헬라어 문장 검색 - Αρριαν́Αναβασί5́09́

(아리아노스, Anabasis, book 5, chapter 9)

Καὶ Ἀλέξανδρόσ τε κατεστρατοπέδευσεν ἐπὶ τῇ ὄχθῃ τοῦ Ὑδάσπου, καὶ Πῶροσ κατὰ τὴν ἀντιπέρασ ὄχθην ὤφθη ξὺν πάσῃ τῇ στρατιᾷ καὶ τῶν ἐλεφάντων τῷ στίφει. ταύτῃ μὲν δὴ ᾗ κατεστρατοπεδευκότα εἶδεν Ἀλέξανδρον αὐτὸσ μένων ἐφύλαττε τὸν πόρον· ὅσα δὲ ἄλλα τοῦ ποταμοῦ εὐπορώτερα, ἐπὶ ταῦτα φρουρὰσ διαπέμψασ καὶ ἡγεμόνασ ἐπιστήσασ ἑκάστοισ εἴργειν ἐπενόει [ἀπὸ] τοῦ πόρου τοὺσ Μακεδόνασ. ταῦτα δὲ ὁρῶντι Ἀλεξάνδρῳ κινητέα καὶ αὐτῷ ἐδόκει ἡ στρατιὰ πολλαχῇ, ὡσ τὸν Πῶρον ἀμφίβολον γίνεσθαι.

διελὼν δὴ ἐσ πολλὰ τὸν στρατὸν τοὺσ μὲν αὐτὸσ ἄλλῃ καὶ ἄλλῃ ἦγε τῆσ χώρασ τὰ μὲν πορθῶν ὅσα πολέμια, τὰ δὲ σκοπῶν ὅπῃ εὐπορώτεροσ αὐτῷ ὁ ποταμὸσ φανεῖται, τοὺσ δὲ, τῶν ἡγεμόνων ἄλλοισ [καὶ] ἄλλουσ ἐπιτάξασ, καὶ αὐτοὺσ πολλαχῇ διέπεμπε. σῖτοσ δὲ αὐτῷ πάντοθεν ἐκ τῆσ ἐπὶ τάδε τοῦ Ὑδάσπου χώρασ ἐσ τὸ στρατόπεδον ξυνεκομίζετο, ὡσ δῆλον εἶναι τῷ Πώρῳ ὅτι ἐγνωκὼσ εἰή προσλιπαρεῖν τῇ ὄχθῃ, ἔστε τὸ ὕδωρ τοῦ ποταμοῦ μεῖον γενόμενον τοῦ χειμῶνοσ πολλαχῇ παραδοῦναί οἱ τὸν πόρον·

τά τε πλοῖα αὐτῷ ἄλλῃ καὶ ἄλλῃ παραπλέοντα καὶ αἱ διφθέραι τῆσ κάρφησ ἐμπιπλάμεναι καὶ ἡ ὄχθη πᾶσα πλήρησ φαινομένη τῇ μὲν ἱππέων, τῇ δὲ πεζῶν, οὐκ εἰά ἠρεμεῖν τὸν Πῶρον, οὐδὲ ἕν τι ἐπιλεξάμενον ἐσ φυλακὴν ξύμφορον ἐσ τοῦτο ἐκ πάντων παρασκευάζεσθαι. ἄλλωσ τε ἐν μὲν τῷ τότε οἱ ποταμοὶ πάντεσ οἱ Ἰνδικοὶ πολλοῦ τε ὕδατοσ καὶ θολεροῦ ἔρρεον καὶ ὀξέοσ τοῦ ῥεύματοσ·

ἦν γὰρ ὡρ́α ἔτουσ ᾗ μετὰ τροπὰσ μάλιστα τὰσ ἐν θέρει τρέπεται ὁ ἥλιοσ· ταύτῃ δὲ τῇ ὡρ́ᾳ ὕδατά τε ἐξ οὐρανοῦ ἀθρόα τε καταφέρεται ἐσ τὴν γῆν τὴν Ἰνδικὴν καὶ αἱ χιόνεσ αἱ τοῦ Καυκάσου, ἔνθενπερ τῶν πολλῶν ποταμῶν αἱ πηγαί εἰσι, κατατηκόμεναι αὔξουσιν αὐτοῖσ τὸ ὕδωρ ἐπὶ μέγα· χειμῶνοσ δὲ ἔμπαλιν ἴσχουσιν ὀλίγοι τε γίγνονται καὶ καθαροὶ ἰδεῖν καὶ ἔστιν ὅπου περάσιμοι, πλήν γε δὴ τοῦ Ἰνδοῦ καὶ Γάγγου καὶ τυχὸν καὶ ἄλλου του· ἀλλ̓ ὅ γε Ὑδάσπησ περατὸσ γίνεται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 5, chapter 9

(아리아노스, Anabasis, book 5, chapter 9)

상위

목록

SEARCH

MENU NAVIGATION