헬라어 문장 검색 - Αρριαν́Αναβασί5́04́

(아리아노스, Anabasis, book 5, chapter 4)

Ὁ δὲ Ἰνδὸσ ποταμὸσ ὅτι μέγιστοσ ποταμῶν ἐστι τῶν κατὰ τὴν Ἀσίαν τε καὶ τὴν Εὐρώπην, πλὴν Γάγγου, καὶ τούτου Ἰνδοῦ ποταμοῦ, καὶ ὅτι αἱ πηγαί εἰσιν αὐτῷ ἐπὶ τάδε τοῦ ὄρουσ τοῦ Παραπαμίσου ἤ Καυκάσου, καὶ ὅτι ἐκδίδωσιν ἐσ τὴν μεγάλην θάλασσαν τὴν κατὰ Ἰνδοὺσ ὡσ ἐπὶ νότον ἄνεμον, καὶ ὅτι δίστομόσ ἐστιν ὁ Ἰνδὸσ καὶ αἱ ἐκβολαὶ αὐτοῦ ἀμφότεραι τεναγώδεισ, καθάπερ αἱ πέντε τοῦ Ἴστρου, καὶ ὅτι Δέλτα ποιεῖ καὶ αὐτὸσ ἐν τῇ Ἰνδῶν γῇ τῷ Αἰγυπτίῳ Δέλτα παραπλήσιον καὶ τοῦτο Πάταλα καλεῖται τῇ Ἰνδῶν φωνῇ, ταῦτα μὲν ὑπὲρ τοῦ Ἰνδοῦ τὰ μάλιστα οὐκ ἀμφίλογα καὶ ἐμοὶ ἀναγεγράφθω. ἐπεὶ καὶ ὁ Ὑδάσπησ καὶ Ἀκεσίνησ καὶ Ὑδραώτησ καὶ Ὕφασισ, καὶ οὗτοι Ἰνδοὶ ποταμοὶ ὄντεσ, τῶν μὲν ἄλλων τῶν Ἀσιανῶν ποταμῶν πολύ τι κατὰ μέγεθοσ ὑπερφέρουσι, τοῦ Ἰνδοῦ δὲ μείονέσ εἰσιν καὶ πολὺ δὴ μείονεσ, ὅπου καὶ αὐτὸσ ὁ Ἰνδὸσ τοῦ Γάγγου.

Κτησίασ μὲν δή, εἰ δή τῳ ἱκανὸσ καὶ Κτησίασ ἐσ τεκμηρίωσιν, ἵνα μὲν στενότατοσ αὐτὸσ αὑτοῦ ὁ Ἰνδόσ ἐστι, τεσσαράκοντα σταδίουσ λέγει ὅτι διέχουσιν αὐτῷ αἱ ὄχθαι, ἵνα δὲ πλατύτατοσ, καὶ ἑκατόν· τὸ πολὺ δὲ εἶναι αὐτοῦ τὸ μέσον τούτοιν. Τοῦτον τὸν ποταμὸν τὸν Ἰνδὸν ὑπὸ τὴν ἑώ διέβαινε ξὺν τῇ στρατιᾷ Ἀλέξανδροσ ἐσ τῶν Ἰνδῶν τὴν γῆν·

ὑπὲρ ὧν ἐγὼ οὔτε οἷστισι νόμοισ διαχρῶνται ἐν τῇδε τῇ συγγραφῇ ἀνέγραψα, οὔτε ζῷα εἰ δή τινα ἄτοπα ἡ χώρα αὐτοῖσ ἐκφέρει, οὔτε ἰχθύασ ἢ κήτη ὅσα ἢ οἱᾶ ὁ Ἰνδὸσ ἢ ὁ Ὑδάσπησ ἢ ὁ Γάγγησ ἢ οἱ ἄλλοι Ἰνδῶν ποταμοὶ φέρουσιν, οὐδὲ τοὺσ μύρμηκασ τοὺσ τὸν χρυσόν σφισιν ἐργαζομένουσ, οὐδὲ τοὺσ γρῦπασ τοὺσ φύλακασ, οὐδὲ ὅσα ἄλλα ἐφ̓ ἡδονῇ μᾶλλόν τι πεποίηται ἢ ἐσ ἀφήγησιν τῶν ὄντων, ὡσ τά γε κατ̓ Ἰνδοὺσ ὅσα ἂν ἄτοπα ψεύσωνται, οὐκ ἐξελεγχθησόμενα πρὸσ οὐδαμῶν. ἀλλὰ Ἀλέξανδροσ γὰρ καὶ οἱ ξὺν τούτῳ στρατεύσαντεσ τὰ πολλὰ ἐξήλεγξαν, ὅσα γε μὴ καὶ αὐτῶν ἔστιν οἳ ἐψεύσαντο·

ἀχρύσουσ τε εἶναι Ἰνδοὺσ ἐξήλεγξαν, ὅσουσ γε δὴ Ἀλέξανδροσ ξὺν τῇ στρατιᾷ ἐπῆλθε, πολλοὺσ δὲ ἐπῆλθε, καὶ ἥκιστα χλιδῶντασ κατὰ τὴν δίαιταν, ἀλλὰ μεγάλουσ μὲν τὰ σώματα, οἱούσ μεγίστουσ τῶν κατὰ τὴν Ἀσίαν, πενταπήχεισ τοὺσ πολλοὺσ ἢ ὀλίγον ἀποδέοντασ, καὶ μελαντέρουσ τῶν ἄλλων ἀνθρώπων, πλὴν Αἰθιόπων, καὶ τὰ πολέμια πολύ τι γενναιοτάτουσ τῶν γε δὴ τότε ἐποίκων τῆσ Ἀσίασ. τὸ γὰρ Περσῶν τῶν πάλαι, ξὺν οἷσ ὁρμηθεὶσ Κῦροσ ὁ Καμβύσου Μήδουσ τε τὴν ἀρχὴν τῆσ Ἀσίασ ἀφείλετο καὶ ἄλλα ἔθνη τὰ μὲν κατεστρέψατο, τὰ δὲ προσχωρήσαντά οἱ ἑκόντα κατέσχεν, οὐκ ἔχω ἀτρεκῶσ ὥσ γε δὴ πρὸσ τὰ Ἰνδῶν ξυμβαλεῖν.

καὶ γὰρ καὶ Πέρσαι τότε πένητέσ τε ἦσαν καὶ χώρασ τραχείασ οἰκήτορεσ, καὶ νόμιμά σφισιν ἦν οἱᾶ ἐγγυτάτω εἶναι τῇ Λακωνικῇ παιδεύσει. τὸ δὲ τραῦμα τὸ γενόμενον Πέρσαισ ἐν τῇ Σκυθικῇ γῇ οὐδὲ τοῦτο ἔχω ἀτρεκῶσ ξυμβαλεῖν πότερα δυσχωρίαισ ξυνενεχθεῖσιν ἤ τινι ἄλλῃ Κύρου ἁμαρτίᾳ ξυνέβη ἢ Σκυθῶν γε τῶν ταύτῃ κακίουσ τὰ πολέμια Πέρσαι ἦσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 5, chapter 4

(아리아노스, Anabasis, book 5, chapter 4)

상위

목록

SEARCH

MENU NAVIGATION