헬라어 문장 검색 - Ηιπποξ́Οευϝρεσ́10́08́0́

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 8.)

Ἢν δὲ ὁ βραχίων καταγῇ, ἢν μέν τισ ἀποτανύσασ τὴν χεῖρα ἐν τουτέῳ τῷ σχήματι διατείνῃ, ὁ μῦσ τοῦ βραχίονοσ κατατεταμένοσ ἐπιδεθήσεται‧ ἐπὴν δ’ ἐπιδεθεὶσ ξυγκάμψῃ τὸν ἀγκῶνα, ὁ μῦσ τοῦ βραχίονοσ ἄλλο σχῆμα σχήσει. Δικαιοτάτη οὖν βραχίονοσ κατάτασισ ἥδε‧ ξύλον πηχυαῖον ἢ ὀλίγῳ βραχύτερον, ὁκοῖοι οἱ στειλαιοί εἰσι τῶν σκαφίων, κρεμάσαι χρὴ, ἔνθεν καὶ ἔνθεν σειρῇ δήσαντα‧ καθίσαντα δὲ τὸν ἄνθρωπον ἐπὶ ὑψηλοῦ τινοσ, τὴν χεῖρα ὑπερκεῖσθαι, ὡσ ὑπὸ τῇ μασχάλῃ γένηται ὁ στειλαιὸσ ἔχων ξυμμέτρωσ, ὥστε μόλισ δύνασθαι καθίννυσθαι τὸν ἄνθρωπον, σμικροῦ δέοντα μετέωρον εἶναι‧ ἔπειτα θέντα τι ἄλλο ἔφεδρον, καὶ ὑποθέντα σκύτινον ὑποκεφάλαιον, ἢ ἓν ἢ πλείω ὅκωσ ξυμμέτρωσ σχοίη ὕψεοσ τοῦ πήχεοσ πλαγίου πρὸσ ὀρθὴν γωνίην. Ἄριστον μὲν σκύτοσ πλατὺ καὶ μαλθακὸν, ἢ ταινίην πλατέην ἀμφιβάλλοντα, τῶν μεγάλων τι σταθμίων ἐξαρτῆσαι, ὅ τι μετρίωσ ἕξει κατατείνειν‧ εἰ δὲ μὴ, τῶν ἀνδρῶν ὅστισ ἐῤῬωμένοσ, ἐν τούτῳ τῷ σχήματι τοῦ πήχεοσ ἐόντοσ, παρὰ τὸν ἀγκῶνα καταναγκαζέτω ἐσ τὸ κάτω. Ὁ δὲ ἰητρὸσ ὀρθὸσ μὲν ἐὼν χειριζέτω, τὸν ἕτερον πόδα ἐπὶ ὑψηλοτέρου τινὸσ ἔχων, κατορθώσασ δὲ τοῖσι θέναρσι τὸ ὀστέον‧ Ῥηϊδίωσ δὲ κατορθώσεται‧ ἀγαθὴ γὰρ ἡ κατάστασισ, ἤν τισ καλῶσ παρασκευάσηται. Ἔπειτα ἐπιδείτω, τάσ τε ἀρχὰσ βαλλόμενοσ ἐπὶ τὸ κάτηγμα, καὶ τἄλλα πάντα ὥσπερ πρότερον παρῃνέθη, χειριζέτω‧ καὶ ἐρωτήματα ταὐτὰ ἐρωτάτω‧ καὶ σημείοισι χρήσθω τοῖσιν αὐτέοισιν, εἰ μετρίωσ ἔχει, ἢ οὔ‧ καὶ διὰ τρίτησ ἐπιδείτω, καὶ ἐπὶ μᾶλλον πιεζέτω‧ καὶ ἑβδομαῖον ἢ ἐναταῖον ἐν νάρθηξι δησάτω [, ἔστ’ ἂν ὑπὲρ τριήκοντα ἡμέρασ γίνηται]. Καὶ ἢν ὑποπτεύσῃ μὴ καλῶσ κεῖσθαι τὸ ὀστέον, μεσηγὺ τουτέου τοῦ χρόνου λυσάτω, καὶ εὐτεθισάμενοσ μετεπιδησάτω. Κρατύνεται δὲ μάλιστα βραχίονοσ ὀστέον ἐν τεσσαράκοντα ἡμέρῃσιν. Ἐπὴν δὲ ταύτασ ὑπερβάλῃ, λύειν χρὴ, καὶ ἐπὶ ἧσσον πιέζειν τοῖσιν ὀθονίοισι, καὶ ἐπὶ ἐλάσσοσιν ἐπιδεῖν. Δίαιταν δὲ ἀκριβεστέρην τινὰ ἢ τὸ πρότερον διαιτᾷν, καὶ πλείω χρόνον‧ τεκμαίρεσθαι δὲ πρὸσ τοῦ οἰδήματοσ τοῦ ἐν ἄκρῃ τῇ χειρὶ, τὴν Ῥώμην ὁρέων. Προσξυνιέναι δὲ χρὴ καὶ τάδε, ὅτι ὁ βραχίων κυρτὸσ πέφυκεν ἐσ τὸ ἔξω μέροσ‧ ἐσ τοῦτο τοίνυν τὸ μέροσ διαστρέφεσθαι φιλέει, ἐπὴν μὴ καλῶσ ἰητρεύηται‧ ἀτὰρ καὶ τἄλλα πάντα ὀστέα, ἐσ ὅπερ πέφυκε διεστραμμένα, ἐσ τοῦτο καὶ ἰητρευόμενα φιλέει διαστρέφεσθαι, ἐπὴν κατεαγῇ. Χρὴ τοίνυν, ἐπὴν τοιοῦτό τι ὑποπτεύηται, ταινίῃ πλατείῃ προσεπιλαμβάνειν τὸν βραχίονα κύκλῳ περὶ τὸ στῆθοσ περιδέοντα‧ καὶ ἐπὴν ἀναπαύεσθαι μέλλῃ, μεσηγὺ τοῦ ἀγκῶνοσ καὶ τῶν πλευρέων σπλῆνά τινα πουλύπτυχον πτύξαντα ὑποτιθέναι, ἢ ἄλλο τι ὃ τουτέῳ ἐοίκεν‧ οὕτω γὰρ ἂν ἰθὺ τὸ κύρτωμα τοῦ ὀστέου γένοιτο‧ φυλάσσεσθαι μέντοι χρὴ, ὅπωσ μὴ ᾖ ἄγαν ἐσ τὸ ἔσω μέροσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΓΜΩΝ., 8.

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 8.)

상위

목록

SEARCH

MENU NAVIGATION