἐπεστράφησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 5, chapter 17

(아리아노스, Anabasis, book 5, chapter 17)

상위

목록

SEARCH

MENU NAVIGATION