Xenophon, Memorabilia, Ἀπομνημονευμάτων Α, chapter 2 44:

ὁ δὲ Κριτίασ, ἀλλὰ τῶνδέ τοί σε ἀπέχεσθαι, ἔφη, δεήσει, ὦ Σώκρατεσ, τῶν σκυτέων καὶ τῶν τεκτόνων καὶ τῶν χαλκέων· καὶ γὰρ οἶμαι αὐτοὺσ ἤδη κατατετρῖφθαι διαθρυλουμένουσ ὑπὸ σοῦ. οὐκοῦν, ἔφη ὁ Σωκράτησ, καὶ τῶν ἑπομένων τούτοισ, τοῦ τε δικαίου καὶ τοῦ ὁσίου καὶ τῶν ἄλλων τῶν τοιούτων; ναὶ μὰ Δί’, ἔφη ὁ Χαρικλῆσ· καὶ τῶν βουκόλων γε· εἰ δὲ μή, φυλάττου ὅπωσ μὴ καὶ σὺ ἐλάττουσ τὰσ βοῦσ ποιήσῃσ.